مساعده فى شراء - انا هشترى النهارده----

[Egy_fan]

السلام عليكم. انا قدامى النترا 2007 وكيل كامله تكييف تتش. حاله ممتازه ماشيه 76000. انا خايف من مشكله عدم الثبات و الفرامل الضعيفه و موضوع القطمه بتاعت الباور اللى بيبوز
انا عمرى ماسقت او حتى ركبت الالنترا. ياريت الخبراء يفيدونى على طول

شكرااااا

[motoxp]

العربية الالنترا جميلة جدا و عملية و قطع غيارها متوسطة مش غاليه وناعمة اوى فى السواقة

اما الالنترا 2007 فراملها قوية مش ضعيفة خالص

والثبات وحش دى اشاعة عشان الباور الكهرباء مع التعود هتعرف تتعامل معاه

وحااول تجيب جنوط 16 و كاوتش عريض 205 مثلا و شوف الثبات يا معلم

وعلى فكرة العربية روشة اوى ينفع معاها اى تضبيط

واستخير ربنا فوق كل شىء

[Egy_fan]

شكرا يا باشا و ربنا يباركلك

[Samir Elshahawy]

أهم حاجة تكشف علي العربية كويس و تتاكد من أوراقها في المرور
و ربنا يوفقك أن شاء الله

[mahmoud_afifi]

ربنا يوفقك ان شاء الله وتطلع حالتها كويسه عشان ماتتعبكش.
بالنسبه للفرامل فهي كويسه و بتسعف في الاوقات الحرجه وكمان لو الكاوتش نوعه محترم العربيه مش هتزحف معاك وتحس ان معاك ABS عن تجربه.
بالنسبه للثبات فهو نوعا ما كويس لو انت ماشي في طريق مستقيم (ماشي بيها على سرعة اكتر من 210 وبتجيب كمان) وماشيه في خط مستقيم. انما الثبات مش زي العربيات الالماني اكيد.
بالنسبه للقطمه دي على حسب الاستعمال لذلك اكشف كويس على العربيه قبل ما تجيبها عشان العربيه طلعت من الضمان بالتالي تغيير اي حاجه critical هيكون على حسابك وسعره غالي.

[Egy_fan]

شكرا يا شباب على الردود و هقلكوا ايه اللى حصل ان شاء الله

[mahmoud_afifi]

شكرا يا شباب على الردود و هقلكوا ايه اللى حصل ان شاء الله

ربنا يوفقك يا باشا وياريت فعلا تقولنا لقيتها ازاي وفين عشان في ناس بتدور على النترا تكون بالحاله دي ومش لاقيه.
مبروك مقدما

[sabregas2010]

مبروك مقدما وان شاء الله تعجبك

[koshary]

بجد العربيه دى تحفه كنت واخدها من ابن خالى قبل مايجيى الصنى وزفيت بيها ابن عمتى فى فرحو بجد مالهاش حل وواسعه جداا ومناسبة لكل الظروف وموتور حلو

[Egy_fan]

للأسف العربيه طلع فيها خبطات كتير من بره و عايزه شغل . انا شلتها من دماغى

[mahmoud_afifi]

للأسف العربيه طلع فيها خبطات كتير من بره و عايزه شغل . انا شلتها من دماغى

معلش ربنا يوفقك في واحده احسن