مشكله فى الهيونداى اكسنت Rb 2012

[dr_m_abdo]

يا جماعه انا معايا هيوانداى اكسنت ار بى موديل 2012 وعامله معايا 17000 الف لحد دلوقتى بس فى مشكله ظهرت معايا من اول ما اشتريتها انها احيانا بتحدف شمال بسيطه فى صيانه الالف قلتلهم عليها وبردو العربيه مظبططتش فى صيانه ال10000 بردو قلتلهم عليها وعملت مشكله فى ابو رواش وجرب العربيه قبل الصيانه وبعدها والحمدلله ظبتت بس شويه ورجعت تانى الحدفه الشمال
ياريت حد يقدر يفيدنى اعمل ايه مع المشكله دى وعمل ايه مع التوكيل لان شكلهم مش بيهتموا بالناس مع انى عملت كل صياناتى فى ابو رواش

[Kareem Fawzy]

ممكن حضرتك تراجع على ضعط العجل
حضرتك بتظبطه على كام
علماً ان الظبط الصحيح على 32 ورا وقدام

[mohammedabdallh]

وممكن تنقل الكاوتش اليمين شمال والعكس وتجرب ساعات بيبقى عيب كوتش
لو مظبطشى
اكشف عليها عند اى حد عفشجى كويس ومتعملشى حاجه كشف بس وشوف هيقولك ايه على الاقل نبقى عارف ايه الى فيها
وبعد كدا روح التوكيل بهدلهم هناك
س جرب الى قلتلك عليه الاول

[mahmoud_afifi]

فرع ابو رواش دايما زحمه ومابيهتموش بالملاحظات.
انصح بفرع قليوب (بس في وسط الاسبوع مش في اخر الاسبوع) او المركز الجديد على طريق الاسماعيليه.

[elpasha1]

ممكن تكون اخذت مطب جامد لوح القنطرة

[SAMEH_FOUAD]

هو دة موجود فى معظم سيارات هيونداى وكيا ومحدش عارف سببة اية شوف حد كان عندة المشكلة دية وهو يقولك هو عمل اية

[abdo7000]

بدل الاطارات وجرب

[mody3on]

هو دة موجود فى معظم سيارات هيونداى وكيا ومحدش عارف سببة اية شوف حد كان عندة المشكلة دية وهو يقولك هو عمل اية

امال عربيتي وعربية كريبتون والمهندس سمير وكريم فوزي ومحمود عفيفي ( مع حفظ الالقاب طبعا ) وعربيات الناس اللي هنا مبتعملش كده ليه ؟ اكيد في حاجة غلط لازم نروح للتوكيل

[SAMEH_FOUAD]

امال عربيتي وعربية كريبتون والمهندس سمير وكريم فوزي ومحمود عفيفي ( مع حفظ الالقاب طبعا ) وعربيات الناس اللي هنا مبتعملش كده ليه ؟ اكيد في حاجة غلط لازم نروح للتوكيل

والله ياباشا انا كلامى واضح انا بقول معظم ماقولتش كلة

طيب مانا ال rb اللى مع صاحبى كان فيها كدة ولحد دلوقتى فيها بس هو مش فارقة معاة حتى ماقلهمش عليها فى الصيانة 10000

[Samir Elshahawy]

جرب تكشف علي الزوايا بره التوكيل عند حد كويس
أحيانا و هما بينقلوا العربية أو بينزلوها من الرامب علي المركب بينزلوا بيها جامد و بيخبطوا المقصات

ياريت تكشف عليها بره و تأخد تقرير بالكلام ده و تروح التوكيل و تقول لهم عليه
حصل نفس الشئ معايا قبل كده في الياريس و هيا جديدة برضه و الاخر أكتشفت عيب في الشاسيه نتيجة خبطة من النوع ده

[surfer3098]

sorry i am posting in english i am using my mobile....this is normal in most korean cars of this class its called torque steering .....the car would usually pull very slightly towards the heavier side when accelerated in most hyundai's its the left side easy way to check for this is to drive the car very slowly while straightening the wheel if it pulls while its slow its probably the tires..stock tires suck if it doesn't then its torque steering

[Samir Elshahawy]

sorry i am posting in english i am using my mobile....this is normal in most korean cars of this class its called torque steering .....the car would usually pull very slightly towards the heavier side when accelerated in most hyundai's its the left side easy way to check for this is to drive the car very slowly while straightening the wheel if it pulls while its slow its probably the tires..stock tires suck if it doesn't then its torque steering

بالمنطق ده كانوا نقلوا الطارة (الدريكسيون الجنب اليمين)
عموما أزاي العربية عندي و عند ناس كتير مافيهاش المشكلة دي ؟؟

[mody3on]

بالمنطق ده كانوا نقلوا الطارة (الدريكسيون الجنب اليمين)
عموما أزاي العربية عندي و عند ناس كتير مافيهاش المشكلة دي ؟؟

اكيد عربياتنا معيوبة يا باشمهندس

[mody3on]

والله ياباشا انا كلامى واضح انا بقول معظم ماقولتش كلة

طيب مانا ال rb اللى مع صاحبى كان فيها كدة ولحد دلوقتى فيها بس هو مش فارقة معاة حتى ماقلهمش عليها فى الصيانة 10000

طب المعظم ده حسبته ازاي ؟

[dr_m_abdo]

شكرا للاهتمام والاراء القيمه
بس الموضوع ده معايا من اول 1000 يعنى لا كلت مطب ولا غيره لسه ولما رحت التوكيل فى صيانه ال10000 غيروا مكان العجل وظبطوا الهوا شويه ورجعت تانى
لو خبطه فى المقصات مكنتش اختفت خالص على ما اعتقد
بالرغم انى من المنصوره لكن عملت صياناتى كلها فى ابو رواش بس صراحه مبلاقيش منهم الاهتمام وشكلى هعمل معاهم مشكله كبييره لو الموضوع ده منتهاش انا مش شارى زيرو عشان يكون فيها مشكله
يا اما يعرفونى بقى ان العربيه فيها عيب وارتاح