اسعار الاكسنت

[AhMeD MeTwAlY]

انا من فتره اتأجرت عربيه اكسنت وكنت بسافر بيها وكان ثبتها كويس وفرملها كويسه ودا شد انتباهي للعربيه دي
لان بصراحه من عشاق الالماني ومتعته في القياده
وكنت بتفق علي صفقه فيها 15 عربيه من ضمنهم عربيات اكسنت موديل 2000 والموتور 1500 سي سي فيما فوق
طبعا لعدم خبرتي بالعربيه دي مش عارف موديلتها لحد فين
وبعد ما الراجل الي داخل معايا في الصفقه قالي العربيات دي كويسه فبريكا جوه كله خارجي وكلها مكيفه وازاز كهربه وشوية حجات كدا
طبعا العربيات دي نظام مزاد يعني هروح القي العربيات الكوتش نايم والي فيها مشكله وانا واخد معايا الفريق المتخصص بتاعي في اصلاح السيارات
انا هدفع الفلوس بتاعت العربيات كمان 3 ايام
فكنت عايز اعرف اقل الاسعار للعربيه دي في حالة الفبريكه جوه والمكيفه واعلي الاسعار؟؟

[S O P H O S]

متابع ..

[Inteltech]

متابع باهتمام بس لو مكانك مبدخلش بحاجة مش مجالي ولا اعرف فيها بصراحة
بس لو خلاص انت ناوي على المزاد ولا بد يبقى لازم تاخد ناس تثق فيها كل الثقة وبالنسبة للسعر اعتقد انك لازم تاخد العربيات بسعر متوسط على كل العربيات اقل من 30 الف للعربية لان هتلاقي فيها حلو ووحش ولازم حاجة تشيل حاجة ربنا يوفقك
وبرضو خد رأي اصحاب الاختصاص والمجال هيفيدوك اكثر مني وشكرا

[el_nahal2004]

انا هقول لحضرتك من تجربتى للعربية الاكسنت الى كانت موجودة بالبيت عندنا
هية كانت موديل 98 1300 سىسى
عربية ماشاء الله كقوة ووسع للصالون
اضافة الى ذلك ان هية مطلوبة جدا فى السوق المصرى
وبعنها لظروف اضطرارية فى 2003
العربية دى بالمواصفات الى حضرتك بتقول عليها لا تقل بتاتا عن 33000
انت بتقول 1500 الى هية gls ومش راشة دواخل
وهية موديلتها بتنتهى حتى 2006
اهم حاجة زى ماالاعضاء قالت لحضرتك لازم مكانيكى شاطر يبص عليهم وعلى كبس الماتور بتاعهم واستخير ربنا و توكل على الله

[egy_3assy]

عربية هايله .. ربنا يقويك

[mhDeeb]

موفق إن شاء الله وياريت لو اشتيريت العربيات دى وطبعا عايز تبيعها تبلغنا وانا ممكن احتاج سيارة بالمواصفات دى باذن الله
مشكوووووور والله يعطيك الف عافيه

[ahmedkhairy]

أعتقد 27000 أعلى سعر تشترى بيه

[AhMeD MeTwAlY]

شكرا بجد علي اهتمامك الرائع وباذن الله لو حصل نصيب ورسي عليه العطي هيكون اول اعلان هنا في المنتدي وربنا يصلح الامور وانا ناوي اخد واحده من التلاته لان عربيتي اتكلت علي الله (ولعت)