كاوتش وجنط فيرنا اتسرقوا

[ma7amadk]

عربية واحد صاحبي اتسرق منها مبارح فردة الكاوتش والجنط وهي واقفة مكانها وسابهاله مرفوعة على قالبين طوب
كنت عايز أعرف يجيب بديل ليها من عند مين
من أكتوبر أو الهرم أو المهندسين والأسعار في حدود كام
العربية فيرنا
والله لا يبارك للي سرقها

[samehelrewesh]

نفس المكان اللى اشترى منه الجنط يروحله ممكن يلاقى عنده
والسعر هيبقى حسب النوع والمقاس

[ma7amadk]

ده جنط الفابريكه يا باشا ومعذرة إني موضحتش كده :)

[Kareem Fawzy]

والله الواحد غلب من كتر اللى بيشوفوه

[S O P H O S]

الواحد تعب من الحرامية دولا

[Donzi]

طيب نبيع عربياتنا ولا نعمل ايه طيب ؟؟ و هي واقفة بتتقلب و هي ماشية بتتثبت و مش عارفين نمونها بقيت حاجة هم بصراحة

[Ahmod]

الموضوع ده حصل بالنص كدة برضوا مع واحد هنا في المنتدى معاه بونتو ايفو ! !

طيب نبيع عربياتنا ولا نعمل ايه طيب ؟؟ و هي واقفة بتتقلب و هي ماشية بتتثبت و مش عارفين نمونها بقيت حاجة هم بصراحة

+111

هي الازمة رجعت تاني ؟ امبارح كل بنزينات شارع الهرم اما مافيهاش 92 او زحمة جدا ! ؟

[m7mda7md]

ربنا يعوض عليه
ممكن يحط الاستبن بدل ال اتسرق و يجيب جنط استيراد يخليه استبن لأن الجنط المصري المعفن ال بينزل معاها بألف جنيه الجنط الواحد

[ma7amadk]

ربنا يعوض عليه
ممكن يحط الاستبن بدل ال اتسرق و يجيب جنط استيراد يخليه استبن لأن الجنط المصري المعفن ال بينزل معاها بألف جنيه الجنط الواحد

احنا ركبنا فعلا الاستبن
بس ليه جنط الفيرنا بألف جنيه؟؟
حرام والله اللي احنا فيه ده

[m7mda7md]

انا قصدي بس من موضوع الاستبن ده انه ميختلف اي حاجه عن باقي الجنوط عشان العربيه تبقي مظبوطه
السعر ده اخدته ممن التوكيل لما عربيتي عملت حادثه و كنت عاوز اجيب جنوط و قولت بما انه جنط مصري هيبقي ب 100 جنيه مثلا لقيته بيقولي 1000
الجنط الاستيراد الكوري بيقي 100-150 تقريبا و ده ساعه ما سألت بردو

[corsair]

ربنا يعوض علي صاحبك وانتا كدا هتخليني انزل التوفيقية بكره اجيب قفل الجنط

[ma7amadk]

والله بيني وبينك حاسس كلها حلول فكسانه
قفل الجنط وقفل الدركسيون
الدماغ المصرية ما بتبدعش غير في الهندسة العكسية وبس
يعني إزاي تفك قفل دركسيون ازاي تفتح عربية بدون ريموت ازاي وازاي وازاي....
احسن حل تبيت العربية قدام أي قسم شرطة
والا أقولك
حتى دي مش مضمونة :(