فانوس هيونداي إلنترا 2006

[thedeveloper87]

السلام عليكم ورحمة الله وبركاته

كنت عايز أعرف سعر فانوس كامل هيونداي النترا 2006 بكام (فردة واحدة)
والوش لوحده بكام

وشكرا

[حماده المصري]

احسن حاجه تجيب استيراد معتقدش هيعمل 250 جنيه للواحد الاصلي وزي الجديد وزيرو

انما الجديد في السوق الاصلي في التوكيل اكيد فوق 500

والحاجات المضروبه الديبو والكلام ده هتلاقي ممكن يبتدى من 100 جنيه ديبو

[thedeveloper87]

طب أجيبه منين استيراد؟

[حماده المصري]

على حسب انت ساكن فين

لو قريب من الهرم انزل شارع اللبيني الناحيه الي رايحه الدائري بتاع الهرم المعادي مش فصيل

هتلاقي واحد اسمه سوسو على اليمين وبعديه واحد تاني برضو هتلاقيه عندهم بس فاصل مع سوسو ده جامد وهوه عموما نضيف مش وحش

وفي واحد تاني في فيصل شارع الطلبيه تقريبا اسمه كفر حاجه اول ما توصل الطلبيه تدخل يمين (طبعا مش هتدخل الشارع الي بيطلعك على الهرم لا انت هتدخل الناحيه التانيه) هتلاقيه على اليمين

لو بقى ساكن قرب مدينه نصر عندك الحرفيين في شارع الاستيراد هناك كتيير اوي

في في سوق السيارات واحد برضو بتاع استيراد

[thedeveloper87]

ألف شكر لحضرتك

[egyseadragon]

انا كنت جبتو جديد من الحرفيين.....كان في الصيني (اقل من 200 جنيه) و في التايواني و كان احسن كتير من الصيني و تقريبا كان 250 ....انا مش فاكر الاسعار قوي.....بس التايواني كان كويس و صعب تفرقو عن الاصلي....

[motoxp]

تقريبا كان 250 ....انا مش فاكر الاسعار قوي.....بس التايواني كان كويس و صعب تفرقو عن الاصلي....