إعـــــــلان

Collapse

.

,
See more
See less

الحلقة الثانية ( صراع مع الدائري ) اخراج كورسير

Collapse
X
 
  • Filter
  • الوقت
  • Show
Clear All
new posts

  • الحلقة الثانية ( صراع مع الدائري ) اخراج كورسير

    طبعا يا جماعه انا اضطريت للاسف اني اعمل الحلقات علي مواضيع جديدة نظرا لاني مش عارف انسق الاضافات الجديدة لان المنتدي حاكمني ب 40000 حقل وانا بعدي النصف مليون حقل في الردود ومينفعش اجزء الموضوع لاجزاء كتير علشان الناس متوهش مني وتبقي دي نهايتي



    طبعا بعيد عن حريم السلطان ونور ومهند وادهم والمسلسلات اللي مبتجبش فلوس دي

    نكمل الحلقة التانية بأسم صراع مع الدائري




    بما اني من عشاق الدائري علي رأي الحاج والدي قررت اني اخد الحاج والحاجه عندي واطلع بيهم علي اكتوبر عن طريق الدائري مرورا بالمحور المهم توكلت علي الله وحاسس ان في حاجه غلط في العربية قولت يا واد طنش خالص وكبرت دماغي طلعت من مسطرد علي الدائري وسامع صوت مش تمام قولت يا واد طنش خالص وكملت طريقي عادي جدا ولقيت العربية بقيت بتطلع اصوات غريبة قولت يا واد طنش خالص ولا اكنك سامع حاجه لحد قبل نزلة اسكندرية الزراعي ب 3 كيلو تقريبا وسمعت طراخ والعربية وقفت مره واحده زي اللي قلبه وقف من الخضه في الجهة الشمال من الطريق وفي منزل يعني اللي طالع مش شايفني قولت عنب اوي كدا نزلت الحاج والحاجه من العربية وقفتهم في الجهة اليمين وقولتلهم اتفرجوا علي العربية لو اتلطشت لحد ما اشوف ميكانيكي يجي يشوفلنا حكيتها ايه وطبعا انا علي الدائري والساعه 1 الظهر وفي الصيف والواحد يعني مش طايق نفسه روحت عملت فيها اللي جاب الديب من ديله ونطيت من فوق الدائري ومشيت بتاع 500 متر علي ما لقيت ميكانيكي فاتح قعدت اتحايل عليه قالي والله ما اطلع الدائري ولو هتديني مليون جنيه ليه يا ابا الحاج كدا هو انتا معندكش ولاد بلاستيك وقعدت اقوله طب علشان خطري معايا 2 كبار في السن ومينفعش اسيبهم كدا قالي ابدا وراح دلني علي ميكانيكي بعديه يجي ب 300 متر وقالي ده ممكن يطلع معاك روحت جريت طبعا عليه وقولتله الموضوع كذا كذا تعالي شوفلي الدنيا فيها ايه ابوس ايدك قالي العربية فين قولتله في الجنب الشمال من الدائري قالي طب روح زقها للجنب اليمين وتعالي قولي انك نقلتها لاكن اني اروح اشوفهالك في الجهة الشمال انسي انا مش مستغني عن روحي واساسا ادعي ربنا انك تروح تلاقيها واقفه مكانها اساسا متكونش عربية زحفتها 4 كيلو قدام قولتله انتا بضحي بيا يا معلم قالي انتا حر وروحت جريت علي العربية وتصلقت الجبل اللي بيطلع علي الدائري وطبعا عديت الدائري وانا بقرا الشهداتين

    ووصلت للعربية لقيت الحاج والحاجه قعدين فيها قولتلهم انتوا بتعملوا ايه لقيتهم بيصلوا الظهر جوا العربية قولتلهم يعني حبكت دلوقتي يا جماعه مش خايفين علي نفسكوا روحت منزل الحاجه من العربية عديتها للبر التاني واتفقت انا والحاج اننا نستغل المنزل اللي في العربية وازقها للجنب اليمين والحاج يشاور للعربيات انها تتفاداني وطبعا بكل عزم وقوة روحت استغليت جزء من الثانية الدائري في فضي وادي زوبه زقه من اللي قلبك يحبها لقيتها جريت مني والباب اتقفل روحت طاير وراها جري ونطيت من الشباك ورافع الهاند بريك قبل السور بتاع الدئري اللي في الجنب اليمين لانها خلاص كانت هتنط من فوق الدائري

    وكان هيبقي منظري وحش والناس بتتفرج عليا كدا





    حسيت ساعتها اني خسيت بتاع 30 كيلو من الجري اللي جريته وروحت جاري علي الميكانيكي الي خدني بعربيته وطلعنا علي العربية وشافها لقا مجموعة الكهربة ضربت وروحنا قعدنا ندور عليها لحد ما اشترينها وركبها وطلعنا كملنا مشوارنا وانا شكلي بقيت عامل زي اللي بيلمعوا جزم وطبعا الحاج طول الطريق لسه يا واد ناوي تطنش خالص



    المغامرات لسه منتهتش محدش يزهق ده وهديكم نبذه مختصرة عن الحلقات الاخيرة واللي هتكون ببتكلم عن

    بيع ال 128 سنة سجن



    [CENTER][SIZE=5][COLOR=DarkRed]Best Car[/COLOR][/SIZE]
    [img3]http://www7.0zz0.com/2014/12/14/14/320011745.jpg[/img3]
    [/CENTER]

  • #2
    والله ضحكتني يا كروسير
    بس بما انه قبل نزلة اسكندرية الزراعي ب 3 كيلو يبقا انت كنت ما بين النزلة والطلعة بتاعة ام بيومي
    كلمني يا اخي كنت جيتلك في خمس دقايق بالظبط انا ساكن هناك :d
    المرة الجاية تعدي عليا بقا
    وبلاش كلمة طنش دي لحسن الموضوع بيكبر بعد كدة !
    Ashraf_Ibrahim

    Comment


    • #3
      اسلوبك رائع بجد :) ممكن تألف قصص بعد كده
      وف انتظار باقى الحلقات بقى
      بس اوعى تطنش خالص :d
      [CENTER][shr71=http://l.yimg.com/lo/api/res/1.2/Bj7pKCpoERDP7b8ukgNlwA--/YXBwaWQ9bWtihttp://i277.photobucket.com/albums/kk57/shimo_moh/test-22.png]null[/shr71][/CENTER]

      Comment


      • #4
        اسلوبك جامد جدا و مستنيين باقي الحلقات
        [CENTER][B][COLOR="Indigo"][SIZE="5"]من لم يعتبر وجودي مكسباً له ... لن أعتبر غيابه خسارةً لي[/SIZE][/COLOR][/B][/CENTER]

        Comment


        • #5
          جامد ايه الحلاوه دى
          ممكن نعمل فلم رعب بالقصص دى ؟؟؟؟؟؟؟؟
          اقوى واغلى 10 اسلحه بالعالم
          http://technology-mmm.blogspot.com/
          http://imageshack.com/a/img850/6764/4fdl.jpg

          Comment


          • #6
            هههههههههههههههه
            عسل يا كروسير

            Comment


            • #7
              تحس وانت بتقرا الموضوع انك بتقرا مجلة ميكى وبطوط
              [SIZE=5][COLOR=darkred]M.El-NaHHal[/COLOR][/SIZE]
              [SIZE=5][COLOR=#8b0000][/COLOR][/SIZE]
              [SIZE=5][COLOR=#8b0000][/COLOR][/SIZE]
              [url=http://www.nileup.com//uploads/images/sac6222655d.jpg][img]http://www.nileup.com//uploads/images/sac6222655d.jpg[/img][/url]

              Comment


              • #8
                المشاركة الأصلية كتبت بواسطة ashraf_ibrahim مشاهدة المشاركة
                والله ضحكتني يا كروسير
                بس بما انه قبل نزلة اسكندرية الزراعي ب 3 كيلو يبقا انت كنت ما بين النزلة والطلعة بتاعة ام بيومي
                كلمني يا اخي كنت جيتلك في خمس دقايق بالظبط انا ساكن هناك :d
                المرة الجاية تعدي عليا بقا
                وبلاش كلمة طنش دي لحسن الموضوع بيكبر بعد كدة !
                حبيبي يا عم اشرف يا رتني بس الحمد لله اني مكنتش اعرفك ساعتها والا كنت خسرتني بسبب العربية دي هههههههههههههههههه وبعدين ليك عليا اركنلك فيفي علي اليمين المره الجاية وانط من فوق الدائري علي نزلة ام بيومي وبعدين انا مقدرش اطنش معاك انتا بالذات يا عمنا



                المشاركة الأصلية كتبت بواسطة shimo_moh مشاهدة المشاركة
                اسلوبك رائع بجد :) ممكن تألف قصص بعد كده
                وف انتظار باقى الحلقات بقى
                بس اوعى تطنش خالص :d

                تسلملي يا غالي ايو كدا انا بحب التشجيع ومحدش يقلق انا مبنساش حد ازازة بيبسي صاروخ كل واحد ياخد بق هههههههههههه

                ومتقلقش يا كبير مفيش تطنيش مع حبايبي هنا





                المشاركة الأصلية كتبت بواسطة essam_shaaban مشاهدة المشاركة
                اسلوبك جامد جدا و مستنيين باقي الحلقات

                منتحرمش من كلامك الجميل ده يا استاذ عصام وان شاء الله بحضرلكم حلقة جميلة جدا دسوقي افندي في المصيف هههههههههههههه




                المشاركة الأصلية كتبت بواسطة mohammedabdallh مشاهدة المشاركة
                جامد ايه الحلاوه دى
                ممكن نعمل فلم رعب بالقصص دى ؟؟؟؟؟؟؟؟

                هههههههههههههههههه ما كفاينا رعب يا محمد باشا هبقي انا واللي بيحصل في البلد علي الشعب الضرب في الميت حرام بردك ونورت الموضوع يا غالي وتقبل تحياتي




                المشاركة الأصلية كتبت بواسطة kareem fawzy مشاهدة المشاركة
                هههههههههههههههه
                عسل يا كروسير


                كرميلة المنتدي كريم باشا منورني يا غالي
                [CENTER][SIZE=5][COLOR=DarkRed]Best Car[/COLOR][/SIZE]
                [img3]http://www7.0zz0.com/2014/12/14/14/320011745.jpg[/img3]
                [/CENTER]

                Comment


                • #9
                  المشاركة الأصلية كتبت بواسطة el_nahal2004 مشاهدة المشاركة
                  تحس وانت بتقرا الموضوع انك بتقرا مجلة ميكى وبطوط


                  ههههههههههههههههههههههههه

                  بس نحن نختلف عن الاخرون يا بشمهندس

                  قصص عربي ام الاجنبي انتا مبتتفرجش علي ميلودي ولا ايه ههههههههههه
                  [CENTER][SIZE=5][COLOR=DarkRed]Best Car[/COLOR][/SIZE]
                  [img3]http://www7.0zz0.com/2014/12/14/14/320011745.jpg[/img3]
                  [/CENTER]

                  Comment


                  • #10

                    الله ينور ومنتظرين بااقية حلقاااات ,, بعد ماتخلص كل حلقااات هخليك تمضى عقد بيع حقوق فكرية لحلقات دى ونعملها >>كورسيير جيب<< ونقسمهاااا بالنص ,, قولت اى .
                    [CENTER][SIGPIC][/SIGPIC]
                    [SIZE=5][B][COLOR=Black]New[/COLOR][/B][/SIZE] [SIZE=5][COLOR=Red][B][COLOR=DarkRed]Thinking[/COLOR] [/B][/COLOR][/SIZE], [SIZE=5][COLOR=Black][B]New [/B][/COLOR][/SIZE][SIZE=5][COLOR=DarkRed][B]Possibilities[/B][/COLOR][/SIZE][/CENTER]
                    [CENTER][SIZE=5][COLOR=Black][B]I[/B][/COLOR][/SIZE][SIZE=6][COLOR=DarkRed][B] ♥[/B][/COLOR][/SIZE] [SIZE=5][COLOR=Black][B]Elantra[/B][/COLOR][/SIZE][/CENTER]

                    Comment


                    • #11
                      طب احنا بدأنا من 1 ونص خلصت على كام ؟ هههه جامد

                      Comment


                      • #12
                        المشاركة الأصلية كتبت بواسطة BuNsH_FoX مشاهدة المشاركة

                        الله ينور ومنتظرين بااقية حلقاااات ,, بعد ماتخلص كل حلقااات هخليك تمضى عقد بيع حقوق فكرية لحلقات دى ونعملها >>كورسيير جيب<< ونقسمهاااا بالنص ,, قولت اى .
                        هههههههههههههههه ربنا يخليك يا غالي وانا علي وعدي بالنص بس نشوف الحلقات دي الاول علي cbc




                        المشاركة الأصلية كتبت بواسطة Medicalist مشاهدة المشاركة
                        طب احنا بدأنا من 1 ونص خلصت على كام ؟ هههه جامد

                        هههههههههههههههههههه

                        فكرتني نسيت اقول انها خلصت علي المغرب هههههههههههههههههههههههه
                        [CENTER][SIZE=5][COLOR=DarkRed]Best Car[/COLOR][/SIZE]
                        [img3]http://www7.0zz0.com/2014/12/14/14/320011745.jpg[/img3]
                        [/CENTER]

                        Comment


                        • #13
                          ههههههههههه
                          رائع كالعادة

                          Comment


                          • #14
                            تسلم يا ابو حميد ونورت الموضوع يا غالي
                            [CENTER][SIZE=5][COLOR=DarkRed]Best Car[/COLOR][/SIZE]
                            [img3]http://www7.0zz0.com/2014/12/14/14/320011745.jpg[/img3]
                            [/CENTER]

                            Comment


                            • #15
                              متابع تاني
                              لكن كده هانتوه ومش هاعرف التكمله منين
                              [SIGPIC][/SIGPIC] ياتقول كلام في محله يا تقول حلو ياحلو
                              [url]/photos/a.879931698703941.1073741827.879900435373734/879931905370587/?type=1[/url]

                              Comment

                              Working...
                              X