في امريكا ..

[mody3on]

السلام عليكم ,
لسه شايف خبر كده قلت اجي اشاركه هنا بالعند في كارهي هيونداي
الخبر بيقول ان الناس بتدفع في الالنترا اكتر من السيفيك والكورولا
Hyundai Elantra pricier than Civic, Corolla
ترجمة مختصرة للخبر ,
وفقا للبحث اللي اتعمل من موقع Edmunds , الناس بتدفع في الالنترا الجديدة بمتوسط $19,711
وبكده تبقى اغلى من الكورولا ب 1500 دولار والسيفيك ب 500 دولار , ده غير ارتفاع مبيعات الالنترا في امريكا بنسبة 40% السنة اللي فاتت
مكتوب برضه ان العربية مفيهاش التطور الخارق اللي يفسر الارتفاع المهول ده
غير سرعتين في الفتيس الجديد وتصميمها الجميل الجديد وكاميرا خلفية ( طبعا دي الاختلافات في امريكا )
في حاجة كمان ,
المدير التنفيذي لهيونداي John Krafcik بيقول ان احنا كده لسه مقربناش "خالص" لاخر طموحاتنا , وان احنا لسه في وسط رحلة طويلة جدا.
وده كان حاجة بسيطة للناس اللي بتقول ان الناس بره بتشتري الكوري فقط علشان انها عربيات رخيصة
Haters Gonna Hate!

[mahmoud_afifi]

العربيات الكوري في الخارج مختلفه تماما عن العربيات في مصر سواء في التقفيل او الخامات او حتى الكماليات و وسائل الامان. ده حتى الفرق واضح بين الخليجي والوكيل !

يارب وكيل محترم ينتشلنا من الضياع الي احنا فيه ده.

بس انا برضه مستغرب ازاي الهيونداي اغلى من الهوندا والتويوتا بره !!

[Mohab555]

منك لله يا غبور
روح منك لله يا سارق اللذه

[mody3on]

العربيات الكوري في الخارج مختلفه تماما عن العربيات في مصر سواء في التقفيل او الخامات او حتى الكماليات و وسائل الامان. ده حتى الفرق واضح بين الخليجي والوكيل !

يارب وكيل محترم ينتشلنا من الضياع الي احنا فيه ده.

بس انا برضه مستغرب ازاي الهيونداي اغلى من الهوندا والتويوتا بره !!

ده الطبيعي , الياباني اول ما طلع كان ارخص من الاوروبي والامريكي وبعدين بعد ما خد الثقة بقى بيغلي براحته لان الشعبية معاه , وده يفسر مبيعات الكورولا المهولة مع انها عربية تعبانة بشهادة كل المواقع , لكن المشتري العادي مبيقراش الحاجات دي وبيعتمد على اللي بيشوفه بعينه
دي سنة الحياة :)

[Samir Elshahawy]

يعني الأمريكان طلعوا مابيفهموش زينا و بيشتروا الكوري و سايبين هوندا و تويوتا
ههههههههههههههههه

[S O P H O S]

سبحان الله

[Mzeid]

منك لله يا غبور
روح منك لله يا سارق اللذه

لا بالعكس غبور بالنسبة لمنطق المشتري المصري ماشي صح

لأنه لو نزل العربيات بجميع كمالياتها زي الخارج هتبقى في سعر الحاجات الياباني او احتمال أعلى زي الخبر ما بيقول و طبعا كفكر للمستهلك المصري هيقولك و أنا ليه أجيب كوري بنفس سعر الياباني ( و انا منهم :d )
فبالتالي هو بيحاول يخفض في كماليات العربيات بقدر الامكان طبقا للمسموح علشان سعرها يفضل محافظ على الفرق بينه و بين الياباني علشان يعرف يبيع

طبعا الكلام دة رأيي اولا و أخيرا وقد يحتمل الخطا قبل الصواب

[alnmr79]

علشان نكون منصفين الكورى فى الطالع مقابل نزول اليابانى وتعالو نرجع 20 سنة لوروا ونشوف الفرق.
اليابانى1994 :هوندا سيفك (اس اي)131 حصان ولسه مواصفاتها زى عربيات موديل 2012
تويوتا كورولا(الملكة) عربية زى الجنيه الدهب اللى معاه مبيفرطش فيها وادائها بروا كانها 2010
الكورى 1994:هيونداى اكسيل1994كويسة بس اقل من اليابانى فى القوة والثبات والجودة
دايو ريسر واسبيرو.كويسين لانهم بتكنولوجيا وصناعة المانى وامريكى بس ايضا بعييد عن اليابانى.
يعنى اليابانى كان بيوفر العربيات اللى احنا محتاجينها فى مصر(عربيات خدمة شاقة واعتمادية
دلوقتى 2012 الحال اتغير وبقى الكورى(هيونداى وكيا )بالعشر موديلات اشكال والوان تحتار تركب ايه اسبور والا هاتش باك والا كوبيه والا اس يو فى والا 4*4 للماركة الواحدة مقابل موديل او اتنين للماركات اليابانى المنافسة.
الكوريين بيشتغلوا وبيحصدوا تعابهم نجاح ودة حقهم
عقبالنا لما نشتغل ونبطل كلام وخناق
قولوا امين

[Veroman]

ده الطبيعي , الياباني اول ما طلع كان ارخص من الاوروبي والامريكي وبعدين بعد ما خد الثقة بقى بيغلي براحته لان الشعبية معاه , وده يفسر مبيعات الكورولا المهولة مع انها عربية تعبانة بشهادة كل المواقع , لكن المشتري العادي مبيقراش الحاجات دي وبيعتمد على اللي بيشوفه بعينه
دي سنة الحياة :)

ياريت حضرتك تبعتلى المواقع اللى كاتبين فيها الكورلا تعبانة لان الكورلا مفيهاش غير موضوع الفتيس و دوسة البنزين و دوسة النزين دى نادرا لكن الفتيس هوا الاشكال فية و لكن لو على الجودة و كدة اكيد الكورلا احسن فى الجودة .. و حتى لو الكورى غالب اليابانى فى الشكل و الكماليات اليابانى احسن .. و لو هتتكلم فى امريكا الحاجات اللى بتنزل هناك مختلفة عن الحاجات اللى بتنزل هنا فى الجودة طبعا

[esam_ayad]

يا جماعه أنا معاكم ان الياباني مابقاش زي الاول لكن برضو في نفس الوقت مانظلمش الياباني ونقول بقي فاشل وجودتة سيئة لأن الياباني لحد دلوقتي لسه قوي لكن مابقاش ممتاز زي أيام التسعينات مثلا,
وطبعا الكوري برضو تطور جامد جدا لكن لسه شوية عليه علشان يحصل جودة الياباني.
وعلي سبيل المثال هنا في الكويت المصريين اللي في الكويت يقولولك علي جودة الكرولا مثلا,وأنا لما جيت اشتري هيونداي ألنترا فضلو يعقدوني فيها لأن مالهاش سوق هنا خااااااااالص وفضلو كل زملائي يقنعوني بجودة الكرولا وقيمة اعادة بيعها.

[Samir Elshahawy]

بلاش نظلم الياباني

الياباني محافظ علي نفسه و لكن معدل تطوره تباطأ بينما معدلات تطور الكوري أزدادت بشكل سريع و مذهل خاصة في ال 10 سنوات الاخيرة و لو أستمرت تلك المعدلات المتباطئة من الصناعة اليابانية و المتسارعة من الصناعة الكورية ستلحق كوريا بكلا من اليابان و أوروبا و قد تتفوق عليهما

ده مش بس كده ... هناك عملاقين أخريين في الطريق للمنافسة : الصين و الهند

المهم ... أحنا هانكون فين من السباق ده

[esam_ayad]

احنا موجودين طبعا ياباشا

احنا هانركب العربيات اللي هما بيصنعوها وهما ياخدو فلوسنا ويصنعو واحنا نركب وهكذاا
ونفضل نقول احنا هانبقي احسن منهم ان شاء الله.ههههههههههههههههه

[mody3on]

ياريت حضرتك تبعتلى المواقع اللى كاتبين فيها الكورلا تعبانة لان الكورلا مفيهاش غير موضوع الفتيس و دوسة البنزين و دوسة النزين دى نادرا لكن الفتيس هوا الاشكال فية و لكن لو على الجودة و كدة اكيد الكورلا احسن فى الجودة .. و حتى لو الكورى غالب اليابانى فى الشكل و الكماليات اليابانى احسن .. و لو هتتكلم فى امريكا الحاجات اللى بتنزل هناك مختلفة عن الحاجات اللى بتنزل هنا فى الجودة طبعا

كلام EDMUNDS
Among newer (and better) rivals, the 2012 Toyota Corolla is no longer a class leader. In the absence of any significant improvements, we suggest checking out the competition first
2012 Toyota Corolla
وواخدة هنا 7 من 10
2012 Toyota Corolla Reviews and Ratings - The Car Connection
وهنا واخدة ترتيب 40 من اصل 41 عربية COMPACT ههههههههههه , واخدة كمان 6.5 من 10
2012 Toyota Corolla Reviews, Pictures and Prices | U.S. News Best Cars
وبرضه هيونداي اللي في امريكا مختلفة تماما تماما عن اللي هنا , يا راجل دي بتنزل ب ESC و BA و 6 ايرباج و ABS-EBD وتراكشن كونترول وحاجات كتيرة جدا

[esam_ayad]

كلام edmunds
among newer (and better) rivals, the 2012 toyota corolla is no longer a class leader. In the absence of any significant improvements, we suggest checking out the competition first
2012 toyota corolla
وواخدة هنا 7 من 10
2012 toyota corolla reviews and ratings - the car connection
وهنا واخدة ترتيب 40 من اصل 41 عربية compact ههههههههههه , واخدة كمان 6.5 من 10
2012 toyota corolla reviews, pictures and prices | u.s. News best cars
وبرضه هيونداي اللي في امريكا مختلفة تماما تماما عن اللي هنا , يا راجل دي بتنزل ب esc و ba و 6 ايرباج و abs-ebd وتراكشن كونترول وحاجات كتيرة جدا

طيب ممكن بعد إذن حضرتك تقولنا هيونداي النترا - النسخه الأمريكيه طبعا- واخده كام في المواقع دي؟

[mody3on]

طيب ممكن بعد إذن حضرتك تقولنا هيونداي النترا - النسخه الأمريكيه طبعا- واخده كام في المواقع دي؟

تحت امرك :)
موقع edmunds
Thanks to head-turning styling, a fuel-efficient engine and a long list of standard safety features and upscale options, the 2012 Hyundai Elantra is a top pick for a small sedan.
2012 Hyundai Elantra
وواخدة 4 من 41 عربية كومباكت , اللي كورولا فيه ال 40 ( التقييم 8.7 من 10 )
2012 Hyundai Elantra Reviews, Pictures and Prices | U.S. News Best Cars
وفي الموقع اللي الكورولا واخدة فيه 7 , الالنترا واخدة 8.2
2012 Hyundai Elantra Reviews and Ratings - The Car Connection