الi10 لسة مكملتش 200 كيلو وأتخبطت!

[a_tantawy7]

السلام عليكم,
النهارده للأسف و أنا خارج بالعربية خبطت السيارة اللي كانت واقفة جنبي, هو محصلوش حاجة لأني حكيت الاكصدام بتاعه.
بس العبد لله كانت خسائره كالتالي:
الرفرف اليمين اللي ورا اتكحت و اتنى (محتاج يترد.)
الباب اليمين الوراني اتكحت من تحت جامد واتنى (محتاج يترد برضه.)
أسئلتي يا جماعة لو تكرمتوا:
أنا أعرف أن في حاجة بتتدهن على السيارة لو اتكحتت (بنفس لون السيارة.)عشان لونها يرجع زي ماكان,الحاجة دي اسمها ايه ,وبتتباع فين وأدهنها ازاي؟
ياريت لو حد يعرف حد يرد الباب والرفرف يدلني عليه وياريت لو في الحي السادس أو السابع (لأني من سكان مدينة نصر).وتتكلف كام العملية دي ؟ وهل شكل العربية بيرجع زي الأول ولا برضه بيفضل في أثر؟
هل أني أرد الباب و أصلح الخدوش اللي فيها يخرج العربية من الضمان؟
سؤالي الأخير هل رأيكم أني أعمل الكلام ده بنفسي ولا أستنى صيانة الألف,وهل الصيانة بتغطي الكلام ده؟
عفوا للاطالة وأعذروا جهلي لأني لسة جديد , وأرجو اللي عندو معلومة مايبخلش عليا بيها.
شكرا.

[Nile_Storm]

قدر الله و ماشاء فعل
الماده اللي بتسال عليها هي الكومباوند و دي عند اي سمكري بقطنه و ان شاء الله مشكله التجريح تتحل
اما الخبطه لو محتاجه تترد تبقي علي التأمين و ليس الضمان
و ممكن تعملها في قسم الهياكل لو عاوز
عامه سيبها شويه تاخد العين للاسف كل ما واحد يجيب عربيه جديده من حسد الناس يحصل كده
و في صيانه الالف اسال هناك براحتك

[Moh.Abdelbaset]

قدر الله وما شاء فعل
المهم سلامتك
وربنا يعوضك خير ان شاء الله

[Eng.Mina]

ماتقلقش كل عربية لازم يكون ليها بركتها انا عربيتي كانت اتخبطت في الرفرف اليمين اللي ورا من اسبوع تقريبا وده لينك الموضوعhttp://www.nilemotors.net/Nile/showthread.php?t=28135
طبعا باين ان الرفرف اتبهدل اخر بهدلة بس الحمد لله السمكري رده علي البارد والرفرف شكله اتظبط انا كمان حاطط الصور بعد السمكرة في الصفحة الثانية من الموضوع بس برده لازم حايكون في تعريجات خفيفة لان السمكرة اتعملت علي البارد علي العموم ماتزعلش نفسك ولازم موضوع الخبطات ده في بلدنا المحروسة وبالنسبة للحكات فالبولش او الكومباوند هو الحل المثالي ليها وطبعا صيانة الالف مالهومش دعوة بخبطات العربية للاسف لازم تعملها علي حسابك عند اي سمكري وياريت لو تقدر تحطلنا صورة للخبطة وتبقي طمنا بعد ماتخلص موضوع السمكرة
ولك تحياتي

[a_tantawy7]

ماتقلقش كل عربية لازم يكون ليها بركتها انا عربيتي كانت اتخبطت في الرفرف اليمين اللي ورا من اسبوع تقريبا وده لينك الموضوعhttp://www.nilemotors.net/Nile/showthread.php?t=28135
طبعا باين ان الرفرف اتبهدل اخر بهدلة بس الحمد لله السمكري رده علي البارد والرفرف شكله اتظبط انا كمان حاطط الصور بعد السمكرة في الصفحة الثانية من الموضوع بس برده لازم حايكون في تعريجات خفيفة لان السمكرة اتعملت علي البارد علي العموم ماتزعلش نفسك ولازم موضوع الخبطات ده في بلدنا المحروسة وبالنسبة للحكات فالبولش او الكومباوند هو الحل المثالي ليها وطبعا صيانة الالف مالهومش دعوة بخبطات العربية للاسف لازم تعملها علي حسابك عند اي سمكري وياريت لو تقدر تحطلنا صورة للخبطة وتبقي طمنا بعد ماتخلص موضوع السمكرة
ولك تحياتي

قلبي معاك يا باشا بس اللي مزعلني أن العربية مبقألهاش أسبوع , يعني لسة ماحقتش أفرح بيها , عموما الحمد لله وأنا قررت أسيبها شوية مش حصلحها دلوقتي.
ليا سؤال يا باشا بعد اذنك هو ايه الفرق بين الرد على البارد والسخن وأنهي أحسن , شاكر أفضالك مقدما وربنا يكفيك شر الطريق:)

[YoussefMostafa]

قدر الله وماشاء فعل

ومتزعلش نفسك ان شاء الله تكون حاجة بسيطة وترجع زي الاول

[Eng.Mina]

بالنسبة للرد علي الساخن حايخلي الرفرف كان مافيهوش اي حاجة (مافيش تعريجات نهائي) بس السمكري حايلجأ انه يرش الجزء اللي اتعمل فيه السمكرة ده وطبعا حايبقي شكل العربية زي الزفت حايبقي فيه فرق واضح جدا في اللون والرد علي الساخن ده يبقي احسن لو في الاجزاء اللي ممكن تتفك (زي الرفارف اللي قدام والابواب وكده يعني ) لكن بالنسبة للرفارف اللي ورا لازم تتعمل علي البارد لانها ماينفعش تتفك وتخش الفرن وعموما حضرتك لو حطيت صورة للخبطة ممكن يكون الموضوع بسيط يعني مثلا انا في العربية بتاعتي اول مالسمكري ابتدي شغل دخل واحد جوه الشنطة وخلاه يخبط الصاج برجله فاترد جزء كبير من الخبطة من غير تعاريج وللا حاجة لكن عندي كانت المشكلة ان في جزء من الخبطة في الحته اللي جنب الشنطة ودي حته مزنوقة ورخمة ولازم تتعمل بشاكوش مرمات (زي مالسمكري بيسميه ) عموما انت احسن تعدي علي السمكري وممكن لو الموضوع بسيط يعملهالك علي طول وانت واقف والعربية حاترجع زي ماكانت ولا كأن فيه حاجة بس بالنسبة للباب ماعرفش ممكن يتعمل علي البارد وللا لأ ؟ من الافضل ان حضرتك تحاول ترفع الصور علشان الشباب الحلو بتاع المنتدي يقدر يفيدك وربنا يعينك وماتزعلش انا كنت حاطط عربيتي جوه عيني ومحافظ عليها موت (عامل بيها 6 الاف كيلو في سنة) بس برده ماسلمتش من غباوة العربجية وعموما كله خير

[a_tantawy7]

بالنسبة للرد علي الساخن حايخلي الرفرف كان مافيهوش اي حاجة (مافيش تعريجات نهائي) بس السمكري حايلجأ انه يرش الجزء اللي اتعمل فيه السمكرة ده وطبعا حايبقي شكل العربية زي الزفت حايبقي فيه فرق واضح جدا في اللون والرد علي الساخن ده يبقي احسن لو في الاجزاء اللي ممكن تتفك (زي الرفارف اللي قدام والابواب وكده يعني ) لكن بالنسبة للرفارف اللي ورا لازم تتعمل علي البارد لانها ماينفعش تتفك وتخش الفرن وعموما حضرتك لو حطيت صورة للخبطة ممكن يكون الموضوع بسيط يعني مثلا انا في العربية بتاعتي اول مالسمكري ابتدي شغل دخل واحد جوه الشنطة وخلاه يخبط الصاج برجله فاترد جزء كبير من الخبطة من غير تعاريج وللا حاجة لكن عندي كانت المشكلة ان في جزء من الخبطة في الحته اللي جنب الشنطة ودي حته مزنوقة ورخمة ولازم تتعمل بشاكوش مرمات (زي مالسمكري بيسميه ) عموما انت احسن تعدي علي السمكري وممكن لو الموضوع بسيط يعملهالك علي طول وانت واقف والعربية حاترجع زي ماكانت ولا كأن فيه حاجة بس بالنسبة للباب ماعرفش ممكن يتعمل علي البارد وللا لأ ؟ من الافضل ان حضرتك تحاول ترفع الصور علشان الشباب الحلو بتاع المنتدي يقدر يفيدك وربنا يعينك وماتزعلش انا كنت حاطط عربيتي جوه عيني ومحافظ عليها موت (عامل بيها 6 الاف كيلو في سنة) بس برده ماسلمتش من غباوة العربجية وعموما كله خير

أشكرك على ردك وأهتمامك . و ان شاء الله هأشوف سمكري بس هسيبها شوية كده تأخد العين , و ربنا يستر على اللي جاي باذن الله.

[Eng.Mina]

العفو يا باشا احنا كلنا اخوة ربنا يسترها معاك ومعانا جميعا

[casperinoo]

نفس الخبطه ونفس المكان وبرده قبل ال1000 كم..... ومعملتش فيها حاجه لحد دلوقتي...العربيات في مصر الخبطه فيها بقت حاجه اساسيه زي النمر كده
ربنا معاك ...والله حاسس بيك ...بس انا شايف انك تسبها شويه تاخد العين

[MoToRiZeR]

نفس الخبطة عندي بس في الباب الشمال و كانت قبل ال 100 كيلو .. كلنا هذا الرجل .. متزعلش و ابتسم انت في مصر

[a_tantawy7]

والله ي أخواننا اللي بجد حارق دمي أن العربيه لسه زيرو, يعني لو بعد شهرين تلاتة كنا قانا ماشي, بس الواحد يقول الحمد لله برضه, قضى أخف من قضى, وعلى فكرة أنا ناوي أسيبها كده مش هأعمل فيها حاجة, مش معقول أرش العربية وهي لسة ماكملتش 1000 كيلو, وربنا يصبرنا جميعا.

[king_de_egypt]

ممكن اقول حاجه هو فى ناس كتير هتقولى كلامى غلط بس طول ما انت محافظ على العربيه و شايلها فى عنيك لازم تتخببط فا قول يا باسط كدا و ان شاء الله رينا هيبركلك فيها فا بلاش يا جدعان اللى يجيب حاجه جديده يبقى خايف عليها زياده عن اللزوم و ربنا يباركلك فيها ان شاء الله

[king_de_egypt]

وانا راى متعملش فيها حاجه اهى تدارى العين عنك شويه و ربنا يباركلك فيها ان شاء الله

[dede_dodo88]

معلش متزعلش نفسك
انا لسة برضه معايا الجيتز و مكانتش كملت ال200 كم و عملت حادثة
الأكصدام اللي ورا اتكسر نصين :) بعد ما اتخبط في تاكسي من ورا
بس الحمد لله متأمن عليها و مغرمتش مليم فيها و رجعت زي ما كانت
و طول مانت ماشي بيها لازم هتحصل حاجات من النوعية دي و أكتر