اول صيانة للالنترا

[artist]

لو سمحتم لو في حد عمل صيانة للالنترا 2012 يقلي عملها في فرع ايه وبيدفع كام لاول صيانة اللي هيا ال 1000 كم والصيانة دي عبارة عن ايه ؟

[S O P H O S]

بالتوفيق ان شاء الله

[Samir Elshahawy]

حضرتك ممكن تعملها في التوكيل أو أي مركز خدمة معتمد من غبور
أنا أنصح طبعا بالتوكيل في اول صيانة (أبورواش أو غبور العبور) حسب الاقرب ليك

الصيانة الاولي مجانية بتدفع فقط ثمن الزيت و الفلتر حوالي 230 جنيه تقريبا لو حاتحط زيت 10000 كم

ماتنساش الاتي و أنت بتعمل الصيانة :
- تقول لهم علي اي ملاحظات عندك علي أداء العربية خلال 1000 كم الاولي يعني :
صوت غريب - حرارة - اي حاجة حتي لو في التكييف أو الكاسيت
- تختم الضمان

و بالتوفيق أن شاء الله

[tagy]

هو لازم تختم الضمان اصل انا محدش عمل معايا كدا ؟

[mhkash]

هو لازم تختم الضمان اصل انا محدش عمل معايا كدا ؟

وانا كمان - ده انا تعمدت اسأل مهندس الصيانه - فى مركز العبور - قالي مالوش لزمه ؟؟

[artist]

الضمان مالوش لازمة ؟ امال بيعرفو ازاي ان العربية دي في الضمان ولا لا ؟

[mhkash]

الضمان مالوش لازمة ؟ امال بيعرفو ازاي ان العربية دي في الضمان ولا لا ؟

ممكن من رقم الشاسيه او الماتور

[ibn_seena]

لا يا باشا لازم تختم ورقة ضمانك دي اثبات انك ملتزم بمواعيد الصيانه. قوله ما لهاش لازمه عندك انت بس انا ليها عندي الف لازمه ولازم الامر يكون official وده اللي بيتم في اي توكيل. فعلا رقم العربيه بيتسجل بس برضه لازم يكون معاك اثبات رسمي علشان ما تعرفش ايه اللي ممكن يحصل بكره

[mohamed3002]

لا يا باشا لازم تختم ورقة ضمانك دي اثبات انك ملتزم بمواعيد الصيانه. قوله ما لهاش لازمه عندك انت بس انا ليها عندي الف لازمه ولازم الامر يكون official وده اللي بيتم في اي توكيل. فعلا رقم العربيه بيتسجل بس برضه لازم يكون معاك اثبات رسمي علشان ما تعرفش ايه اللي ممكن يحصل بكره

كلامك صح

[artist]

طب معلش سؤال كده يجماعة, انا الضمان بتاعي لاقيت مكتوب عليه printed in Freb. 2011
and Recieved in 2011 هل معنى كدة ان الضمان ده بتاع عربية موديل 2011 وهما ادوهوني غلط . انا معايا النترا 2012. ولا انفض ؟