استفسار بخصوص تكييف نيو اكسنت

[ahmedhilmy]

السلام ليكم جميع شباب الهيونداي انا زميلكم من الدايو بعد عشره العمر معاهم ٥ سنين مع اللانوس عرفت فيهم احلي منتدي و احسن شباب في قسم الدايو بعت العربيه من شهر تقديبا و اخدت نيو اكسنت بتاعه اخويا و انتقلت من شقه الدايو للهيونداي بس لسه في البيت الكبير نايل موتورز كنت هروح اعمل شك علي تكييف العربيه و كنت عايز اعرف النيو اكسنت فيها فلتر للتكييف و لا لا و لو فيها مكانه فين دي حاجه الحاجه التانيه الازاز اللي ورا في حته فيره مثلثه تقريبا من بره العربيه دي في حد ابن حلال خلعها ممكن الاقيها فين ؟

[askar]

اه النيو اكسنت فيها فلتر تكييف ورا درج التابلوة ممكن تفكة بسهوله:
هتفتح درج التابلوة و يا ريت تفضية هتلاقي على يمين و شمال الدرج كلبستين كدة هتفكهم عادى و هتلاقى الدرج زى ما يكون وقع من مكانة بص وراة كدة هتلاقى كلبسات تانى برضة تفكها بايدك هتلاقى الفلتر وراها.
الفلتر سعرة فى التوكيل اخر مرة سألت 300 جنية و جبتة من برة ب 80 جنية زية بس مش هوة هوة.
و ملاحظة كدة على الماشى: هو بالضبط زى فلتر الالينترا -اللى فى التوكيل ب 190 تقريبا -
موضوع الفبراية دة للاسف معرفش حاجة افيدك بيها.

[_hema]

الفلتر سعرة فى التوكيل اخر مرة سألت 300 جنية و جبتة من برة ب 80 جنية زية بس مش هوة هوة.

هل الفلتر اللى حضرتك اشتريته اصلى ولا تقليد ومش معقول يكون اصلى وفيه الفرق الجامد طه

ارجو التوضيح للأهميه

مع خالص تحياتى لحضرتك

[askar]

فلتر مش اصلى, اظنه كان كونتينينتال
و خامتة شبة اللى راكب فيها ورق مش كربونى ولا حاجة

[ahmedhilmy]

المفروض الفلتر ده يتغير كل قد ايه و لا حسب حالته؟