استفسار بخصوص تنظيف دورة بنزين الالنترا

[hossamsmsm]

السلام عليكم

لو سمحت يا رجاله انا كان ليا شويه استفسارات بخصوص الموضوع ده

انا امبارح اشتريت زجاجه تنظيف لدورة البنزين لونها احمر العنق بتاعها طويل كده ومكتوب عليا بالخط العريض Fule injection وكانت ب 15 جنيه من البنزينه
بس الراجل اللى فى البنزينه قالى ان الزجاجه السودا احسن من الحمرا بس بصراحه ملقتش مكتوب عليها injection مردتش اشتريها واشتريت الحمرا
لما حبيت احطها قالى لا يابيه ديه لازم تحطها قبل ما نحط البنزين فى التنك والبنزين ينزل على السائل مش السائل هو اللى ينزل على البنزين

مع العلم
- العربيه النترا 2008 مانيوال
- انى مسافر مشوار حوالى 130 كيلو النهارده وهرجع كمان 4 ايام
- حطيب بنزين فى العربيه حوالى 3/4 التانك بالظبط عند العلامه اللى قبل الاخيرة
- المفروض انى هغير زيت لما ارجع من السفر ( وكنت قريت فى موضوع انى لازم اغير زيت بعد تنظيف دورة البنزين )

اعمل ايه دلوقتى ؟؟؟؟
وياترى كلام الراجل ده مظبوط ولا غلط ؟
والعلبه السودا احسن من الحمرا ولا ايه ؟
واعمل ايه بعد ما اغير الزيت ياترى فى اى حاجه تانيه تتعمل ؟؟
ياريت بس لو حد هيساعدنى يكتب الخطوات بالترتيب

[mahmoud_afifi]

بصراحه مش عارف بخصوص ايه يتحط الاول البنزين ولا المنظف الاول بس يفضل انك تقرا الinstructions على العلبه احسن من انك تاخد التعليمات من واحد زي عامل في بنزينه مش متعلم وممكن يكون بيفتي وممكن يكون بيتكلم صح.
انا قبل كده استخدمت المنظف ده بس مش فاكر حط ايه الاول (وماحستش بفرق حتى ولو صغير بعد استخدامه).
اما بخصوص تغيير الزيت بعد تنظيف دورة البنزين اول مره اسمع عن الموضوع ده ! ايه العلاقه بين الاتنين ؟

[hossamsmsm]

بصراحه مش عارف بخصوص ايه يتحط الاول البنزين ولا المنظف الاول بس يفضل انك تقرا الinstructions على العلبه احسن من انك تاخد التعليمات من واحد زي عامل في بنزينه مش متعلم وممكن يكون بيفتي وممكن يكون بيتكلم صح.
انا قبل كده استخدمت المنظف ده بس مش فاكر حط ايه الاول (وماحستش بفرق حتى ولو صغير بعد استخدامه).
اما بخصوص تغيير الزيت بعد تنظيف دورة البنزين اول مره اسمع عن الموضوع ده ! ايه العلاقه بين الاتنين ؟

والله ياباشا العلبه مش عليها اى تعليمات غير تحذيرات بسيطه علشان الاطفال وكده
واهو الواحد هيجرب ويشوف نتيجته ايه

[hossamsmsm]

برجاء الاهتمام

[Ayman-Ahmed]

ما هو لو حضرتك تفيدنا اكتر بنوع المنتج او موقع الشركة ممكن نقدر نفيدك فى طريقة الاستخدام وان كان غير معروف النوع او مش من الانواع الشائعة او المشهورة يبقى ممكن ميفيدش.

يعنى مثلا لو
STP
MAXX44
Gunk
ABRO

يبقى مضمون ولكن اشك لان السعر قليل.

[moha4tec]

عليك ب سوناكس من الاخر و جاب نتيجه معايا
و نصيحه ابعد عن stp حرقلى البوجيهات و هببلى و بوظلى الدنيا
و الله اعلم