تغير زيت فيرنا 2012 (5000 كيلو )

[HaMaKyy]

السلام عليكم

انا ان شاء الله هروح اعمل صيانة ال 5000 للفيرنا
هى موديل 2012 وفى صيانتها الاولى 1000 كيلو
التوكيل حطلى زيت توتال كوارتز بس كان تعبان اوى وصوت الموتور عالى والسحب مش حلو

فعايز فى تانى صيانة ال 5000 زيت يكون كويس بس يقعد معايا 5000 كيلو عشان لما اروح صيانة ال 10000 كيلو انزل الزيت واحط زيت جديد
فياريت تقولولى اية احسن وانسب زيت ليا ويهدى صوت الموتور والعربية تشد وتسحب معايا كويس
مستنى ردودك
وشكرا

[Ashraf_Ibrahim]

اهلا بيك يا عزيزي
ومبروك على العربية ويارب يديلك خيرها ويحميك من شرها
موتور عربية حضرتك معدش كيلوات كتيرة لذلك ينصح باستعمال زيوت تخليقية
زيوت ال 5000 كم هي زيوت معدنية ودي لا ينصح بيها للسيارات الحديثة
حضرتك هتحط زيوت تخليقية اللي هي زيوت ال 10000 كم وانت طالع
انا عن نفسي بحط زيت كاسترول ايدج ودا لزوجته 5w/40 وسعره 270 جنيه وبيتغير كل 15000 كم
غيار الزيت مش لازم مع كل صيانة تغير زيت
حضرتك تقدر تحطه عادي جدا وتغيره مع صيانة ال 20000 كم
انا عن نفسي جربته مرة ونزلته على 14950 كم والمرادي عامل معايا 12000 كم تقريبا لحد دلوقتي وصوت الموتور كويس واداء الزيت انا راضي عنه تماما

[el_nahal2004]

هو ازاى التوكيل يحطلك زيت توتال؟ المفروض انو متعاقد مع شيل
زى ما الاستاذ اشرف قال متحطش زيوت ال 5000 لان متور حضرتك جديد وافضله الزيوت التخلقية لو كدة هات شيل ultra 5w40 من اى بنزينة شيل وادهولهم فى التوكيل يغيرهولك وهو تمنه 270

[S O P H O S]

اهلا بيك يا عزيزي
ومبروك على العربية ويارب يديلك خيرها ويحميك من شرها
موتور عربية حضرتك معدش كيلوات كتيرة لذلك ينصح باستعمال زيوت تخليقية
زيوت ال 5000 كم هي زيوت معدنية ودي لا ينصح بيها للسيارات الحديثة
حضرتك هتحط زيوت تخليقية اللي هي زيوت ال 10000 كم وانت طالع
انا عن نفسي بحط زيت كاسترول ايدج ودا لزوجته 5w/40 وسعره 270 جنيه وبيتغير كل 15000 كم
غيار الزيت مش لازم مع كل صيانة تغير زيت
حضرتك تقدر تحطه عادي جدا وتغيره مع صيانة ال 20000 كم
انا عن نفسي جربته مرة ونزلته على 14950 كم والمرادي عامل معايا 12000 كم تقريبا لحد دلوقتي وصوت الموتور كويس واداء الزيت انا راضي عنه تماما

+111111111111

[Screenplays]

انا بستخدم موبيل وان

[HaMaKyy]

يعنى يا استاذ اشرف اجيب كاسترول ايدج بيقعد 15000 الف يعنى اغير الزيت فى صيانة ال 20000 كيلو
طيب اغير فلتر كل صيانة ولا اغيرة فى صيانة ال 20000 بردوا مع الزيت ؟؟
وهل الزيت دة بيفرق فى ا لعربية يعنى فى السحب عامل اية معاك و صوت الموتور هيختلف ؟؟
والايدج احسن ولا الماجنتيك ؟؟
وشكرا

[mrgamal]

الاول مبروك على العربيه وربنا يديك خيرها ويكفيك شرها
موضوع الزيوت دة فى الغالب هتلاقى فية وجهات نظر
وعن نفسى فى الفيرنا كنت بفضل شيل 5 الف وكنت دايما بغيرة على 3.5 او 4 الاف
والعربيه فضلت معايا لحد ما عملت 160 وسبتها والمحرك كان زى الفل

[HaMaKyy]

اخر حاجة حاسس ان 15000 كيلو هيبقى كتير اوى
ممكن اجيب حاجة تقعد 10000 كيلو
فياترى اية الاحسن ::
كاسترول ماجنتيك
ولا
فيسكو 3000 ؟؟؟
لو فى حاجة احسن ماشى ..

[Ashraf_Ibrahim]

يعنى يا استاذ اشرف اجيب كاسترول ايدج بيقعد 15000 الف يعنى اغير الزيت فى صيانة ال 20000 كيلو
طيب اغير فلتر كل صيانة ولا اغيرة فى صيانة ال 20000 بردوا مع الزيت ؟؟
وهل الزيت دة بيفرق فى ا لعربية يعنى فى السحب عامل اية معاك و صوت الموتور هيختلف ؟؟
والايدج احسن ولا الماجنتيك ؟؟
وشكرا

اخر حاجة حاسس ان 15000 كيلو هيبقى كتير اوى
ممكن اجيب حاجة تقعد 10000 كيلو
فياترى اية الاحسن ::
كاسترول ماجنتيك
ولا
فيسكو 3000 ؟؟؟
لو فى حاجة احسن ماشى ..

ايوة الايدج بيعد 15000 كم مما يعني ان حضرتك لو حطيته في ال 5000 يبقا هتغيره عند صيانة ال 20000 كم
الفلتر بيتغير مع الزيت يعني الفلتر هيشتغل مع حضرتك ال 15000 لأن مش هينفع تغير فلتر بدون تغيير الزيت
السحب ممتاز جدا ولو عاوز تتأكد اسأل كريم فوزي :d
السحب ممتاز بكل بساطة بجيب 170 وعادي جدا وجايب بيه 195 وفضلت عليها بتاع ربع ساعة تقريبا كنت بشد مع a6 بس كانت محاولة فاشلة سبقني برده
هههههههههههههههههههههههه
الايدج طبعا احسن من الماجنيتيك لأن الايدج تخليقي بالكامل اما الماجنيتيك فدا تكنولوجيا تخليقية يعني فيه جزء معدني والماجنيتيك بينصحوا بيه للعربيات اللي عدت اكتر من 100000 كم اما عربية حضرتك فالايدج بالنسبالها هيكون أفضل
ال 15000 مش كتير ولا حاجة لأن بطبيعة الزيوت التخليقية مش بتتغير قبل 10000 كم وفيه زيوت بتتغير على 20000 كم بل ان فيه زيوت بتتغير كل 30000 كم بس دا مش في مصر لأن الجو والطرق عندنا متساعدش على دا فمتقلقش انا مش من النوع اللي بيغامر بعربيته لكن التجربة خير دليل انا جربت وقعدته 15000 كم ونزل زي الفل من حيث اللون واللزوجة والكمية وحطيته تاني وانا مطمن تماما وحاليا عامل بيه 12000 كم وهكمل بيه ال 15000 كم وهحطه تاني ان شاء الله

[HaMaKyy]

الف شكر يا استاذ اشرف انا الحمد لله جبت كاسترول ايدج ب 270 جنية من بنزينة طاقة وهروح الصيانة يوم السبت هحطة وهقولك التقرير ان شاء الله لما اجربة
شكرا

[Ashraf_Ibrahim]

تمام
الجركن هيتبقا فيه زيت تاخده
ممكن يجادلوا معاك في الزيت شوية وان هما ميعرفوش عنه حاجة واللكام الفاضي دا
امنيوال العربية بالعربي مكتوب فيه كاسترول اصلا والزيت مطابق للمواصفات واحسن كمان
واللي يكلمك قله حط الزيت لأن الزيوت مش شرط تكون شيل ولكن المانيوال بيقول ان هيونداي تنصح باستخدام زيوت كاسترول او ما يعادلها من زيوت اخرى دا بالعربي
مش فاكر بالانجليزي كاتبين ايه بس ايا ما كان يعني الزيت دا مش حاجة قاصرة يعني على شيل او ما شابه

[m7mda7md]

اشرف بك هو الكاسترول صناعته ايه و معبأ فين؟

[HaMaKyy]

صناعة انجليزية ومعبأ فى الامارات

[Ashraf_Ibrahim]

بالفعل هو صناعة انجليزية تعباة اماراتية

[bahaaeldin2012]

السلام عليكم ا/ اشرف اتمنا ان تكون بخير
انا معايا فيرنا 2012 عملت صيانه 5000 وحطيت شيل 5000 بس انا عايز اغيره بعض شويه بزيت تخليقى لان سمعت انه بيحافظ على الماتور هل الكلام ده صح وتنصحنى اغيره بانه زيت واشتريه منين وبكام انا ساكن فى الظاهر
ولو عندك اى نصائح علشان احافظ على الماتور ياريت تقولى وشكرا ليك