حاجة مضيقاني جداااا في النترا 2009

[aslah0923]

طب ايه رأيك في ان الباسات 2009 زحفت معايا اثناء ال abs ماكان فاتح

الباسات !!
كده الواحد هيبدأ يقتنع ان العيب مش من العربيات
والواضح ان الايه بس اس دا مش بشتغل فى مصر نظرا لحلاوة الطرق بتاعتنا بقا

[Formulator]

لازم أشوفك بقي في مقابله هيونداي الجايه ان شاء الله :]

isA ياباشا،
بس أنا سمعت ان آخر مرة عربية T-JET جت فيها مقابلة هيونداى-نيسان، عملت الصح مع ناس كتييييييييييير أوى؟؟!!! ههههههههههههههه

و ممكن حل كمان ياخد هو من الفرامل أو يغير ل تيل ebc و ده ال4 الامامي و الخلفي ب800 جنيه !
يشوف حاله التيل و الكاوتش !

+111
فكرة جامدة أوى الـEBC GreenStuff دى،
وبعدين الـ4 أمامى وخلفى بـ800 جنيه بس؟؟ ماشاء الله
(داحنا الطقم الواحد بـ700 جنيه أو أكثر)..

والحقيقة هو الـFriction بتاعه عالى أوى، هيفرق كتير مع العربية.

هو الانجين بريك ف الاتوماتيك ازاى يعد ازنك يا باشا

عادى هتسقط نقلات Sequential تتابعى من D4 لـ3-2-1.. بس لازم تستنى بين كل Downshift والتانية لحد ما الـrpm تعلى وتنزل تانى،حفاظا على الموتور والجيربوكس..
يعنى ماتخليش الـrpm عالية وتسقط غيار، يبقى دخلت الموتور فـ الـRed-Line، أو الجيربوكس يجيب كلاتشات أو تروس-لا قدر الله.

فيه موضوع فـ السلسلة التعليمية (هتلاقيه فـ قسم الفيات، وفـ القسم التعليمى تقريبا)، بالفيديو التفصيلى والطريقة بالضبط..

طب ايه رأيك في ان الباسات 2009 زحفت معايا اثناء ال abs ماكان فاتح

ماهو ممكن يا باشا،
بس كون انك تلاحظ أصلا ان الـABS كان فاتح (وزحفت).. يبقى فيه حاجة مش مضبوطة،
قد يكون كاوتش ضغطه مش مضبوط/ متآكل، تيل خلصان.. زيت باكم عايز يتغير، كاليبر معلق أو Pin عايز يتنظف...
أو كل ده تمام، بس السيستم ماشتغلش بالـMax Pulse-Rate عشان الـinput من دواسة الفرامل ماقرأهوش انه Emergency،
ممكن حساس سرعة العجلة خد قرائتين ورا بعض..
(بتحصل لما يكون الطريق مش مستوى فيه عالى وواطى نقر أو مطبات زى الـEye-Cuts كده)..؟؟!!!

وارد جدا انها تزحف، لكن ده مش الطبيعى..

[Kareem.ElAraby]

يا سيدي الفاضل يا فورميولاتور :]

انت معاك تربو ما شاء الله لاقوه الا باالله و عزم علي ار بي ام قليل الالنترا غلبانه جنبك بس مش بيتعلم عليها أوي و انا يا سيدي مانيوال و هأجرب معاك و لو اني عارف انك هتطلع كده كده بس ما ينفعش اي حال من الاحوال تقارن بين التربو و ال Naturally Aspirated كانك بتقارن بين اتنين في جيم واحد بيضرب أمينو (التربو) و التاني بياكل طبيعي فيه وجه للمقارنه بس الفيات حلوه و بأحترمها لولا أومترا الله يجازيهم كنت جيبتها !

[حماده المصري]

الحل انك ترمي الكاوتش الكومهو ده في داهيه وتنزل تجيب كاوتش ميكنوش الا بردجستون ميشلان كونتننتال او اي ماركه تانيه اقل في الجوده بس محترمه زي مثلا دانلوب

كل الكاوتشات الي موجوده في السوق من كومهو هانكوك وكل الماركات دي تعتبر تعبانه ومساعده جدا على زحف السياره بالاضافه الى ان كومهو ده احسن الوحشين انما غير مساعد على الاداء خالص


نقطه تانيه مهمه الكومهو المفروض عمره 40 او 50 الف كيلو بالكتير ف انت خلاص المفروض ترمي انما لو كاوتش زي مثلا ميشلان او بردجستون هيقعد معاك اكتر من كده ممكن يقعد 80 الف زي الفل ودي ميزته وهو مش غالي على الفاضي برضو


في كام حاجه كده لازم نعرفها كلنا

اي عربيه فيها ناس كتير فراملها بتضعف وكمان التحكم فيها بيقل العربيه لما بتبقى فاضيه او اتنين قدام او اخرك اوي ثالتكم ورا الدنيا بتبقى زي الفل

حملت وبقى معاك ناس تغير اسلوب سواقتك تمام تهدى ولما تجري تجري بعقل والحاجات دي كلها وتعمل حساب الي قدامك والكلام ده كلوا خصوصا لو حمل كبير وشنط وسفر

الكاوتشات لازم يتعمل لها صليبه كل 10 الف كيلو ك معدل كيلوهات انمك ممكن يتعمل كل 8 او 12 على حسب سواقتك وصدقني اعمل زي ما موجود في الكتالوج وانت هتلاقي ان الثبات والتحكم بيفرق جامد

وعايز اقولك حاجه اكتر كاوتش مريح في العاااااالم للعفشه هو الميشلان طري فوق الخيال وعن تجربه كل الناس لا يعلى على ميشلان في الحفاظ على العفشه

[حماده المصري]

لما كان معايا الالنترا كت جايبها يوزد فيها كاوتش ميشلان وكان تعبان اوي مش عايز اقولك انا كنت مسريح ازاي معاه

روحت اغير جبت ماركه اسمها ماكسس وسعرها زي الكومهو برضو 350 جنيه عايز اقولك مشوفتش اوحش من كده في حياتي تخيل تبقى رامي كاوتش تعبان وجايب كاوتش جديد ونفسك ترميه وترجع للتعبان

وغيرت بعديها بكام شهر الفرد الي قدام بكومهو عشان استريح وبرضو الكومهو كان افضل بس مش للدرجه بتاعه الميشلان

[Kareem.ElAraby]

بس كومهو فيه منه نقشه اسمها ECSTA KU31 و بردو فيه Ku33 دول نقشه سبور و تماسك حلو و الناس اللي جربتهم علي المنتدي شكروا فيه و ليه موزع في شبرا
و الفرده تقريبا بسعر60-70% من سعر البريدج المماثل ليها

بس انا بردو بأحب البريدج :]

[Formulator]

يا سيدي الفاضل يا فورميولاتور :]

انت معاك تربو ما شاء الله لاقوه الا باالله و عزم علي ار بي ام قليل الالنترا غلبانه جنبك بس مش بيتعلم عليها أوي و انا يا سيدي مانيوال و هأجرب معاك و لو اني عارف انك هتطلع كده كده بس ما ينفعش اي حال من الاحوال تقارن بين التربو و ال Naturally Aspirated كانك بتقارن بين اتنين في جيم واحد بيضرب أمينو (التربو) و التاني بياكل طبيعي فيه وجه للمقارنه بس الفيات حلوه و بأحترمها لولا أومترا الله يجازيهم كنت جيبتها !

ههههههههههههههههههه
ياباشا أنا بهزر، لا شد ولا حاجة..
أنا جريت مع الانترا (الشيب اللى فات) كذا مرة، بالبرافو وبغيرها.. الصراحة من العربيات اللى تستمتع وانت بتشد معاها..

بس على فكرة، yoko طلع من الألنترا والتيدا فوق وتحت (يعنى على rpm قليلة وعالية)..!! ههههههههههههه

نقطه تانيه مهمه الكومهو المفروض عمره 40 او 50 الف كيلو بالكتير ف انت خلاص المفروض ترمي انما لو كاوتش زي مثلا ميشلان او بردجستون هيقعد معاك اكتر من كده ممكن يقعد 80 الف زي الفل ودي ميزته وهو مش غالي على الفاضي برضو

+111111
ده رأيى برضه،
البريدجستون والميشلان والبيريللى، تستاهل ثمنها الصراحة.
وفيه حاجة مهمة.. بلد المنشأ
الكونتينينتال الللى كان جاى مع العربية، قعد أكثر من 60 ألف كم.. وكان يقعد أكثر (بس أنا اللى بخاف)..
ده عشان ألمانى، لما نصحت زمايلى بيه (برافو 150 حصان برضه)، مالقوش غير اندونيسى.. للأسف مش زى الألمانى خااااااااالص..!!

ولما غيرت جبت الـPotenza Adrenalin (يابانى) الصراحة مكلف 980x4.. (عملت جمعية عشان أجيبهم ههههههههههه)، بس بتريح دماغك.

كنت أقدر أجيب كومهو ولا هانكوك بأقل من نصف الثمن،

بس الصراحة مش مستعد آاجى أعمل غرزة قطم يمينxشمال، أو اأخر فـ دوسة الفرامل (استنى عليها)، أو حتى آخد ملف بسرعة عالية متعود آخده كده..
وألاقى العربية -لا قدر الله- عملت حاجة كده ولا كده..؟؟!!!

الكاوتش مفيهوش تهريج، ولو مش معاك فلوسه.. ممكن تجيب فردتين فـ فردتين (أو تعمل جمعية).. هههههههههه