فيرنا 2008 وابداع التوكيل فيها

[fahd101]

يا سيدى من غير قلق ولا حاجة مشاكل العربيات دى بتبقى حاجة فردية يعنى المشكلة مش بتعم بدليل ان فى ناس بتسب وتلعن سلسفيل ابو الهيونداى على اللى اخترعها على اللى دخلها مصر وفى ناس ثانيه بتقول اجدع عربيه فى مصر ودى بتبقى ازواق بس نصيحتى ليك انت لو امكانياتك لحد الفيرنا مش اكثير يبقى ربنا معاك ويبارك لك فيها لكن لو ممكن تعلى شوية وتجيب حاجة احسن يبقى خير وبركة اهم حاجة ودى اللى الناس استحاله تختلف عليها ان العربيه مهما كانت فيرنا او غيرها الاحسن انها متبقاش مصرى نهائى لانى اكاد اجزم ان كل مشاكل عربيتى بسبب التقفيل المصرى او بمعنى اصح الفهلوه بتاعه غبور من حيث الخامات والفينش والتقفيل اللى اضرب ومشى حالك واقلب وهات اللى بعده فهى دى نصيحتى ليك اما بالنسبه لموضوع ايه اللى احسن من الفيرنا فده حاجة ترجع لحضرتك لانى زى ما قولت لك الموضوع موضوع اذواق ومش شرط اللى يعجبنى ييعجبك والعكس معلش نصيحة اخيرة حذارى ان عينك تزغلل على عربية غاليه وتقول هضحى علشان اركبها ومش مهم اقرص على نفسى كام شهر اقساط او غيره لان كل العربيه مازاد ثمنها كل ما بقت مطمع وكل ما بقت مكلفه فى قطع الغيار والصيانه فدائما حط فى بالك المعادلة دى ومتنسهاش

[Ashraf_Ibrahim]

صديقي العزيز
عربية حضرتك موديل 2008 يعني خارج الضمان خلاص
يبقا مش المهم دلوقتي المركز معتمد واللا لا بقدر ما مهم ان العربية ترجع زي ما كانت لأن العربية مكملتش 25000 كم ودي مسافة زهيدة جدا مينفعش الاعراض دي كلها معاها !
للأسف المراكز اللي اعرفها كويسة في القاهرة مش تبع الجيزة خالص فلو حضرتك تحب فيه اتنين ميكانيكية كويسين
الكلام دا حصل بعد صيانة ال 15000 كم مباشرة واللا العربية سخنت من حضرتك وانت مخدتش بالك في سفرية مثلا او حاجة!

[fahd101]

مش مهم المكان فين المهم الناس بيفهموا ولا لا وبعدين الحمد لله العربيه عمرها ما سخنت منى خالص ولا حتى عدت العلامة اللى فى النص وطول عمرى محافظ عليها اكثر مما تتخيل وعلى العموم انا قدمت شكوى فى هيونداى العالميه وحكيت الكلام اللى انا كتبته كله ليهم ودة بعد ما بعت شكوى لغبور نفسة ومحدش عبرنى ومتحركوش الا بعد ما بعت شكوى للخارج وفعلا حددوا لى معاد فى ابو رواش يوم السبت اللى جاى ولما نشوف اخرتها معاهم ايه