تقييم ملاك الأكسنت rb

[Ghosts]

الأكسنت rb دلوقتى بقالها مدة فى السوق المصرى ....
ياريت نعرف تقييم ملاكها للعربية ....

هل العربية فيها عيوب صناعة ولا العيوب اللى بنسمع عنها دى فردية؟؟!!
هل بتتعامل مع التوكيل فى متابعة الصيانة ولا المراكز المعتمدة أفضل ؟؟!!

[raedegypt]

انا فى الرياض السعوديه بصراحه جربتها تاجير حلوة جدآ وناعمه وشيك من برة وجوة ومنتشره جدآ فى شوارع الرياض مافيش اشارة الا ما تلاقى حواليك اتنين وثلاثه منها لو عربيه مش اد كدة ماكنا وجدنا الانتشار الواسع دة فى السعوديه هى والالنترا والكيا ..الهيونداى والكيا انتشروا بشكل ملحوظ بالخليج

[Ghosts]

انا فى الرياض السعوديه بصراحه جربتها تاجير حلوة جدآ وناعمه وشيك من برة وجوة ومنتشره جدآ فى شوارع الرياض مافيش اشارة الا ما تلاقى حواليك اتنين وثلاثه منها لو عربيه مش اد كدة ماكنا وجدنا الانتشار الواسع دة فى السعوديه هى والالنترا والكيا ..الهيونداى والكيا انتشروا بشكل ملحوظ بالخليج

ما هى المصيبة أن الهيونداى الخليجى تختلف عن المصرى ....
عمرى ما سمعت عن حد فى الخليج أتكلم عن مشكلة قابلتة فى العربية الهيونداى ....

لكن المصرى طول عمرة غلبان فى البلد دى ....
و موعود بالفرز التانى و التالت اللى فية عيوب صناعة ومشاكل...

[me_medoo]

هههههههههههههه
والله معاك حق يا جوست ... واحنا بنشوف فعلا العربيات الخليجيي بتختلف في الاوبشن والكولتي عن الي بتيجي مصر ، وتلاقي غبور افندي علشان يقضي على هذه الظاهرة يقلك مالهاش ضمان ولا قطع غيار وشوية شوية هيقول واللهِ لا اقطع عنكم مية ومنور وأحرمكم من المصروف . ههههههههههههه

انا بصراحة شايف هيا عربية لزيزة بس عليها بعض الملحظات :
1- في صوت طقة كده ولمن أجي أعشق الغيار الاتوماتيك وبلف الديريكسيون .

2- بسمع صوت الكوتش وانا سايق .

3- بحس بنقلات العربية لمن اكبسلها بنزين بصورة ملحوظة .

4- احياناً في وقت الظهر بشوف انعكاس صورة التابلوة على البرفريز الامامي ... ودي بيزغلل عنين الواحد .

طبعاً انا بتكلم عن نفسي والي شيفو في الي عندي ... وبيني وبينكم تمنها مبالغ فيه قوي 103.000 جنيه .

يعني كان حلو عليها قوي 80.000 بس الي خلى البيكانتو ب 83.000 جنية مش هيخلي الاكسينت توصل للمبلغ ده .

صحيح هيا بكام في السعودية ... أعتقد انها مش هتزيد عن 43000 ريال في جنيه ونص يعني حاجة وسبعين الف جنيه . وتحياتي .

[Ghosts]

هههههههههههههه
والله معاك حق يا جوست ... واحنا بنشوف فعلا العربيات الخليجيي بتختلف في الاوبشن والكولتي عن الي بتيجي مصر ، وتلاقي غبور افندي علشان يقضي على هذه الظاهرة يقلك مالهاش ضمان ولا قطع غيار وشوية شوية هيقول واللهِ لا اقطع عنكم مية ومنور وأحرمكم من المصروف . ههههههههههههه

انا بصراحة شايف هيا عربية لزيزة بس عليها بعض الملحظات :
1- في صوت طقة كده ولمن أجي أعشق الغيار الاتوماتيك وبلف الديريكسيون .

2- بسمع صوت الكوتش وانا سايق .

3- بحس بنقلات العربية لمن اكبسلها بنزين بصورة ملحوظة .

4- احياناً في وقت الظهر بشوف انعكاس صورة التابلوة على البرفريز الامامي ... ودي بيزغلل عنين الواحد .

طبعاً انا بتكلم عن نفسي والي شيفو في الي عندي ... وبيني وبينكم تمنها مبالغ فيه قوي 103.000 جنيه .

يعني كان حلو عليها قوي 80.000 بس الي خلى البيكانتو ب 83.000 جنية مش هيخلي الاكسينت توصل للمبلغ ده .

صحيح هيا بكام في السعودية ... أعتقد انها مش هتزيد عن 43000 ريال في جنيه ونص يعني حاجة وسبعين الف جنيه . وتحياتي .

تماااام يا me_medoo ....
أنا شايف أنها ملاحظات بسيطة و مفيش أى عربية فى الدنيا مش هيبقى فيها مشكلة أو أكتر ....
ياترى بتعمل الصيانة الدورية فى التوكيل ولا مركز من المراكز المعتمدة؟؟!!

[me_medoo]

لا هو حضرتك العربية لسه مكملتش معايه 300 كيلو بس وشفت فيها شوية مشاكل امال لوقعدت معايا هشوف ايه هههههههههه
أنشاء الله هعمل صينتها في التوكيل ابو رواش .

بس كمان من الحاجة الي مضيقاني جداً حكاية الكلكس الي راكب لها فردة وحده ... أمبارح كان في قطه بتعدي قدامي الشارع قعدت ازمرلها فلقيتها واقفه وعماله تبص للعربية بتدور ياعيني الصوت ده طالع منين هههههههههههه

ياترى في الخليج الكلكس بتاعهم فردتين ولا فردة واحده زي عندنا علشان يوفرو من تمنها .

[momo2011]

1- في صوت طقة كده ولمن أجي أعشق الغيار الاتوماتيك وبلف الديريكسيون .
ممكن حضرتك تروح مودرن سيرفس في مصر الجديدة و تقولهم علي المشكلة في صياانة الالف و هتتحل باذن الله
2- بسمع صوت الكوتش وانا سايق .
شوية بشوية هيخف الموضوع دا و لو مضاايق اووي شغل الكااسيت علي طول مش هتسمعة
3- بحس بنقلات العربية لمن اكبسلها بنزين بصورة ملحوظة .
هتروح مع اختفااء المشكلة الاولي ان شااء الله
4- احياناً في وقت الظهر بشوف انعكاس صورة التابلوة على البرفريز الامامي ... ودي بيزغلل عنين الواحد .
غريبة دي مش بشوفهاا هركز و ابقي اقولك عليهاااا

[me_medoo]

هيا مودرن سيرفس دي تبع غبور لاني كنت بفكر اوديها ابو رواش. بس بيني وبينكم مجربهم قبل كده وبصراحة بيكرهو الواحد في عيشتو

[momo2011]

هيا مودرن سيرفس دي تبع غبور لاني كنت بفكر اوديها ابو رواش. بس بيني وبينكم مجربهم قبل كده وبصراحة بيكرهو الواحد في عيشتو

وكيل معتمد من هيونداي و نااس محترمين جدا بس احجز قبل ما تروح عشاان لو روحت من غير حجز هتفضل قاعد عندهم بتاع 30 سااعة كدا :))) وامش عاادي بالغربية متقلقش لغاية صاينة الالف

[raedegypt]

ال مش عجباك 47 الف كل الكماليات ماعدا الفتحه والجنط وتصل الى 52 الف ريال فتحه سقف وجنوط .. نفس الثمن دة ثمن سيارة رينو فلوينس الفئه التانيه من ثلاث فئات بتاعتها ... يعنى 76 الف بدون اى جمارك ونقل وشحن وضريبه مبيعات ورسوم ... هو يادوب ثمنها عندكم مضبوط ... لو حسبت لكم الرينو الفلوينس هنا 52 الف يعنى 84 الف غير الجمرك شوف توكيلها عملها بكام عندكم وحاططها فى اى فئه علشان تعرفوا بنضحك عليكم صح فى مصر

[mohamedaskar]

السلام عليكم

هيا مودرن سيرفس دي تبع غبور لاني كنت بفكر اوديها ابو رواش. بس بيني وبينكم مجربهم قبل كده وبصراحة بيكرهو الواحد في عيشتو

في مركز غبور العبور انا لسه عامل صيانة الالف فيه وممتااااز جدا وصيانة الالف لازم تتعمل في غبور علشان تعتمد الضمان وبعد كده روح في اي مركز خدمه تاني ولو حابب اتأكد بالتليفون منهم وبالنسبه للعربيه انا شايف انها كويسه مش وحشه شوية اصوات للكاوتش فعلا بس مش قويه اوي بصراحه لازم تكون مركز والاتزان على السرعات العاليه مش لطيف وتجاوب الفتيس معاك على السرعات العاليه مش ممتاز يعني العربيه تاخد بالنسبه لي 7 على 10

[Mohab.Nabil]

ال مش عجباك 47 الف كل الكماليات ماعدا الفتحه والجنط وتصل الى 52 الف ريال فتحه سقف وجنوط .. نفس الثمن دة ثمن سيارة رينو فلوينس الفئه التانيه من ثلاث فئات بتاعتها ... يعنى 76 الف بدون اى جمارك ونقل وشحن وضريبه مبيعات ورسوم ... هو يادوب ثمنها عندكم مضبوط ... لو حسبت لكم الرينو الفلوينس هنا 52 الف يعنى 84 الف غير الجمرك شوف توكيلها عملها بكام عندكم وحاططها فى اى فئه علشان تعرفوا بنضحك عليكم صح فى مصر

يا اخى اتقى الله

بقى التوكيل ضحك علينا انه حط الفلوينس فى فئة الاكسنت .. يعنى عايز تفهمنا ان الاكسنت فئة اعلى و احسن من الفلوينس .. طيب كنت قول النترا حتى كانت تبقى مبلوعة شوية

انا هسيب اعضاء قسم هيونداى يردوا و انا واثق فى حكمهم المحايد

على فكرة الكلام فى المنتدى ممكن ربنا يحاسبك عليه لأن ممكن واحد مش فاهم ياخد الكلام ده على انه صحيح و يمشى وراه و يأثر فى قرار شرائه لعربية دافع فيها دم قلبه

[toty_305]

يا اخى اتقى الله

بقى التوكيل ضحك علينا انه حط الفلوينس فى فئة الاكسنت .. يعنى عايز تفهمنا ان الاكسنت فئة اعلى و احسن من الفلوينس .. طيب كنت قول النترا حتى كانت تبقى مبلوعة شوية

انا هسيب اعضاء قسم هيونداى يردوا و انا واثق فى حكمهم المحايد

على فكرة الكلام فى المنتدى ممكن ربنا يحاسبك عليه لأن ممكن واحد مش فاهم ياخد الكلام ده على انه صحيح و يمشى وراه و يأثر فى قرار شرائه لعربية دافع فيها دم قلبه

بلاش تاخد الكلام أفش كده ......الفلوينس حلوه و فئه غير الأكسنت و جامده و بتمشي على الحائط و كل اللي معاه رينو جامدين اخر 3 حاجات ......
هو الكلام بفلوس كل واحد بيقول رأي يحتمل الصواب و الخطأ

[me_medoo]

ههههههه ياعزيزي تيكت ايزي احنا في زمن العجايب ، ياباشا هما هنا في مصر بيبعو لينا العربيات وبيفهمونا انها عربيات في حين انها ادوات بمعنى ديت اي اربع سنين وبعدين على الزبالة بتتفرم ويعاد تصنيعها لكن احنا في مصر بنورثها لعيال عيالنا وتبقى العربية مدعوكة وبنغيرلها نص. قدام او ورى ونرجع نبيعها على اساس. انها فبريكة. في حين انها. معدتش تصلح للاستخدام الادمي. يعني انتا حضرتك لو الغسالة اتحرق متورها بترميها وتشتري غيرها مش تنزل الحرفين تدور على غسالة متور غسالة استيراد كزالك العربيات فمتستغربش من تمنها ده حتى بسعر تويوتا يارس فل اوبشن الي هيا اغلى حالياً من الرينو لكن لو جيت شفت تمنها الحقيقي هتلاقي كلو بسعر واحد وانا كان عندي حكمة دايماً بقولها لو معاك عشرين جنيه عاوز تاكول بيها ممكن تجيب شوية شيبس وباسكوتات وتاكول وممكن تجيب وجبة من مؤمن وتاكول وممكن تجيب فراخ وتاكول وممكن تجيب ربع طرب على شوية كفته وتاكول. فسعر اللحمه زي سعر الجبنه زي سعر الفراخ زي سعر الباسكوتات. احنا في زمن العجايب

والعربية الرينو مبتلقيش حد يركبها في الخليج لانها مبتستحملش. مش عاوز اقلك ان العربية اللوجن في الخليج بيجبوها المطاعم لتوصيل الطلبات للمنازل دلفري. مش احنا عندنا موتسيكلات صيني وفزب ( الدلفري ) هما عندهم هناك لوجن. وفيرنا وافيو خدمت التوصيل للمنازل. ههههههههه. وتحياتي

[Mohab.Nabil]

بلاش تاخد الكلام أفش كده ......الفلوينس حلوه و فئه غير الأكسنت و جامده و بتمشي على الحائط و كل اللي معاه رينو جامدين اخر 3 حاجات ......
هو الكلام بفلوس كل واحد بيقول رأي يحتمل الصواب و الخطأ

يا باشا مش قفش خالص على فكرة .. بس الكلام ده مفهوش اراء احنا مش بنقول حلوة ولا وحشة احنا بنقول على فئة هى بتنافس فيها ديه حقيقة مش رأى شخصى .. محدش قال بتمشى على الحيطة و محدش قال الرينو جامدة اخر 3 حاجات .. بس حط الفلوينس جمب الاكسنت كده و هتعرف انا بتكلم فى ايه .. ظلم للاكسنت تتقارن بفئة غير فئتها اصلا دا اللى بتكلم فيه

بس لما اجى اقولك الالنترا ديه فئة الريو و هما بيضحكوا على اللى بيشتروا هيونداى و منزلينها بسعر غير سعرها هيبقى دا رأى شخصى ولا ايه برضه