إعـــــــلان

**Hosam_Optrawy** · 02-05-2012, 08:00 PM

الف مبروك مقدما

التوسان تعتبر التوأم بتاع السبورتاج بس طبعا عند حضرتك 2000 سى سى 166 حصان 197 نيوتن

دا اللينك بتاعها لو عايز تعرف تفاصيل اكتر

Tucson / ix35 | SUV | Showroom | Hyundai Motor Company

**Hosam_Optrawy** · 02-05-2012, 09:34 PM

المشاركة الأصلية كتبت بواسطة ah_shawki_74 مشاهدة المشاركة

شكرا على اللينك الجميل فعلا بس انا عايز اعرف ايه اخبارها واضح ان فى مصر السبورتاج عامله شغل اكتر وهى كانت عجبانى و كنت ميال ليها بس هنا الهيونداى واكله الجو من كيا تماما و على حد معلوماتى التوسان
اقوى منها شويه

السبورتاج عامله شغل عشان 1600 فنزلت ارخص من ال 2000 سى سى , لكن التوسان مفيش منها 1600 فى مصر

خليك فى اللى ماشى عندك عشان لو حبيت تبيع وماتتعبكش فى الصيانه , سبورتاج من توسان مافرقتش كتير

العربيتين نفس الشاسيه والمواتير والفتيس , نفس درجة الأمان 5 نجوم

الفرق فى الشكل والأوبشنز وممكن يبقى فى شوية فروق تانيه مش هاتبان غير بتجربة العربيتين لفترة

**Hosam_Optrawy** · 03-05-2012, 01:10 AM

العفو بس ماتنسناش فى تقرير حلو كدا لما تستلم على خير ان شاء الله :)

**S O P H O S** · 03-05-2012, 02:56 AM

الف مبروك مقدما

**ah_shawki_74** · 03-05-2012, 07:02 PM

المشاركة الأصلية كتبت بواسطة ahmed1006 مشاهدة المشاركة

الف مبروك مقدما

الله يبارك فيك يا باشا
اناعملت شويه سيرش على الجوجل ولقيت ان العربية واخده المركز السابع وده خلانى احترمها اكتر وحسسنى انه فعلا اختيار سليم (طبعا بالنسبه لسعرها و مواصفاتها )
Best Affordable Compact SUVs Rankings | U.S. News Best Cars
:)

**artist** · 04-05-2012, 04:49 PM

بصراحة العربية تحفة. ربنا يباركلك فيها ان شاء الله. انا فتحت الموقع وشفت مواصفات العربيه وشكلها. الف مبروك

**ah_shawki_74** · 24-05-2012, 05:00 PM

تقرير مصغر عن التوسان

السلام عليكم ورحمة الله و بركاته
انا كنت وعدت الساده الأفاضل بتقرير عن التوسان لما استلمها و الحمد لله تم الأستلام من اسبوع وماشاء الله العربية جميلة من بره ومن جوه مريحه جدا جدا طبعا انا لسه فى التلين زى ما الوكاله قالت لى ما تزيد السرعه أعن 100 ك و الrpm عن 3 ماكسمم لأول 1000ك فطبعا ماجربتهاش على السرعات العاليه بس المميزات كتيره جدا فى العربية و اكتر ميزه هى النقلات سلسه جدا لأنها ست سرعات فمبتحسش بالنقل اطلاقا العربية 2000 cc ثيتا2 max power 166/6200 rpm العربية واسعه و رحبه جدا من الداخل وطبعا التكيف روعه فى الحر اللى احنا فيه العيب الوحيد اللى مش عارف ليه مش موجود هو عدم وجود فتحات تكيف خلفية ؟؟؟؟ العربية كبيرة وكان من السهل جدا تجهيزها بالميزه دى بدل البانوراما مثلا اللى ملهاش استخدام هنا أوى زى مصر غير كده العربية بتديك احساس بالراحه و الأمان و شعور انك راكب عربية عاليه (جيب) + الهدوء العزل الجيد ولسه لما اجرب السرعه العاليه الصراحه العربية بالنسبه لسعرها هنا ف السعودية تعتبر صفقه رابحه جدا جدا. انا صورت العربية بس طبعا على اد ايدى اعذرونى لأنى مش محترف تصوير بس مش عارف انزلها فى الرساله هى فى البوم صور داخل بروفايلى : )