توكيل ابو رواش حاجة تفرح

[Ahmed_Ezz]

أنا رحت إلنهردة صيانة ال-١٠٠٠٠ و الحائيئة كان التوكيل نضيف جداً و المعاملة تحفة و المهندس كشف بنفسو على كل حاجة فالعربية و كتبها و بعد كدة ألي في أي ملحزات على العربية قلتلو لأ خلاص كدة تمام أوي و عملو كل حاجة أنا كنت عايزها و أكتر كمان و غسل المتور و لمعو العربية ، بالظبط ساعتين و كنت مستلم العربية يا رب يفضلو كدة على طول

[smsmbakr]

ياراجل كان فاضي
امال الي احنا بنسمعة ايه بقى ؟؟
طيب وخدو منك اد ايه في الصيانة
علشان انا رابح اعمل الصيانة انا كمان

[som3aa]

أنا روحت اعمل صيانة 20000 فى ابو رواش كان زحمة شوية بس انا كنت حاجز و سلمت العربية الساعة 3 استلمتها 5:30 مع ان المهندس قالى فى الاول الاستلام على 7 يمكن 8 لو اتاخرنا

بعدين كل مرة كدا , يعنى الصراحة و لا مرة شفت الكلام اللى بسمعوا عن غبور دا (لحد دلوقتى).

يمكن غبور عنده مركز خدمة تانى خفى فى ابو رواش ؟

[mada33]

وأنا لما عملت صيانة الألف في أبو رواش وصلت في معادي الساعة 2 واستلمت العربية الساعة 5

وكانت زي الفل وأتفرجت علي كل حاجة من الزجاج كانت تالت عربية وكنت شايفها كويس وهي

بتتعمل ولما استلمت العربية بصراحة كان الموتور مظبوط وفرامل اليد كمان اترجلشت بس غسيل

الموتور كان أي كلام.

بس الموضوع مكانش زي الصورة اللي الواحد كان واخدها خالص أنا شايف ان من ناحية الوقت طويل شوية لكن بصراحة هما عندهم ضغط جامد.

[Nile_Storm]

يارب دايما الناس تتبسط
و عقبال صيانه المليون

[bassam nagy]

ياجماعة التوكيل بيتحسن غير انوا فى مراقبة شديدة من المهندسيين هناك ويارب يبقى كدة على طول

[Ahmed_Ezz]

خدو باضبت ساعتيين و نص

[Ahmed_Ezz]

الصيانة اتكلفت 518 تغيير زيت 10000 و فلتر و فلتر بنزين و المصنعيات

[Matrixawy]

ياجماعة التوكيل بيتحسن غير انوا فى مراقبة شديدة من المهندسيين هناك ويارب يبقى كدة على طول

الظاهر ان تدهور سمعة غبور و الكلام الجامد من الاعضاء اللى كشف كوارث غبور جاب نتيجة كويسة و هذا ما كنت ارجوه نتمنى ان يستمر على ذلك و لا تعود ريمة لعادتها القديمة
باقى شى اخر لم يتحسن بعد و هو الاسعار المبالغ فيها لقطع الغيار

[Ahmed_Ezz]

قصدى 508 معلشش :d

[Ahmed Anwer]

هوا فعلآ المبالغات كبيرة أوي في المنتدي ،،

و بقي نوع من أدبيات المنتدي الثابتة ،،

و بينسوا ان غبور علي الأقل اكبر توكيل بيستثمر في خدمة ما بعد البيع

سواء بمخزون قطع غيار أو عدد مراكز صيانة و حجمها و انتشارها

بس بصراحة عمرها ما وصلت انهم يسلموني العربية منظفينها

أكيد دي واسطة

[som3aa]

باقى شى اخر لم يتحسن بعد و هو الاسعار المبالغ فيها لقطع الغيار

قى دى معاك حق

[zakiali]

هو ده غبور بتاعنا ؟ ولا بتتكلموا عن حد تاني ؟ ! سبحان مغير الأحوال !

[Amera]

انا عايزة اعرف اية هى الحاجات اللى حايغيروها او حايعملوها فى صيانة الالف كيلو بالتفصيل للعربية فيرنا لان العربية راحة ابو رواش بكرة ان شاء الله وربنا معايا .

[Nile_Storm]

متقلقيش كله خير

صيانه الالف تتضمن تغيير زيت و فلتر زيت
و بيشوفو اي مشكله عندك في العربيه وخلاص