الباور الكهرباء بتاع الالنترا 2012

[amgomaa]

السلام عليكم ياريت لو حد يوصفلى صوت الباور الكهربا بتاع الانترا 2012 علشان انا بسمع صوت الزنه العادى وكمان مع صوت الزنه فيه صوت عارفين لما تدوسوا على البلاستيك الفضى اللى مالى العربيه اللى هو صوت تزييق بلاستيك اهو الصوت ده بالظبط بيطلع عندى مع الزنه العاديه بتاع الباور وبالذات اول لما الف الدركسيون شمال مع العلم انى مبدوس على الحتت البلاستيك اللى فى الدركسيون والصوت مبيظهرش بوضوح الا لما تكون بتركن العربيه وفى هدوء نفسى افهم هو البلاستيك ممكن يكون بيزيق مع نفسه ولا دا اساسا صوت الباور الكهرباء؟؟؟؟؟؟؟؟؟؟؟؟

[Samir Elshahawy]

ده صوت الباور الكهرباء
مافيش داعي للقلق

[amgomaa]

ده صوت الباور الكهرباء
مافيش داعي للقلق

شكرا للاهتمام والرد

[freeman207]

فعلا ده صوت الباور الكهرباء لانى اول ماجبت العربية وسمعته قلقت وسالت ناس كتير قالوا عادى

[amgomaa]

فعلا ده صوت الباور الكهرباء لانى اول ماجبت العربية وسمعته قلقت وسالت ناس كتير قالوا عادى

طيب معلهش سؤال كمان الزنه مفهومه صوت الموتور طيب الصوت اللى عامل زى تزييق البلاستيك
ايه سببه

[MrRami]

صوت تزيق البلاستيك دة كان عاملى خرم في دماغى كان فكروا حاجة في كهربة العربية .. بس الحمد لله راح مع صيانة الالف بعد مشدوا السيور

[amgomaa]

صوت تزيق البلاستيك دة كان عاملى خرم في دماغى كان فكروا حاجة في كهربة العربية .. بس الحمد لله راح مع صيانة الالف بعد مشدوا السيور

معلهش لو تفهمنى اكتر سيور ايه

[amgomaa]

فعلا ده صوت الباور الكهرباء لانى اول ماجبت العربية وسمعته قلقت وسالت ناس كتير قالوا عادى

هو العادى صوت الزنه ولا الصوت التانى اللى بقول لحضرتك عليه و شكرا لاهتمامك

[Samir Elshahawy]

حضرتك ممكن تتصل بيا علي الرقم ده
01118057400
و أحدد معاك ميعاد و نتقابل و أسمع الصوت اللي حضرتك بتتكلم عليه

[amgomaa]

انا حبيت انهى الموضوع يمكن حد يستفيد رحت بعد العيد لمركز خدمه معتمد بدون ذكر الاسم بس هو فى شارع جوزيف تيتو وقلتلهم عايز اعمل صيانة ال 5000 مع انها ملهاش لازمه بالنسبالى لان العربيه خليجى و قلتلهم على الصوت المهندس قالى هنفك الدركسيون ونشوف المهم صيانة ال5 اخدت 3 دقايق مش عارف ازاى ونزلت تحت للكهربائى علشان يفك الطارة قعدت 4 ساعات مستنى لغاية ما العربيه خلصت و طلع سبب الصوت ان جهاز الايرباج مكانش متركب فى مكانه صح ومكتوب وانا بستلم الفاتوره تقرير تغيير جهاز الايرباج لو تكررت المشكله وربنا يستر انا مش فاهم جهاز الايرباج ده عادى انه ميبقاش متركب كويس فى مصنع زى هيونداى ولا ده من صيانة الالف اللى عملتها فى مركز معنمد فى الاسماعيليه وكنت قلتلهم على نفس المشكله بس الصوت كان خفيف و مش واضح زى بعد اما عملت الصيانه وايه ظبطوا الطاره مخلوش حته فيها سليمه لدرجة ان شاكك يكونوا غيروها مفيش حته مفهاش خرابيش المهم اللى معاه خليجى لازم يسال كويس قبل ما يروح اى مركز انا كنت ناوى اروح للمهندس هانى بس انه هيفتح الاتنين مكانش ماشى مع مواعيدى وفى النهايه احب اسال لو حد يعرف يعنى ايه جهاز الايرباج ده يا ريت يفيدنى هو ده اللى هو شريط الايراج؟؟؟ وتمنه فى حدود كام هو الصوت اختفى تماما بس برده علشان الواحد يبقى فاهم وربنا بسترها معانا كلنا احسن الواحد بيسمع تمن اسعار قطع غيار عجيبه والسلام ختام

[Samir Elshahawy]

شكرا علي ردك و فعلا من المهم أن الاعضاء بعد حل مشاكلهم يطلعونا علي الحل و نتيجة الاصلاح