الحمد لله ركبت الجنوط للفيرنا و اليكم النتيجة

[BLACKVERNA]

الف مبروك يا جامد
تحفه
بس انا عايز اسألك عن الفرش الجلد
انا شايفك فارش العربيه جلد دا بيكلف كام وفين؟

الله يبارك فيك ، بالنسبة للفرش اشتريته من عند سبير كار و اتكلف 290 بالتركيب

حلوين يا جميل ربنا يبارك لك فيهم

الله يبارك فيك اخى

[BLACKVERNA]

السلام عليكم و رحمة الله و بركاته

اولا اشكر جميع اعضاء نايل موتورز بصراحة محدش بخل عليا برد
الحمد لله ركبت جنوط للفيرنا 1600 مانيوال و جبتها 13 زى الاصلى اللى بنزل معاها علشان مغيرش الكاوتش ، و اشترتهم من عند اشرفكو اللى فى الحى السادس بصراحة ناس فى قمة الذوق و فهمين شغلهم ، انا جبت اندونيسى على 950 ج شامل التركيب و الترصيص و بصراحة طلعت حلوه ما شاء الله على العربيه .
و ده الانطباع بعد التغيير :
- الدريكسيون تقل شويه بس مش لدرجة انه يضايق .
- الثبات بقى كويس جدا مقارنة بالثبات مع الجنوط القديمة المصرى .
- حاسس كمان ان العربية تقلت شويه عن الاول مش عارف ليه و بقت تدب فى المطبات اكتر مش عارف يمكن علشان لسه مختش على الوضع الجديد و لا ايه ، و لا يمكن ضغط الهواء مش مضبوط ، و على فكره انا مليت هوا عادى على 28 فهل لو غيرت و مليت نيتروجين هتفرق و لا مش هتفرق .

و ان شاء الله هنزلكوا الصور عن قريب ،،،،،،،،،،،،،،،،،،،

فى انتظار ردكم الكريم

و الله الموفق.......................

دا كان رائى بعد تركيب الجنوط بحوالى كام ساعة ان العربية تقلت بس بعد الاستخدام لمدة اربعة ايام لاحظت ان السيارة رجعت زى الاول و اصبحت ناعمة و الحمد الله فاعتقد ان الجنوط كانت لسه مطبعتش على العربية و مع المشى الموضوع اتظبت ، انا بس حبيت اوضح الصورة علشان لو حد حب يركب جنوط مايخفش من الموضوع دا .
بس لسه مافضتش انفخ نيتروجين مش عارف هيفرق و لا لا ، يا ريت لو حد مجربه يقولى .

و الله الموفق

[أبومعاذ]

طلعت تهيؤات زي مانا قلت في الأول

[BLACKVERNA]

طلعت تهيؤات زي مانا قلت في الأول

مع تقديرى لردك بس الموضوع مكنش تهيؤات
ركز معايا فى الاول كان كالاتى
عند سرعة 20 كم الار بى ام 2500 لفه
40 كم 2500 لفة
55 كم 2500 لفة
75 كم 2500 لفة

بعد الجنوط

20 كم 2750 لفة
40 كم 2750لفة
55 كم 2750 لفه
75 كم 2750 لفة

بس الحمد الله رجعت زى الاول

[أبومعاذ]

مع تقديرى لردك بس الموضوع مكنش تهيؤات
ركز معايا فى الاول كان كالاتى
عند سرعة 20 كم الار بى ام 2500 لفه
40 كم 2500 لفة
55 كم 2500 لفة
75 كم 2500 لفة

بعد الجنوط

20 كم 2750 لفة
40 كم 2750لفة
55 كم 2750 لفه
75 كم 2750 لفة

بس الحمد الله رجعت زى الاول

انا لما قلتلك في الاول انها تهيؤات كان قصدي اطمنك مس اني اضايقك
بص الجنط السبور بيبقى انتيمونيا بينما ال جنط العادي بيبقى حديد و بالتالي الجنط الحديد هو اللي بيتقل العربية مش السبور فاكيد اللي حصل عندك دا ملوش دعوة بالجنوط الجديدة و حصل مصادفة مش اكتر

[mokelanos]

هما بياخدوا الجنوط الأصليه شامله السعر ولا ايه
ومبرك عليك شكلهم جميل جدا

[fahd_628]

مبرووووووووووك يا باشا جامدين

[أبومعاذ]

هما بياخدوا الجنوط الأصليه شامله السعر ولا ايه

الجنوط الحديد بتاخدو منك في حدود 150 او 200 بالكتير

[BLACKVERNA]

الجنوط الحديد بتاخدو منك في حدود 150 او 200 بالكتير

شكرا لردك يا محمد و كلامك مضبوط بس لو الجنوط الحديد مفهاش عيوب و متكونشى مصرى

[alizowail]

ألف مبروك يا باشا

[msamir]

plz حد يقولي اشتري فيرنا 1600 مانيوال عن تجربه ??

[Mzeid]

1000 مبروك على الجنوط ...
:):)

[smaw]

انا غيرت اتلجنوط وحطات 14 / 185/ 70 الفرق حسب ما بيقول الكتالوج زيادة الارتفاع 2.5سم
ولكن انا لحظت كمان ان العربيه بطلت تحك في المطبات
وكمان اخر مره كنت مسافر بيها خدة مخالفه علي 157 كم/س وانا مش حاسس
ياعني العربيه زادت ثبات وكمان باخد بيها الملفات اسرع ومبروك يا برنس علي الجنوط بس 14 احسن

[McDreamy]

الف مبوك يا باشا ... و ال13 احسن علشان تحافظ على العفشه لانه المقاس الاصلى

بص يا باشا
لو فتحت الكاتالوج الى جاى مع السيارة هاتلاقى ان فى مقاسين مافيهمش مشاكل والعربية مصممة ليهم
13 وده الاساسى و 14 وده ال optional يعنى اختيارى
ميزة ال 13 انه بيوفر مجهود الموتور ويوفر بنزين ويريح العفشة من غير ما يأثر على الثبات على السرعات العادية
ميزة ال 14 انه بيزود الثبات على السرعات العالية من غير ما يبوظ الموتور او العفشة
يعنى ال 14 مقاس اصلى برضه بس متروك للمستخدم لو بيحب السرعات العالية

[sammor_28]

ماشاء الله بالرغم من صغر الجنوط الا ان شكلها متناسب جدا مع السياره وماشي معاها..
ربنا يباركلك فيها