غيرت زيت الفتيس ولكن .....

[dolly13]

مساء الخير نجوم هيونداى
امبارح زوجى الحبيب قال يعملى مفاجاة وغير زيت الفتيس وطبعا انا فرحت لانه شال من على قلبى هم تغيير الزيت
المهم بقى بعد ما اتغير حسيت ان الفتيس تقل عن الاول يعنى الاول الفتيس كان ناقص يغير لوحده كنت بالمس العصاية بس هى بتروح الغيار اللى عليه العين
لكن دلوقتى لازم اكد اوى على النقلة
ياترى ياهلترى ده كدة طبيعى والا هاينعم تانى مع الوقت والا ايه ؟

[m7mda7md]

العربيه مانيوال ولا اوتو
نوع الزيت الجديد ايه
اخدت كام لتر
ياريت لو عندك علبه الزيت الجديد تشوفي عليها الارقام

[Samir Elshahawy]

أعتقد أن ده طبيعي لأن الزيت القديم بيكون لزوجته أقل من الجديد
لكن مع الوقت الزيت لزوجته بتنخفض و بالتالي أحساسك بنقلة الفتيس بتتغير

ده علي فرض أن الزيت الجديد مطابق لمواصفات الفتيس

[muslim_nsb]

يوجد درجتين لوزوجه لزيت الفتيس المانوال درجة 140 ودرجة زيت 90 عندنا الميكانيكية يقولك خلى في الصيف زيت درجة لزوجته 140 علشان الحر
وده بيتقل الفتيس في نقل الغيارات
فأكيد زوج حضرتك غير بزيت 140 درجة لزوجه اين كان نوع الزيت وده بيأثر على الفتيس
فعقابا له خليه يغير الزيت ويحط نوع درجة لزوجته 90 وانا انصحك بشل ممتاز
وده عن تجربه في السيارة الاول بتاعتي كانت مانوال وحصل نفس الموضوع معايا وغيرت بعد اسبوع بزيت لزوجته 90

[Mohab555]

كده يبقى الرجال حط زيت 140 وده تقيل جدا و مش بيتحط غير فى العربيات الادا !!!
الحل هو ان الزيت يتغير بزيت شيل 90 بيتباع فى اى محطة شل و الكيلو ب 18 جنية و العربية هتاخد 3 ك الا شويه بساط ...

[dolly13]

مرسيه على الردود
هو غير بفالفولين لكن مش عارف اللزوجة كام وغيره فى شيل
انا عندى امل الزيت يخف مع الاستخدام وربنا يسهل

[m7mda7md]

يا حجه دولي شوفي لزوجه الزيت.....لو العربيه مانيوال يبأه اكيد عندك علبه فيها اكتر من النص....عربيتي مانيوال و جبت فالفولين و بعد التغيير النقلات بقت افضل و خصوصا المارشدير

[a4_han]

أعتقد أن ده طبيعي لأن الزيت القديم بيكون لزوجته أقل من الجديد
لكن مع الوقت الزيت لزوجته بتنخفض و بالتالي أحساسك بنقلة الفتيس بتتغير

ده علي فرض أن الزيت الجديد مطابق لمواصفات الفتيس

ازاى اعرف الزيت مطابق لمواصفات الفتيس؟
بالنسبه لزيت الماتور ممكن تعرف التطابق من خلال الحروف الانجليزى المكتوبه على العلبه وبتختار الزيت حسب سنه صنع الماتور وفى موضوع ممتاز فى المنتدى بيشرحها فهل زيت الفتيس نفس الفكره ......

[m7mda7md]

افتح حضرتك كتالوج المركبه هتلاقي مواصفات الزيت المطلوب سواء موتور او فتيس

[Ashraf_Ibrahim]

فالفولين اللي في شيل دا 90/140 باين
ودا تقيل طبعا ومش كويس
حضرتك للأسف هتغيريه تاني بزيت 80/90
سواء شيل او موبيل او توتال اللي يعجبك
انا عن نفسي حاطط زيت شيل وكويس جدا
بس قبل ما تغيريه خليه يعدي على البنزينة يتأكد من لزوجة الزيت اللي حطه لو كان 140 يبقا يتغير فورا

[a4_han]

افتح حضرتك كتالوج المركبه هتلاقي مواصفات الزيت المطلوب سواء موتور او فتيس

تمام شكرا ليك