إعـــــــلان

Collapse

.

,
See more
See less

تقرير عن تركيب جهاز GPS-Go2 Portable فى Elantra 2007

Collapse
X
 
  • Filter
  • الوقت
  • Show
Clear All
new posts

  • تقرير عن تركيب جهاز GPS-Go2 Portable فى Elantra 2007



    النهاردة معادنا مع تقرير جديد من تقارير قسم العمالقة
    نجوم هيونداى






    تقرير عن تركيب GPS
    Go-2






    الجهاز يا جماعة ما شاء الله عليه فيه كل حاجة تقريباً وان كان يعيبه ان الشاشة مش كبيرة قوى
    ومش صغيرة قوى يعنى شاشة 5 بوصة



    امكانيات الجهاز :

    1- GPS شاشة 5 بوصة
    2- امكانية تشغيل ملفات MP3 على سماعات السيارة ( Car Modulator )
    3- امكانية تشغيل ملفات فيديو على سمعات السيارة
    4- قراءة ملفات الصور بصيغ مختلفة
    5- بلوتوث Car Kit
    6- قراءة ملفات PDF
    7- Fm Transmitter
    8- نتيجة
    9- Calculator
    10- Unit Conversion
    11- Games
    12- 7 لغات شاملة اللغة العربية
    13- Touch Screen
    14- به مكان لكارت ميمورى micro-SD حتى 8 جيجا
    15- سماعات داخلية للجهاز
    16- امكانية توصيل Headphones



    محتويات العلبة :

    1- جهاز Go-2
    2- حامل السيارة
    3- شاحن السيارة
    4- كابل USB للتوصيل بالكمبيوتر
    5- السى دى الخاص بالجهاز
    6- قلم خاص باستخدام الجهاز

    الصورة دى مقتبسة من موضوع فى قسم الجى بى اس فى الكماليات





    صور للجهاز للابعاد الثلاثة







    وزى ما هو واضح مكان كارت الميمورى ومكان كابل الusb ومكان الheadphones




    وزى ما هو واضح فى الصورة مكان زرار ال Reset علشان لو حصل والجهاز يهنج


    الجهاز يا جماعة فعلاً فيه امكانيات كتيرة

    بالنسبة للجى بى اس
    الجهاز جاى معاه برنامج N-Drive بس بصراحة انا مقتنعتش بيه
    ومعاه كمان برنامج i-go8
    وعلشان الجهاز يعمل بنظام Windows CE
    ودة بيسمح انك تنزل عليه اى برنامج ملاحة
    والافضل فى السوق طبعاً هما
    I-Go 8
    I-Go Primo

    وانا افضل بصراحة اي جو 8 لسهولة التعامل معاه
    وان شاء الله هحط لينكات للبرنامجين علشان اسهل على الناس ان شاء الله

    ودى صورة للواجهة بتاعت الاى جو 8





    البرنامج يا جماعة انا احتجته كذا مرة وبصراحة مخيبش ظنى فيه

    بتدخل تكتب العنوان ورقم الشارع وتقوله انتقال الى
    تبدأ بنوتة صوتها حلو كدة تقولك امشى يسار - در الى الخلف حاجات كدة يعنى
    وكمان لو حبيت تروح اى مستشفى او مطعم او كافيه او سينمات او محطات بنزين
    كل حاجة باينة على الخريطة قدامك

    نيجى بقا لتشغيل ملفات الفيديو


    الجهاز مبدئياً فيه ذاكرة داخلية 2 جيجا
    انا جربت عليه صيغ mp4 وبصراحة شغال ما شاء الله
    مع حجم الشاشة ال 5 بوصة المتوسط الحجم

    تشغيل الصوت

    بجد شغال ولا اجدعها mp3 ولاعة
    علشان الجهاز فيه fm transmitter يعنى ولا هتحتاج توصل توصيلات ولا تعلب فى الكهرباء
    كل اللى عليك تظبط الراديو على الموجه بتاعت الجهاز
    واللى بعد عناء طويل اكتشفت ان انضف موجه هى 104.6


    كمان فيه آله حاسبة ووحدات تحويل وكمان بيقرا صور وملفات pdf





    كمان يا جماعة البلوتوث فيه
    مجرد انك تربط الجهاز بالموبايل
    تقدر تتكلم منه
    ولو حد اتصل رقمه يظهر على الجهاز
    وكمان تقدر تسجل ارقام على الجهاز وكمان فيه call history


    اول مرة اشترى حاجة ومبقاش مستغليها
    طبعاً يا جماعة الجهاز سعره مقارنة بامكانياته لا يذكر

    انا اشتريت الجهاز ب500 جنيه
    من محل جمب مول البستان

    ومعاه ضمان سنة

    البطارية بتقعد من ساعتين ونص ل 3 ساعات
    بس مش فارقة معاك فى حاجة علشان شاحن السيارة

    نيجى بقا للجزء المهم فى الموضوع وهو

    ملف لاغلب رادارات مصر

    Speed Cams



    برنامج I-GO8 بجميع الاضافات من خرائط مصر وملفات الرادارات

    http://www.mediafire.com/?2k7h7cufwjr8t7a



    ان شاء الله هرفع برنامج اى جو بريمو فى اقرب فرصة واطلب من المشرف اضافة الرابط فى الموضوع

    اتمنى يكون التقرير وافى يا جماعة

    كريم فوزى
    منسق مساعد قسم هيونداى
    نايل موتورز


  • #2
    من زمان وانا عايز اجيب جي بي اس للعربيه .. بس المشكله اني خايف بصراحه اركبه وهو بيبقي بارز كده وباين من الازاز والحراميه دلوقتي اي حاجه بيشوفوها في العربيه سهل جدا يكسر الازاز ويروح داخل واخدها ولو عرف يدور العربيه يبقي قشطه
    يعني اي حاجه بارزه دلوقتي بتبقي مغريه للحرامي حتي لو كان معدي كده ومكنش ناوي يسرق
    انا مش بقول كده عشان اخوفك بس يعني بنصحك تخلي بالك ولو ركنت في حته متعرفهاش او مقطوعه يبقي شيل الجهاز

    Comment


    • #3
      المشاركة الأصلية كتبت بواسطة mohaakotb مشاهدة المشاركة
      من زمان وانا عايز اجيب جي بي اس للعربيه .. بس المشكله اني خايف بصراحه اركبه وهو بيبقي بارز كده وباين من الازاز والحراميه دلوقتي اي حاجه بيشوفوها في العربيه سهل جدا يكسر الازاز ويروح داخل واخدها ولو عرف يدور العربيه يبقي قشطه
      يعني اي حاجه بارزه دلوقتي بتبقي مغريه للحرامي حتي لو كان معدي كده ومكنش ناوي يسرق
      انا مش بقول كده عشان اخوفك بس يعني بنصحك تخلي بالك ولو ركنت في حته متعرفهاش او مقطوعه يبقي شيل الجهاز

      باشا انا على طول طول ما انا مش فى العربية بشيل الجهاز
      وهى دى الميزة اللى فيه
      انى مش خايف العربية تتسرق علشانه
      لو طالع البيت 5 دقايق مش بسيبه وهو خفيف اصلاً
      كأنى شايل موبايل بس كبير شوية
      نورتنى بمرورك الكريم

      Comment


      • #4
        المشاركة الأصلية كتبت بواسطة mohaakotb مشاهدة المشاركة
        من زمان وانا عايز اجيب جي بي اس للعربيه .. بس المشكله اني خايف بصراحه اركبه وهو بيبقي بارز كده وباين من الازاز والحراميه دلوقتي اي حاجه بيشوفوها في العربيه سهل جدا يكسر الازاز ويروح داخل واخدها ولو عرف يدور العربيه يبقي قشطه
        يعني اي حاجه بارزه دلوقتي بتبقي مغريه للحرامي حتي لو كان معدي كده ومكنش ناوي يسرق
        انا مش بقول كده عشان اخوفك بس يعني بنصحك تخلي بالك ولو ركنت في حته متعرفهاش او مقطوعه يبقي شيل الجهاز
        1+ .. معاك كل الحق .. يا دوب علبة المناديل قدام ... يا كل مرة بعد ماتخرج من العربيه .. تقوم شايله .. بس أي حد ممكن ينسه في مرة.. يا راجل ده واحد صاحبي عربيته .. كسروا الأزاز اللي قدام عشان علبة سجاير مارلبورو
        حسب الله ونعمة الوكيل في البلد السودة دي ..

        بـص هو بصراحة سعره حلو أوي علي فيه, و الايام دي كل الاكسسوريس الصيني زي "Navigation System" اللي بيتشال من العربيات اللي بتنزل مصر عليه Windows CE ...

        Comment


        • #5
          مبروك كريم بيه
          وعقبال جهاز تتبع السياره
          500جندى مش كتير سعره كدا فى اللذيذ
          والاهم معاه ضمان سنه
          اهم حاجه ايه اخبار خرائط المحافظات
          اقوى واغلى 10 اسلحه بالعالم
          http://technology-mmm.blogspot.com/
          http://imageshack.com/a/img850/6764/4fdl.jpg

          Comment


          • #6
            طول عمرك برنس تقارير ياعم كريم.
            يلا يا استاذ هاتلنا ال50 جي بي اس طالما طلع حلو قوي كده (ماشاء الله تبارك الله)

            Comment


            • #7
              ما شاء الله
              شكله جهاز جميل جدااااا
              وان كان ينقصه مدخل ال av in لتوصيل كاميرا عليه

              Comment


              • #8
                ألف مبرووووووووك ... جهاز رائع
                [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                Comment


                • #9
                  المشاركة الأصلية كتبت بواسطة mohammedabdallh مشاهدة المشاركة
                  مبروك كريم بيه
                  وعقبال جهاز تتبع السياره
                  500جندى مش كتير سعره كدا فى اللذيذ
                  والاهم معاه ضمان سنه
                  اهم حاجه ايه اخبار خرائط المحافظات

                  الله يبارك فيك يا بحمد بيك
                  انا مجربتهوش فى المحافظات بس ناس جربته وقالت انه شغال تمام :))
                  نورتنى بمرورك

                  Comment


                  • #10
                    المشاركة الأصلية كتبت بواسطة mahmoud_afifi مشاهدة المشاركة
                    طول عمرك برنس تقارير ياعم كريم.
                    يلا يا استاذ هاتلنا ال50 جي بي اس طالما طلع حلو قوي كده (ماشاء الله تبارك الله)

                    ههههههههه
                    منور يا بيه
                    يلا بقا ايدك على الفلوس علشان اشرف:)

                    Comment


                    • #11
                      المشاركة الأصلية كتبت بواسطة momo44 مشاهدة المشاركة
                      ما شاء الله
                      شكله جهاز جميل جدااااا
                      وان كان ينقصه مدخل ال av in لتوصيل كاميرا عليه

                      فعلاً دى كانت نقصاه
                      نورتنى يا باشا بمرورك

                      Comment


                      • #12
                        المشاركة الأصلية كتبت بواسطة elawany13 مشاهدة المشاركة
                        ألف مبرووووووووك ... جهاز رائع


                        الله يبارك فى حضرتك
                        نورتنى بمرورك

                        Comment


                        • #13
                          المشاركة الأصلية كتبت بواسطة Kareem Fawzy مشاهدة المشاركة
                          ههههههههه
                          منور يا بيه
                          يلا بقا ايدك على الفلوس علشان اشرف:)
                          من عنيا

                          Comment


                          • #14
                            المشاركة الأصلية كتبت بواسطة mahmoud_afifi مشاهدة المشاركة
                            من عنيا
                            لا يا حبيبى مش من عينيك من جيبك :))

                            Comment


                            • #15
                              تقرير رائع جدا تسلم ايدك يا كريم وخلاص انا اقتنعت بيه وبفكر جديا انى اجيبه لانى كنت بفكر اجيب شاشة عادية بس اظن ده هيبقى افضل

                              ياريت بقى تصوره كده وهو فى العربية التقرير كده مش كامل



                              المشاركة الأصلية كتبت بواسطة mahmoud_afifi مشاهدة المشاركة
                              طول عمرك برنس تقارير ياعم كريم.
                              يلا يا استاذ هاتلنا ال50 جي بي اس طالما طلع حلو قوي كده (ماشاء الله تبارك الله)
                              هو ده الكلام :)
                              [CENTER][shr71=http://l.yimg.com/lo/api/res/1.2/Bj7pKCpoERDP7b8ukgNlwA--/YXBwaWQ9bWtihttp://i277.photobucket.com/albums/kk57/shimo_moh/test-22.png]null[/shr71][/CENTER]

                              Comment

                              Working...
                              X