محتاج النترا 2007-2008 منوال

[bobobobo]

اى حد معا او يعرف حد معا النترا 2007-2008 منوال نضيفة اوى يقول اة رايكو فى العربية دى بصراحة

[samihanwar]

انا معايا واحده 2007 ماشاء الله عليها بتعانى معايا وحماله أسيه
هى اوحش حاجه فيها السنتر والأنذار باظو بسرعه غير كده هى بونبونى
وتقبل مرورى

[bobobobo]

شكرا لردك

[hossamsmsm]

معايا واحده
2008 كامله مانيوال خليجى
فتحه سقف وجنط 15 هيونداى اصلى و5 فرد كاوتش سرعات و سينسور وكاميرا وديفيدى وشاشتين عرض فى مخادع الرأس واسبويلر وفرش جلد وطقمين زينون عالى وواطى و فوجات شبورة
العربيه اشترتها شهر 5 اللى فات
بسم الله ما شاء الله ... اقل ما يقال عليها تحفه فنيه
سحبها فوق الممتاز
فراملها جميله جدا بسبب الكاوتش
طبعا الباور الكهربا للناس الخايفه منه ( بجد جااااااااااااااامد جــــــــــــدى ) ومتستمعش كلام حد انه يقولك مخيف وكده
العربيه واسعه جدا وعائليه وفى نفس الوقت شبابيه
التكيييييييف ديييييب فريزر مش تلاجه
مقدمتها مخيفه وانسيابيه
قطع غيار رخيصه وعند البقال
العيوووووووووووووووووووووووب
اهيييييه اهيييييه اهييييييه
مش لاقى حاجه بصراحه اقولك عليها
اه للامانه
لما اتنين او تلاته بيقعدوا ورا ساعات بتحك منى فى المطبات بس انتى بقى خليك شقى وخد المطب يمين فى شمال وان شاء الله مش هتحك منك

تقبل مرورى
هات خمسه جنيه بقى !!!!!

[bobobobo]

جبتها بكام وانا اديك عشرة جنيها

[dr_abooody]

انا معايا واحدة 2009 و بدور على واحدة زيها مستعملة مفيش حد بيفرط فيها الا اذا كان فيها مشاكل فخلي بالك ان ما يكونش فيها اي عيوب