محتار في زيت الموتور للفيرنا

[m7mda7md]

السلام عليكم و رحمه الله و بركاته

العربيه فيرنا 2008
ماشيه 43 ألف كيلو
اول ما جبتها و لفتره مش قصيره كنت بستخدم موبيل XHP و بغيره علي 2700 او 2800 كيلو و الفلتر مش بيقعد ال 10 الاف
و بعدين غيرت و جبت شل الاصفر ال 5000 كيلو و كنت بغيره بردو بدري و مش بيكمل ال 5000...2700 او 2800 بالكتير
نويت احط حاجه تخليقي عشان احافظ علي الموتور زي ما سمعت
محتار بين الفالفولين و الـ ليكوي مولي بس ميال اكتر للأخير عشان قريت موضوع لأحد المهندسين الفطاحله " بدون ذكر اسمه ربما اكون اسأت الفهم و يكون رأيه عكس كده " هنا في المنتدي عن الجوده العاليه لـ ليكوي مولي
كنت عاوز بردو اجيب سيرا تك و لسه بردو الامور غامضه و محتار
العربيه دي هتجيب أجلي من كتر التفكير
شكرا يا نجــــوم

[Mohab555]

بص انا هقولك على الخلاصة
اخوك كان بيحط شيل الترا 10000 وبعدين قولت اجرب لكوى مولى Top Tec 4100 5W40
مش هبالغ لو قلتلك انى حسيت انى كنت ظالم العربية و بحطلها زيت اكل والله
بجد زيت محترم محترم محترم بمعنى الكلمه
بلاش موضوع السيراتك ده دلوقتى خليها كمان غيار زيت ولا حاجة و تكون العربية خدت على الزيت الجديد .

[S O P H O S]

توكل علي الله وجربه
مش هتندم ...

[m7mda7md]

اوك يا رجاله.... ليكوي مولي ان شاء الله...

[m7mda7md]

باش مهندس مها...ادخل الموضوع ده بسرعه
http://www.nilemotors.net/Nile/285096-a.html
ههههههههههههههههههههههههههههههههه

[Ashraf_Ibrahim]

عاوز بس أنبه حضرتك لنقطة
يفضل تعمل فلش للموتور قبل تغيير الزيت لأن متوقع بنسبة كبيرة ان الزيت التخليقي هينقص في عربية حضرتك
واما عن النوع فكل واحد ماشي على زيت لزوجته مظبوطة ومش بينقص هيعتبره الافضل طبعا
وبالتوفيق ليك

[atyam]

اياك وليكوى مولى والله العظيم ده ازى مش زيت وحطيته ونزلته بعد الف كيلو وحطيط فالفولين وبصراحه ماشاء الله هو ده الزيت التخليقى فعلا

[fouaa]

فالفولين

[hany63]

على فكره ليكوي مولي كانت عامله اعلان و قايله ان زيتها تخليقي بنسبة 10-30%
يعني كأنه معدني

[m7mda7md]

منور يا اشرف بك....الفلش ده سمعنا عنه حكايات و روايات و اخاف استخدمه.....بس مش فاهم الصراحه سبب نقصان الزيت التخليقي عندي

[m7mda7md]

atyam باشا شكرا لنقل التجربه....احب اقولك: انت دمرت حياتي ههههههههههههههه

[m7mda7md]

شكرا يا fouaa....بس قولي بنيت رأيك علي ايه؟

[m7mda7md]

جديده لانج المعلومه دي يا استاذ هاني.....بس معقوله الزيت ال ب 260 جنيه يكون معدني؟

[medododo]

فالفولين افضل بس سؤال بعد إذن صاحب الموضوع
الفيرنا بتاخد كام ليتر بالظبط بالفلتر و من غير

[atyam]

atyam باشا شكرا لنقل التجربه....احب اقولك: انت دمرت حياتي ههههههههههههههه

هههههههههههه ليه بس ياباشا انا قولت الحقك قبل متقع زيى وهقولك تفاصيل اكتر
انا معايا اكسنت ار بى 2012 وشوقت اغير لزيت تخلقتى وانبهرت بليكوى مولى وروحت غير الزيت
اول 3 ايام مكنش فى فرق غير صوت الموتور هدى شوية
قولت ده مؤئر كويس وبعد حوالى 200 كيلو لقيت صوت الموتور على بشكل ملحوظ
قولت عادى يمكن مخدتش بالى كويس
اللى خنقنى بقى لما لقيت سحب العربية بقى يقل مش زى الاول وخصوصا انى راكب اوتو مش مانوال واتخننقت اكتر لما كشفت على الزيت ولقيته نقص كنت هجنن
ونزلت امه بعد حوالى 1000 كيلو ووالله اللى منزله فكره انه بقاله 20 الف كيلو وعلى قد لونه فاتح وانت بتحطه اتفرج عليه نازل عامل ازاى

حطيت فالفولين والحمد لله ريحنى ويارب يفضل كده دايما

وبالتوفيق ياباشا ان شاء الله