ألحقونييييييييييييي

[houseiny]

أنبارح فب أمان الله بدور عربيتي وبولع النور الصغير ، ألاقي خير أللهم أجعله خير أن النور اللي بينور عند عصاية الفتيس الأوتوماتيك لعربيتي الجتز مش بينور وفجأة لقين أن النور اللي بينور عند بكر التكييف واحدة منهم طفيت وشوية اللي بعدها بدأت تنور نص إضاءة ، أنا خايف اروح ألاقي النور كله مطفي ، هو اللمبة اللي عند الفتيس دي بتتغير وبتتغير فين ، ولو مشكلة في الكهربا يبقى حلها إيه؟؟؟
بالله عليكم تقلولي عشان أنا فعلاً حاسس أن الصالون ضلمة وأنا ماشي بالليل زائد إن خايف لتكون حاجة في الكهرباء بتاعت العربية

[mshmshm3]

خلي كهربائي يبص علي الفيوزات

[Kareem Fawzy]

فيوزات اكيد يا باشا روح لاى كهربائى يبصلك على علبه الفيوزات

[BUNSH]

حصل خير ياااااباشا ورووح لكهربائى وشيك عليهم زى مالاخوة الافاضل ماقالوااا ,,
أنا اتخضيييييييت من اسم موضوع افتكرت لاقدر الله حاجة جاااامدة حصلت .....وابقى طمنا .

[Ahmed.TV]

ما تقلقش .. خير .. تلاقى بس فى فيوز فعلا عايز يتغير .. بس خالى حد شاطر يبصلك علي علبة الفيوازت .. وبعدين لو حضرتك عربيتك لسه فى الضمان اطلع بيها على التوكيل .. ولو خرجت يبقا شوف كهربائى شاطر ابن حلال .. وكلها حاجات بسيطة .. وجمد قلبك

[artist]

يعم في ايه براحه شويه. انا افتكرت ان العربيه حصل فيها حاجه!!!!!!!!!!!!!! حرام عليك يا اخي!

[S O P H O S]

ان شاء الله تطلع فيوز فعلا وتتحل
حصل خير ...

[m7mda7md]

طيب ايه الداعي للكهربائي في الفيوزات؟....افتح العلبه بنفسك يا باشا و شيك عليهم...لقيت حاجه طايره غيرها و خلي بالك بنفس الامبير و من مكان محترم عشان الصراحه مش برتاح للفيوزات ال بتتعمل تحت السلم دي....لقيت الفيوزات سليمه روح لكهربائي

[crayvor]

عكس الباقي أعتقد العيب مش فيوزات.. لو فيوزات لمض الكابينة كلها تطفي مش حبة اه وحبة لأ.. الا لو كان فيه فيوز لكل لمبة لوحدها ودي استحالة طبعا..

هي ليها كذا احتمال.. أولهم فيه كهربا راجعة من حاجة ما علي الاضائة.. التاني الكهربا اللي واصلة علي اللمبات عالية لأي سبب.. ممكن بقي تبقي فيه تشريط علي السلوك اللي واصلة للاضائة أو حاجة تانية..

ع العموم هو الموضوع مش صعب بس محتاج واحد حافظ الضفيرة عشان مايفتحش سلوك كتير.. أرشحلك التوكيل أحسن عشان مافتكرش فيه كهربائي متخصص جيتز.

[ghostmido]

عكس الباقي أعتقد العيب مش فيوزات.. لو فيوزات لمض الكابينة كلها تطفي مش حبة اه وحبة لأ.. الا لو كان فيه فيوز لكل لمبة لوحدها ودي استحالة طبعا..

هي ليها كذا احتمال.. أولهم فيه كهربا راجعة من حاجة ما علي الاضائة.. التاني الكهربا اللي واصلة علي اللمبات عالية لأي سبب.. ممكن بقي تبقي فيه تشريط علي السلوك اللي واصلة للاضائة أو حاجة تانية..

ع العموم هو الموضوع مش صعب بس محتاج واحد حافظ الضفيرة عشان مايفتحش سلوك كتير.. أرشحلك التوكيل أحسن عشان مافتكرش فيه كهربائي متخصص جيتز.

انا شايف ده انسب تحليل للمشكلة.
ان شاء الله خير يا جميل.

[houseiny]

ربنا يجزيكم خير ، ألف شكر لأهتمامكم ، بس انا روحت لأتنين كهربائية وقاعدوا يفتوا عليه ، واحدقالي نفك علبة الفيوزات وندور عالضفيرة والتاني قالي نغير اللمبات اللي في الكابينة مش عارف إزاي ونفك مشا عارف إيه المهم قاعد يهري كده مفهمش منه حاجة مرتحتش لكلامة سبته ومشيت ، هشوف واحد تاني كده وربنا يسهل ، المشكلة أن اللمبات في التابلوه عمالة تطفي حتة حتة وإجزاء ترجع تنور وبعدين تطفي تاني ، وحاسس أن العربية مبرجلة ومش مظبوطة ربنا يسهل ، انتوا عارفين الكوري مالوش أمان بيضرب من غير مقدمات