وداعا نيو اكسنت ...

[meshmesh_egypt]

انا بصراحه موضوع الثبات الى بتقولوا عليه فى النيو اكسنت ده انا عن نفسى زى الفل انا عالطول سرعاتى مش بتقل عن 130 وفى السفر اساسى من 180 الى 200 وبحس بالثبات وعمر ما ناس كانوا راكبيين معايا قالوا انها مش ثابته هو عيبها الوحيد التنيطيط وبيتظبط بظبطت الكاوتش كويس نيتروجين انما الكروس ديه ما احترامى يعنى انا على الصحراوى عمرها متعرف تطلع من اى عربيه هيونداى لان هيونداى يعنى التسارع بقوة فى اى وقت وفى اى لحظه وقطع غيار متوفره وسعر اعادة بيع عالى

وبعدين انا سمعت ان البافاريا سابت توكيل بريليانس مش عارف بقى المعلومه ديه حقيقيه ولا لأ

[mohamed5800]

بونتو ايفو ثبات وامان وكماليات لا تعلى عليها ولاتعد ولا تحصى وواخدة فى اختبار الامان 5 نجوم فى حين السيراتو والنيو الانترا واخدين 3 نجوم

[me_medoo]

لا يا حمادة يا مصري مكنتش أتوقع منك أبداً كده ياباشا ... ترضى حد يقول على الصني بتتنطط ولا بترقص ... ولسه أحمد تي في مطلع بيان رقم 6 لقسم نيسان ... طيب احنا في قسم هونداي هنطلع بيان رقم 7 أيه رأيك بأه .
وأذا كانت العربية بتتنطط فده لأنها عربية شقــــــية ... وفرحانه بشبابها . والتنطيط بيبان على السرعات العالية ... مش نتيجة عيب عفشـة لا ده نتيجة عيب أسفلت يا باشا ... أنزل كده وقف على اي طريق هتبص تلاقيه مش جي أستريت وأرتفاع واحد هتلاقيه عامل زي الموج كده ياباشا ... وتحياتي ليك يا غالي .

[raedegypt]

كل يوم موديل وعربيات تقدم بسرعه ولافيها متانه ولاجودة زى الناس وماتلاقى قطع غيار .. ولو لاقيت مش كل حاجه هاتلاقيها وتبقى غاليه والصينى شكل وكماليات وماتلاقى سياره.. انت قرر وانت حر

[Speed_1747]

بعد كلامكم يا شباب انا الحمد لله صليت استخاره و اقتنعت بعد دراسه و قرائه كتير لكلامكو و مواضيع عن العربيتين ع انت

قررت انى افضل متمسك بالنيو اكسنت .. لان فعلا كل اللى قلتوه مظبوط .. انا لما فكرت لقدام الله اعلم العربيه هتبقى حالتها ازاى ... و قطع الغيار و اعاده البيع

عموما انا هفضل مع الاكسنت حتى اشعار اخر .. و لو عوزت اشد ولا حاجه ابقا اخد الفيلوسترر من الحاج :d :d :d :d .. بس هحاول اظبطها شويه عشان تدينى الثبات الى انا عاوزه ... بفك فى جنط 16 و اغير عفشه سبور ... ولا جنط 15 و اخلينى فى العفشه الاصليه ...

والله العربيه نضيفه جدا و كذا واحد قالى تبيع ... قلت لا :)

انا بس عاوز اغير فيها للافضل عشان احبها تانى ...
ادونى اقتراحات يا نجوم ...

[Speed_1747]

وبعدين انا سمعت ان البافاريا سابت توكيل بريليانس مش عارف بقى المعلومه ديه حقيقيه ولا لأ

لا يا فندم ده غير حقيقى

[Speed_1747]

وبالنسبة للزميل صاحب الموضوع ...... انا شايف ان حضرتك مبهور ليس الا بالسعر وشويه امكانيات اسميه لكن زى ما قال ليك زملاء كثير قبل كده بالكثير سنتين وحتلاقيها بقى شكلها عجوز وكمان فى حاجات كثير مش حتعيش معاك واعتقد ان اولها العفشة

__________________

تفتكر ؟؟ ...
عموما اهو كمان سنتين ولا حاجه نشوف البريليانس عامله ازاى و احوالها ايه ... : )

انا فعلا منكرش انى مبهور جدااااااااا بشكلها
لكن ما خفى كان اعظم

:) شكرا جدا لحضرتك

[fouaa]

بلاش صينى لانو صينى

[sabregas2010]

انا مع رأى الشباب ان الصينى مش مضمون ومش بيعيش

[me_medoo]

ششششششششش. وطو صوتكم ياجماعه لاحد يسمعنا من قسم الصيني. ويجي يولعلنا في القسم هنا احنا مش ناقصين مشاكل معاهم ههههههههه. ، واي حد يجي يكلمنا او يسئلنا احنا نقولوا لاه الصيني حلو. الصيني حلووو علشان محدش يزعل مننا هههههه. وتحياتي

[حماده المصري]

والله قرار ممتاز وانا عن نفسي اضمن محرك الاكسنت وفتيسها الى 160 الف استعمال بهدله وبعتها كان متورها وفتيسها زي الفل وكمان الكبالن بتاعتها كانت الاوريجينال وكمان الاسطوانه والديسك متغيروش كانوا بحالتهم الي اتغير فقط بليه الدبرياج ولا اسمها بليه فتيس مش فاكر

----------------------------------------


عموما الجنط 15 بيزبط العربيه حلو اوي وهيخليك تحس بفرق جميل وممكن تركب سوست اسبور ب 1200 او 1400 تقريبا وهيهدي موضوع التنطيط عندك

ولو مدايقك المساعدين الامامي في ترزعيهم فكهم وهات لهم صدادات تتركب من جوه بدل كاوتش التراب هيفرك معاك بس انا لما جبت صدادات جبتهم الماني مفكوكين من عفشه جولف

[حماده المصري]

ششششششششش. وطو صوتكم ياجماعه لاحد يسمعنا من قسم الصيني. ويجي يولعلنا في القسم هنا احنا مش ناقصين مشاكل معاهم ههههههههه. ، واي حد يجي يكلمنا او يسئلنا احنا نقولوا لاه الصيني حلو. الصيني حلووو علشان محدش يزعل مننا هههههه. وتحياتي

هههههههههههههههههههه خلاص بقى انت عشان بقى معاك هيونداي بقيت محموق لها

طب لعلمك بقى الاكسنت والنيو اكسنت مبيتنططوش خالص والاكسنت ال ار بي بس هيا الي بتتنطط ههههههههههههههههه بهزر طبعا هما كلهم بيتنططوا ههههههههههههههه

والله ال ار بي جميله جدا ما شاء الله عليها و نقله حلوه بالنسبه للجيل الي قبها ربنا يبارلك فيها

[me_medoo]

هههههههههههههههه حبيب قلبي يا حمادة باشا ،. ياباشا. دي التنطيطة دي لان العربية بتبقى فرحانه ومزئططة انك وخدها هيا وسايب التويوتا في البيت وتلاقيها فرحانه كده انك مطلعها تفسحها. وتلاقيها بتنطط كده. على الطريق من الفرحة والسعادة ههههههههههههههه

[Hesham94]

هههههههههههههههه حبيب قلبي يا حمادة باشا ،. ياباشا. دي التنطيطة دي لان العربية بتبقى فرحانه ومزئططة انك وخدها هيا وسايب التويوتا في البيت وتلاقيها فرحانه كده انك مطلعها تفسحها. وتلاقيها بتنطط كده. على الطريق من الفرحة والسعادة ههههههههههههههه

ياراجل حد يسيب التويوتا و يروح لهيونداى !!!

[me_medoo]

وده اسمو كلام ياباشا. انا اقدر برضو اسيب التويوتا ، التيويتا موجوده ياباشا .….