هيونداي i10 الجديدة كليا ! ستصنع في تركيــا من 2013 !

[CryptonX]

اول صورة للجديدة i10 - 2013

اعلنت هيونداي ان مصانعها بتركيا هي التي ستنتج النسخة الجديدة كليا من ال i10 بدل من الهند
وذلك في خطوة للتاكيد على ان موديلات هيونداي الاوروبية كلها اصبحت كلها تنتج في اوروبا و ليس اسيا.

و المحركات الجديدة استكون من اول 800 سي سي (3 سلندر) الى 1200 سي سي و حتتوفر ببابين او 4 كمان !

متوقع ظهورها في معرض بوسان القادم مع الموديل الجديد من ال i20.

[HAITHAM1985]

غبـــــــــور ........ طير أنت ......... هههههههههههههه

[Kareem Fawzy]

شكلها فاجر
وياسلام بقا لو الفئة ال800 سى سى تنافس الماروتى هتاكل السوق

[moustafapeace]

يا باشا انت متخيل لو نزل منها 800 سى سى هيزل بكام مش اقل طبعا من 65000 فى حين ان الماروتى ب 38000 اذا كانت دلوقتى وبتتجمع فى الهند وب 68000 يعنى تمن فيرنا هاف مانيوال اللى ب 1600 سى سى امال لما تتجمع فى تركيا هتكون بكام 75000 ولا اكتر ...........؟؟؟؟؟
اعتقد هى بتاخد نفس خطوة البيكانتوا وبجد حرام فيهم الفلوس على الامكانيات دية

[Hosam_Optrawy]

اكيد هاتبقى اغلى واعتقد هاتنزل موديل 2014

للاسف الفئه دى بيكانتو i10 سبارك عماله تغلى

[S O P H O S]

فعلا لو 800 هتنافس الماروتي
المهم سعرها بردوا يكون تنافسي ..
بالتوفيق ..

[devil_storm]

مدام حتجمع فى تركيا يبقى جماركها حتقل ذى الاوربى ... يعنى سعرها حيبقى كويس ان شاء الله

[alaamousa]

من حيث الشكل قوي ومن حيث المظهر انيق ان شاء الله تكون متواضعة شوية للسعر

[Usama Nagi]

يا ريت تنزل في اول الخمسين لل 800 سي سي تبقي عربية اقتصادية و حلوة

شكلها في الصورة جامد يا ريت نسخة الأنتاج تبقي قريبة منها

[crayvor]

90% من خطوطها نفس خطوط البيكانتو.. حتي الفوجات..

ماقدرش أقول سرقة طبعا لأن من الأول للآخر هيونداي وكيا شركة واحدة أساسا.. بس بالسياسة التسعيرية بتاعة غبور ماتنزلش مصر أحسن.

[BUNSH]

ماااااااهبور ابن حرااام برضك !!!!!!!
هينزلها بسعر يجبلنا شلل او نقطة !!

وشكرااا على خبر .

[Hosam_Optrawy]

ياجماعه ماتتخدعوش فى موضوع ال 800 سى سى وتفتكروا انها هاتنزل رخيصه , الاسعار اللى بتقولوها دى قليله , العربيه هاتنط فى فئة ال 80 و 90 الف زى البيكانتو :(

العربيه الاقتصاديه اللى المفروض بتنافس الالتو والماروتى هى ال Eon الله اعلم هاتنزل عندنا ولا لأ ومش هاتبقى رخيصه اوى برضه يعنى رقم 50 الف دا اعتقد مستحيل