علبة الشكمان الاخيره بتاعت الفيرنا

[ezzeldin1234]

خوانى الافاضل فى صوت مش طبيعى بسمعه لما بزود بقالى اسبوعين ( صوت نعره ) قلت يمكن الزوياي مش مظبوطه رحت ظبطت زوايا ورا قدام لاقيت الصوت لسه موجود قلت اسمعه لواحد صاحبى جهبز فى العربيات لما سمعه قالى ده ممكن يكون صوت حاجه فى الشكمان مكدبتش خبر قلت اروح لبتاع شكمانات كويس قلقتله اكشفلى على الشكمان وبعد ما كشف اكدلى ان علبة الشكمان اللى فى نهاية الشكمان باظت وهى الى بتعمل النعره دى . فما هو رائيكم ادام الله فضلكم مع العلم ان العربية لسه موديل 2011 وعامله 11000 كيلو بس

[verna2008auto]

دي شكل العلبة الخلفية












دي شكلها من جوة




بس انا اعتقد بنسبة 99 % ان الصوت من المنطقة دي
اسمها سوستة .. ودي في الامام بعد الفرن



علي كل حال ... ممكن تشوف بتاع شكمانات تاني لو سمحت ويكشفلك علي السستة
لو ماكنش ... قولي انا عندي علبة شكمان خلفي (( ها اديهلك هدية ))) جرب وقولي
اخوك عاصم

[ezzeldin1234]

متشكر جدا لزوئك يا ا عاصم بس هو ممكن الحاجت دى تبوظ رغم ان العربيه لسه عامله 11000 كيلو بس ؟

[verna2008auto]

متشكر جدا لزوئك يا ا عاصم بس هو ممكن الحاجت دى تبوظ رغم ان العربيه لسه عامله 11000 كيلو بس ؟

من خبطة ... بتتني وتعوج الحواجز الهندسية بتاعت توجية اندفاع العادم
ممكن تغيير مسارات خروج العادم بإندفاع
ممكن تعمل صوت مزعج لان العلبة ( متطبقة )
فكرة العلبة الخارجية دي انها بتحارب ال Mhz الميجاهيرتز بتاعت صوت اندفاع العدم من ناحية الموتور الي الخارج
بتوجية نفس التردد تقريبا الي الداخل
وبالتالي تقلل الصوت المزعج
مثلا زي اتنين بيتخانقو ويزعقو في وش بعض ...مش ها تسمع صوت الاتنين
بس غالبا السستة اللي بتطلع الصوت المزعج ده ( نعيرة )
العلبة الخلفية صوت كده عامل زي تنفيس الهوا مجسم


شوف اللينك دة
Log In | Facebook

<iframe id="dit-video-embed" width="384" height="216" src="DIT: Snag-It Player Instance" frameborder="0" scrolling="no" allowtransparency="true"></iframe>

[S O P H O S]

متابع ...

[m7mda7md]

اختبار مش دقيق اوي.....هات منديل و اقفل فتحه الشكمان و العربيه دايره.....لو لقيت الصوت زاد يبقي السوسته ودعت....لو الصوت اتكتم او العربيه طفت تبقي العلبه

[ezzeldin1234]

تم اكتشاف مصدر الصوت وطلع مش من العلبه خالص العلبه سليمه ميه ميه تخيلوا طلع ايه طلع فلتر الهوا بتاع الموتور مليان تراب واكتشفت المصدر لما حجزت صيانة بتاريخ الثلاثاء وقلت قبل ما اروح الصيانه واعطل نفسى يوم من الشغل قلت اتاكد الاول رحت ل 3 بتوع شكمانات كبار جدا وبتعامل معاهم من ايام ال 128 من حوالى 8 سنوات التلاتله اكدولى ان الشكمان سليم لكن المورتور هو اللى مش مظبوط قلت بسيطه رحت لواحد ميكانيكى حبيبى وبتعامل معاه من زمااااااااان واسطى كبير اول ما سمع الصوت راح فاتح مكان فلتر الهوا ونظفه كويس وطلع منه تراب كتير جدا وركبه تانى وجربت العربيه لاقتها بقت تمام والصوت هدى جدا حمدت ربنا بس الغريب بقى ان انا لسه عامل صيانه ال 10 الاف من شهر ونص ومشيت بعدها 900 كيلو بس مش المفروض يكونوا تظفوا فلتر الهوا ده ولا هما مبيعملوش حاجه فى الصيانه وبيشتغلونا

[verna2008auto]

تم اكتشاف مصدر الصوت وطلع مش من العلبه خالص العلبه سليمه ميه ميه تخيلوا طلع ايه طلع فلتر الهوا بتاع الموتور مليان تراب واكتشفت المصدر لما حجزت صيانة بتاريخ الثلاثاء وقلت قبل ما اروح الصيانه واعطل نفسى يوم من الشغل قلت اتاكد الاول رحت ل 3 بتوع شكمانات كبار جدا وبتعامل معاهم من ايام ال 128 من حوالى 8 سنوات التلاتله اكدولى ان الشكمان سليم لكن المورتور هو اللى مش مظبوط قلت بسيطه رحت لواحد ميكانيكى حبيبى وبتعامل معاه من زمااااااااان واسطى كبير اول ما سمع الصوت راح فاتح مكان فلتر الهوا ونظفه كويس وطلع منه تراب كتير جدا وركبه تانى وجربت العربيه لاقتها بقت تمام والصوت هدى جدا حمدت ربنا بس الغريب بقى ان انا لسه عامل صيانه ال 10 الاف من شهر ونص ومشيت بعدها 900 كيلو بس مش المفروض يكونوا تظفوا فلتر الهوا ده ولا هما مبيعملوش حاجه فى الصيانه وبيشتغلونا

انا كان قلبي حاسس
مابنتعلمش بسهولة
بالتوفيق

[ezzeldin1234]

متشكر ليك جدا يا ا عاصم انت راجل محترم وزوق جدا

[verna2008auto]

متشكر ليك جدا يا ا عاصم انت راجل محترم وزوق جدا

كلنا لبعض يا مومبيك