الفتيس الاتوماتيك للماتريكس

[mazeen]

المكان دة كويس

المكان ده كويس جداً وانا نفسى بتعامل معاه من اول ما فتح روح للبشمهندس/ احمد وخليه يكشفلك على الفتيس بالجهاز ولو الفتيس محتاج تغيير هو يعرف ناس فى الحرفيين خليه هو اللى يجيبه احسنلك حتى لو أغلى شويه ليه علشان لو طلع مش كويس هو بيبعت يغيره ويكون الفك والتركيب عليه غير لو انتا اللى كنت جايب الفتيس انا غيرت عنده قبل كده 2 فتيس اوتوماتيك (فيرنا / لانوس ) وشغالين تمام وعلى فكره انسان محترم وفاهم ومصنعيته حنينه انا خليت اكتر من 15 واحد صاحبى زباين عنده

[Ahmed Saad]

بص المشكله بتاعتك حلها تغير الفالف بدي بتاع الفتيس وتنضف الحساسات بتاعت النقل وتغير زيت الفتيس ل موبيل atf320 وفلتر الزيت بتاع الفتيس لان كل ده حصل بسبب عدم تغيير الزيت في معاده فبقي خفيف والفلتر اتوسخ وبقي في رايش داخل الفالف بدي في مجاري بلي النقل هوا ده كل اللي عندك واي حاجه انا في الخدمه

[Ahmed Saad]

وماتخفش تغيير الفالف بدي دا مش معضله بس روح لواحد بيفهم في الاتوماتيك زي بتاع عين الصيره جنب بنزينه موبيل بس مش فاكر اسمه او مجدي بتاع صقر قريش جنب توكيل التويوتا

[verna2008auto]

بص المشكله بتاعتك حلها تغير الفالف بدي بتاع الفتيس وتنضف الحساسات بتاعت النقل وتغير زيت الفتيس ل موبيل atf320 وفلتر الزيت بتاع الفتيس لان كل ده حصل بسبب عدم تغيير الزيت في معاده فبقي خفيف والفلتر اتوسخ وبقي في رايش داخل الفالف بدي في مجاري بلي النقل هوا ده كل اللي عندك واي حاجه انا في الخدمه

دعني احيك في تفسيرك المنطقي العلمي للموضوع ده
انا شوفت وقرأت عن ((سلونويد )) النقلات ..
وان ممكن فعلا ان عدم تغيير الزيت بالفلتر ممكن يكون سبب في إرتجاع راغش في مجاري الزيت
وخصوصا ان ال(( 4 بليات ) دول مسؤلين عن النقلات داخل المجاري بتوعهم بالزيت

ممكن فعلا تغيير او تنضيف الفتيس فعلا يحل المشكلة تماما ..
بالتوفيق

منقووووولل منقووووولل

http://www.nilemotors.net/Nile/271717-a.html

السلام عليكم
حصلت معاية مشكلة في الفتيس الأوتوماتك وبحاول احلها بنفسي وربنه يوفق ان شاء الله
لاكن مع كتر مادورت علي النت يعني عرفت شوية حاجات
الفتيس علشان يشغل صح لية كذا حاجة .
المشكلة الرئيسية هي عدم تغيرالزيت في معاده
وعدم تغير الفلتر واستخدام زيت رديئ قابل للأنضغاط
1-Pulse generator A, B ده عبارة عن حساسات النقل وتشتغل بالمغناتك يعني الكهرومغناطيسية ولومشكلة فيها تدربك الدنيا حلها لو المشكلة منهه يتغير او تفك وتسنفربسفرة نعامة جداً الجزء النحاسى اللي بيركب في الفتيس

اضغط هنا لمشاهدة الصورة بالحجم الطبيعي.


اضغط هنا لمشاهدة الصورة بالحجم الطبيعي.

2- Throttle position sensor حساس راكب علي بوابة الحقن ودة لتنظيم المسافة بين النقلة والنقلة ولازم الواصلة الكهربية تتنضف كويس

اضغط هنا لمشاهدة الصورة بالحجم الطبيعي.


اضغط هنا لمشاهدة الصورة بالحجم الطبيعي.

3-Solenoid valve & connector الوصلات الكهربائية لحساسات النقل لو فيها زيت أو اتساخ أين كان تعمل نفس المشكلة وبتنضف بكلينر وصلات كهربائي اما Solenoid valve حساسات تعمل بضغط الزيت وهي مسئوله عن النقل ومركبة علي نهاية أو بداية المجري ويوجد داخل المجري بلية مسئولة علي ضغط الحساس ليفتح للنقلة الي بعدها ولو في رايش في المجري بحجم شعرة الرأس تعمل مشكلة وتأخر النقل وبرجل الدنيا


اضغط هنا لمشاهدة الصورة بالحجم الطبيعي.



اضغط هنا لمشاهدة الصورة بالحجم الطبيعي.



اضغط هنا لمشاهدة الصورة بالحجم الطبيعي.

4-Idle switch حساس راكب علي البوابة الحقن بسلكة واحدة يعمل بفس المشكلة راجعة وشوف الواصلة صح ولا لا

اضغط هنا لمشاهدة الصورة بالحجم الطبيعي.

فلتر الزيت




Solenoid valve
طبعا جسم حساسات السلونيد دة عبارة عن مجاري ينضغط فيها الزيت تفتح وتفل الحساسات حسب الضغط ده لازم تنظفها كويس زي الصور




اضغط هنا لمشاهدة الصورة بالحجم الطبيعي.

[osoo22]

ياباش مهندس ابوس رجليك موضوع الفتيس ده مفيهوش تهريج خالص

مينفعش حاجه اسمها بعيد لازم تروح لحد مضمون عشان يبقى الاداء باذن الله مضمون

تكنو وان كويس لو متدايق من دخله الحرفين والحاجات دي

في قبل الحرفيين مركز معتمد اسمه مودرن سيرفز شغال في هيونداي وفي بيجو وشغلهم محترم الحمد لله روحلهم هما بعد ما تعدي السندباد وكانك رايح الحرفيين هتلاقيه على الشمال

ومن فضلك لازم تروح ياما تكنو ياما مودرن سيرفس لانهم هيبقى عندهم الاجهزه بتاعه الكشف على الحساسات ولازم حضرتك تكشف عشان ممكن يكون في حساس تعبان ولا حاجه

-------------------------------------------------------------

لا قدر الله لا قدر الله لو في اي حاجه حصلت متسمعش كلام الميكانيكي الي يقولك كلاتشات ولا بادي فالف ولا اي حاجه هتخش في دوامات مالهاش اول من اخر ..... اخرك في الفتيس الاوتوماتك تغير حساسات وزيت وفلتر نادرا اوي اوي اوي فتيس اوتوماتك يتصلح يرجع زي الاول خصوصا الهيونداي وبيبقى فيه شغل كتير عايز يتزبط وهيكلف تكلفه انك تجيب فتيس تاني استيراد

العربيه هتاخد معاك في حدود 4.5 كيلو ممكن تغير الشل انا مجربه كويس ومفيهوش اي مشاكل في علبه ب 25 وعلبه ب 30 خد الي ب 30 جنيه دي لسه نازله جديد وافضل من السابقه والفلتر سعره في حدود 120 جنيه والموضوع مش محتاج احترافيه خالص ده ممكن تغيره تحت البيت والسيليكون ده ماده متوفره عند كل الصنايعيه مش قصه

------------------------------

قياس زيت الفتيس بعد التغير تحرك الفتيس على كل الاوضاع وبعد كده تخليه على r or n وتفك العصايه تمسح وتحطها تاني وتطلعها تشوف ايه الكلام بالنسبه لما بيكون بارد الزيت ليه مستوى وعلى الناحيه التانيه رنج برضو لمستوى الزيت وهو سخن مينفعش يقل عنه



ومن فضلك ياباش مهندس طمنا ايه حصل مع حضرتك

ومن فضلك افتكر بعد كده ان اي تهاون في اي حاجه تخص الفتيس او المتور سواء زيوت سيور فلاتر تمنها متور جديد

يا باشا الف شكر على المعلومات الجميلة ديه و انا اتفق معاك 100% فى كلامك .
احب بس ضيف معلومة انا امبارح كنت بغير زيت الفتيس و قلولى ان أفضل نوع زيت ال mobil الاحمر الكيلو ب 45 جنية و العربية اخدت 3.5 لتر و الفلتر الاصلى جبتو ب 120 جنية و ربنا يسهل ان شاء الله .

[eng_petrol]

يا خونا و الله انا عاجز عن الشكر على كلامكم انا لسه معملتش حاجة وممكن اى حد يكتب عنوان مودرن سيرفس الى اكشف عندهم على الفتيس بالضبط....محتاج ارتب خطواتى وازاى ابدا ومنين ومن فضلكم ساعدونى

[wisambasha]

ايه يا جماعة الحلاوة دي؟!!!!!

الموضوع طلع كبير قوي .... انا اول مرة اسوق عربية اتوماتيك ولما جبتها كل الناس فعلا بتقولي "خلي بالك من زيب الفتيس الاتوماتيك الزيب هو روح الفتيس" لكن مكونتش اعرف ان في ناس زي زمايلي في نايل موتورز عندها كم المعلومات الجامدة دي

انا عربيتي حاليا عاملة 61 الف كيلو وعاوز اعمل صيانة ال 60 الف بس انا مكونتش مخطط اني اغير زيت الفتيس لان العربية عملت صيانة ال 40 الف في توكيل غبور ابو رواش وغيرت زيت فتيس بس انا خوفت لما سمعت ان الفتيس الاتوماتيك له فلتر زيت زي الموتور ... انا مش عارف هل في التوكيل لما غيروا زيت الفتيس غيروا معاه فلتر الزيت بتاع الفبيس ولا لأ؟؟؟

وهل زيوت الفتيس كلها متشابهة في المواصفات ولا لأ؟؟

اعتقد ان توكيل هيونداي بيتعاملوا مع زيوت شل atf

لو حد عنده معلومه ياريت يفيدني بيها

اشكركم جميعا

[wisambasha]

يا خونا و الله انا عاجز عن الشكر على كلامكم انا لسه معملتش حاجة وممكن اى حد يكتب عنوان مودرن سيرفس الى اكشف عندهم على الفتيس بالضبط....محتاج ارتب خطواتى وازاى ابدا ومنين ومن فضلكم ساعدونى

انا عاوز اسأل حضرتك بالمرة

انت عملت صيانة ال 60 الف لعربيتك ولا لسة؟؟

حضرتك قولت في مشاركة قبل كدة ان العربية عاملة 68 الف كيلو

[eng_petrol]

انا لسه شارى العربية من شهرين ومعرفش هو عمل صيانة ال60000

[verna2008auto]

بغض النظر عن اي شيء
برجاء تغيير زيت الفتيس الاوتو مع الفلتر كل ( 40.000 ) الف كيلو مع تغيير فلتر

*- اغلي زيت في السوق يا جماعة اللتر ب 75 جنية( فالفولين ).
ماتستخسرش والفلتر ب 120 ج وانتا ها تحتاج 3 لتر توتالي 345 جنية وده اغلي رقم

يعني لو حسبت كل 40.000 هاتدفع في العربية 400 جنية وتوفر ( دبكة ووجع دماغ وعمر العربية وتمن فتيس وضياع وقت )
هاتلاقي ان الوقاية خير من العلاج

اعمل اللي با اقولك علية ... انتا فاهم

[verna2008auto]

يا خونا و الله انا عاجز عن الشكر على كلامكم انا لسه معملتش حاجة وممكن اى حد يكتب عنوان مودرن سيرفس الى اكشف عندهم على الفتيس بالضبط....محتاج ارتب خطواتى وازاى ابدا ومنين ومن فضلكم ساعدونى

[osoo22]

يا خونا و الله انا عاجز عن الشكر على كلامكم انا لسه معملتش حاجة وممكن اى حد يكتب عنوان مودرن سيرفس الى اكشف عندهم على الفتيس بالضبط....محتاج ارتب خطواتى وازاى ابدا ومنين ومن فضلكم ساعدونى

الأخ فيرنا مشكور حطلك مكان مودرن سيرفيس على الخريطة انا روحتة قبل كده هما محترمين فى تعاملاتهم بس هم حاجة تروح بدرى و بلاش يوم الجمعة و منتساش تقولناعملت اية علشان انا عنى نفس الحوار بس فى أخر نقلة و مش على طول يعنى حصلت كام مرة كده و لما بطفى و اشغل بتظبط بس زى ما قولتلك انى روحت غيرت زيت Mobile ATF320 و فلتر الاصلى 120 لسه بجرب و الله المستعان أدعولى يا جماعة .

[osoo22]

يا أستاذ Eng Petrol ايه الأخبار طمنا روحت ولا لسة و عملت اية ؟؟؟

[eng_petrol]

انا روحت لحد توكيل هيونداى فى شبرا اسمه مهندس حسام ...قالى ان اى فتيس بيتفتح مش بيرجع زى الاول و هتصرف عليه اوى و كمان مفيش كلاتشات جديدة فتجيبها استيراد يعنى مستعملة فالاحسن انى امشي اكده لحد ما الفتيس يجيب اخرة بس اغيرله زيت و انضف الحساسات و كده و بعدين لو باظ خالص ابقى واحد استيراد كويس... ده كلامه......المياكانيكى لما رحتله قالى فعلا الكلاتشات هتبقى استيراد بس سليمة و كمان هيكشف على الكونترول فممكن يحتاج يتغير فممكن الفتيس الحالى يتكلف من 700-2100 جنيه و الفتيس الاستيراد تمنه حوالى 2500 - 3000 جنيه فالاحسن انى استنى خاصة انى بسوقها بقالى اسبوع و و الحياة كويسة و الحمدلله ربنا يديمها نعمة و خايف انها تزيد بس ربنا يستر و ان شاء تستحمل و تعمل باصلها حكم الواحد مزنوق......

[eng_petrol]

يا أستاذ eng petrol ايه الأخبار طمنا روحت ولا لسة و عملت اية ؟؟؟

انا روحت لحد توكيل هيونداى فى شبرا اسمه مهندس حسام ...قالى ان اى فتيس بيتفتح مش بيرجع زى الاول و هتصرف عليه اوى و كمان مفيش كلاتشات جديدة فتجيبها استيراد يعنى مستعملة فالاحسن انى امشي اكده لحد ما الفتيس يجيب اخرة بس اغيرله زيت و انضف الحساسات و كده و بعدين لو باظ خالص ابقى واحد استيراد كويس... ده كلامه......المياكانيكى لما رحتله قالى فعلا الكلاتشات هتبقى استيراد بس سليمة و كمان هيكشف على الكونترول فممكن يحتاج يتغير فممكن الفتيس الحالى يتكلف من 700-2100 جنيه و الفتيس الاستيراد تمنه حوالى 2500 - 3000 جنيه فالاحسن انى استنى خاصة انى بسوقها بقالى اسبوع و و الحياة كويسة و الحمدلله ربنا يديمها نعمة و خايف انها تزيد بس ربنا يستر و ان شاء تستحمل و تعمل باصلها حكم الواحد مزنوق......