صوت طقة في لف الدركسيون شمال - النترا 2008

[M.Al-Hefnawy]

عندي صوت طقة في الدركسيون وانا بلف الدركسيون ناحية الشمال ... ايه السبب فيه؟

العربية النترا 2008 اوتوماتيك وماشية 41000 كيلو

[verna2008auto]

عندي صوت طقة في الدركسيون وانا بلف الدركسيون ناحية الشمال ... ايه السبب فيه؟

العربية النترا 2008 اوتوماتيك وماشية 41000 كيلو

طقة واله طقطقة متواصلة مع المشي ....
لو طقطقة ..يبقي كشف علي ((( كوبلين شمال )))
بالتوفيق
......
..
....
....
..
.

[M.Al-Hefnawy]

الصوت بيحصل والعربية واقفة وانا بلف الدركسيون عشان اطلع بالعربية ... صوت طقتين ورا بعض وبعد كده ما فيش حاجة تانية

[hossamsmsm]

عندي صوت طقة في الدركسيون وانا بلف الدركسيون ناحية الشمال ... ايه السبب فيه؟

العربية النترا 2008 اوتوماتيك وماشية 41000 كيلو

خلى العفشجى يبوصلك على

1- صليبه الدركسيون
ولو هيا السبب مش هتلاقيها جديده ... هتشتريها استعمال فى حدود 250 : 300 جنيه

او

2- ذراعين سكاترة
ولو هيا السبب تشتريها جديده تبع المجموعه الهندسيه اللى العلبه بتاعتها احمر فى ابيض وهتعمل حوالى 50 : 75 جنيه

[verna2008auto]

خلى العفشجى يبوصلك على

1- صليبه الدركسيون
ولو هيا السبب مش هتلاقيها جديده ... هتشتريها استعمال فى حدود 250 : 300 جنيه

او

2- ذراعين سكاترة
ولو هيا السبب تشتريها جديده تبع المجموعه الهندسيه اللى العلبه بتاعتها احمر فى ابيض وهتعمل حوالى 50 : 75 جنيه

[Hacker5]

دى تقريبا قطمة الدركسيون و الله اعلم

[Medicalist]

كبالن يا باشا عندى فى اليمين والشمال النترا 2010 50 الف كيلو

[king_de_egypt]

نصيحه منى انا معايا i 30 و كان فى الطقه دى و انا واقف يمين و شمال بسيطه اووى و انا ماشى على سرعه بسيطه 20 كيلو طقطقه بسيطه اوى بتروح لما بزود سرعه و رحت لميكانيكى القديم بتاعى قالى العربيات الجديده كلها القنطره من المشى بتفك عشان كل الحمل عليها فا نصيحه روح اربط القنطره و ان شاءالله الدنيا هتتظبط جربها قبل ما تعمل حاجه و ان شاء الله هتطلع هيا

[M.Al-Hefnawy]

جزاكم الله كل خير

[abokhalo]

ياترى حضرتك عملت ايه فى موضوع الطقه ارجو الافادة وشكرا

[M.Al-Hefnawy]

آسف للتأخير في الرد بس لأني لسه رايح للعفشجي النهارده. لاقيت تيش الاسكاترا سليم والعفشجي قالي الصوت ده من حاجة في مكنة البور الموجودة تحت الدركسيون المهم فيه ريشه صاج كده وفيها خرم حطلها مسمار وصمولة بس لسه الصوت موجود برده. بالنسبة للصليبة لو فيها مشاكل اللي عرفته انها بتعمل صوت نقر في المشي في طريق مكسر ... لكن الصوت اللي عندي وانا بكسر الدركسيون شمال والعربية واقفة أو بكسر مثلاً عشان ادخل الشارع وبكون على سرعة بطيئة. فمش عارف ايه السبب فيها لغاية دلوقتي.

[Medicalist]

يا باشا طب بصلك على الكبالن
للاسف مفيش عفشجيه بتفهم فى مصر

[amgomaa]

معلهش عن تجربه روح ربط البطاحات وادعيلى

[amgomaa]

بعد لف ودوران لقيت عفشجى شاطر وتشخيص اصوات دزكسيون الانترا كالتالى فيه طبعا الزنه العاديه بتاعة صوت موتور الباور وفيه كمان صوت ميلحظوش الا حد قوى الملاحظه بتاع الخلوص اللى انت بتقول عليه و هو صوت شبيه بالتزييق الخفيف اوى وكان حاجه بتلق جوه الدركسيون وبالذات اول اما تكسر شمال اللى فاتو دول عادى اما الطقه دى مجرد تربيط بطاحات جرب مش هتخسر حاجه

[M.Al-Hefnawy]

هو ربط على العفشة ومن ضمنها الـ 3 مسامير بتوع المساعد من فوق والصمولة اللي تحت الغطا الاسود بتاعة المساعد نفسه؟ المشكلة ان الطقة موجودة جوة العربية من عند الطارة مش من بره كان ممكن اشك في البطاحات او حاجة تانية.