رأيكم في الألنترا 2012

[memofree]

مبالغ جدا جدا فى السعر . بس الاصاله تكسب زى التويوتا و الاكتاقيا و الباسات

[Samir Elshahawy]

شكرا يا باشمهندس سمير و الله أنا زنان و تعبك - طب معلش ايه اخبار العربيه في المطبات عشان حاسس أنها واطيه حبه

مافيش مشكلة في المطبات لحد دلوقتي
بس لاحظ أن معظم مشاويري بتكون سفر و بأكون لوحدي

المرة الوحيد اللي العربية كانت محملة فيها (3 أشخاص ورا + شخص بالامام و أنا طبعا) و طريق وعر (مقابر طريق السويس) الحمد لله العربية مالمستش الارض أو اي مطلع أو مطب و برضه كنت ماشي علي مهلي و بحذر شديد

أعتقد مافيش مشكلة مع المطبات العادية لكن اي مطب غير عادي اكيد هيؤثر علي اي عربية مهما كانت

[Samir Elshahawy]

مبالغ جدا جدا فى السعر . بس الاصاله تكسب زى التويوتا و الاكتاقيا و الباسات

أصالة دي بتغني و الالنترا ماشية علي الطريق
ههههههههه

[teefa_10]

معلش يا باشمهندس سمير أنت أكيد زهقت مني - هي العربيه فيها بلوتوث و لا لأ

السؤال الأهم كلمت التوكيل اللي في روكسي النهارده و كده - و سئلته علي شركات التأمين اللي بيتعاملوا معاها و كده - قالي عندنا تبعنا و ميزتها أنك بتدخل العربيه و مش بتدفع حاجه و الحساب بيبقي منينا فينا
و شوية أوبشن تانيه ظريفه 3.5 % من قيمة العربيه - ونش مجاني داخل القاهره -

تعرف حاجه عن الموضوع ده و ايه رأيك فيه؟؟؟؟؟؟؟؟؟؟؟

[Samir Elshahawy]

معلش يا باشمهندس سمير أنت أكيد زهقت مني - هي العربيه فيها بلوتوث و لا لأ

السؤال الأهم كلمت التوكيل اللي في روكسي النهارده و كده - و سئلته علي شركات التأمين اللي بيتعاملوا معاها و كده - قالي عندنا تبعنا و ميزتها أنك بتدخل العربيه و مش بتدفع حاجه و الحساب بيبقي منينا فينا
و شوية أوبشن تانيه ظريفه 3.5 % من قيمة العربيه - ونش مجاني داخل القاهره -

تعرف حاجه عن الموضوع ده و ايه رأيك فيه؟؟؟؟؟؟؟؟؟؟؟

ههههههه
مش ممكن أزهق و لو زهقت ما أستحقش أبقي منسق

العربية مافيهاش بلوتوث بس ممكن تركبه عادي

بالنسبة للتأمين عن طريق الوكيل ده الافضل طبعا و حكاية 3.5 % دي عادي لأن كل العربيات الاسيوي بيكون تأمينها عالي أما الأوروبي بيكون أقل تقريبا 2.5%

[teefa_10]

أنا مش قصدي أن القيمه غاليه أنا بس بوضح - بس متعرفش حاجه عنهم - كويسين و محترمين و لا أندال

[Samir Elshahawy]

طيب أسمها أيه شركة التأمين ؟

اللي أعرفه و كويس :
- مصر للتأمين
- أليانز مصر

[teefa_10]

مش شركه محدده أو مشهوره - هو غبور بيقول أنا التأمين - أديني الفلوس و المضوع كله معايا و زي ما قولت لحضرتك لاقدر الله لو حاجه حصلت تدخل تصلح عندهم من غير اي حاجه عشان منهم فيهم

ايه رأيك في العربيه اللي بالجنط ال 15

[hossam_elwani]

الالنترا ممتازه وكفايه تقييمها وسمعتها فى العالم وخصوصا السوق الامريكى...........

[teefa_10]

يا جماعه اخر فرصه - بعد ماشفت موضوع بداية الثورة علي غبور قلقت شويه بعد ما كنت خلاص نويت

أتوكل علي الله فيها و لا أصرف نظر

[Fattmah]

الالنترا اول فئه وكيل اتوماتك فيها بلوتوث انا لسه شيفاها النهارده و عجبتنى جداااااا رغم انى متخوفه من الزيرو فى الاحداث اللى بتحصل دى بس ان شاء الله ربنا يستر

انا بس عيزه اعرف العربيه عامله ايه من غير اى مواصفات امان و ايه اللى مفروض اراجع عليه ساعت الاستلام ان شاء الله

و شكرا

[Samir Elshahawy]

يا جماعه اخر فرصه - بعد ماشفت موضوع بداية الثورة علي غبور قلقت شويه بعد ما كنت خلاص نويت

أتوكل علي الله فيها و لا أصرف نظر

توكل علي الله
الموضوع اللي معمول لو تلاحظ هتلاقي أن معظم الشكاوي تتعلق بالتعديلات و الاضافات

لكن أن شاء الله أنا عندي أمل نوصل لأتفاق كويس مع التوكيل يرضي الجميع

[teefa_10]

شكرا يا بشمهندس سمير - لقد استخرت الله و توكلت علي الله و حجزت النهارده النترا اوتوماتيك 2 ايرباج و اي بي اس - ب132.5 بعض خصم 3000 جنيه - يومين كده و أكملهم الفلوس بتاعتهم و اامن معاهم - انشاء الله أستلم علي الجمعه و لا السبت اللي جاي بالكتير و الله المستعان

[Samir Elshahawy]

شكرا يا بشمهندس سمير - لقد استخرت الله و توكلت علي الله و حجزت النهارده النترا اوتوماتيك 2 ايرباج و اي بي اس - ب132.5 بعض خصم 3000 جنيه - يومين كده و أكملهم الفلوس بتاعتهم و اامن معاهم - إن شاء الله أستلم علي الجمعه و لا السبت اللي جاي بالكتير و الله المستعان

مبروك مقدما و أن شاء الله يكون أختيار موفق و تكون وش السعد عليك

[artist]

بص. العربيه على حسب احتياجك ليها. كل عربية ليها مميزات وليها عيوب. شوف انت بتدور على عربية شكلها ايه ومواصفاتها ايه. اما بالنسبة للصيانة كل الصيانات فيها مشاكل وفيها مميزات عادي!