وحوش الهيونداى عامه واسود الاكسيل خاصه

[amrelsha3er]

السلام عليكم احلى شباب ورجاله هيونداى بصراحه عاوز استشيركم وتفيدونى بخبراتكم فى موضوع سياره اكسيل قدامى للبيع 1300سى سى مبدئيا ال1300 الاكسيل ايه رايكو فيها ؟؟بالنسبه للسحب والسرعه !!!!؟؟؟عشان انا شغلى سفر كتير على طرق وكده؟! العربيه موديل97 فابريكه بره وجوا ده اللى عجبنى فيها مش متهانه صيانتها فى التوكيل
العربيه دى سوقها كم يارجاله لو سمحتو وياريت تفيدونى فى موضوع 1300 ده وهى كورى ولا مصرى؟!! وعيوبها ايه العربيه دى عشان هدفع شقا عمرى فيها ومش هفكر ابيعها قبل 4او5 سنين
الف شكر ليكو مقدما

[Nader]

أولاً الاكسيل من أول 94 وما بعده تقفيل مصري
لكن بالنسبة للمحرك، طبعاً المحرك الـ 1500 اعفى من الـ 1300 خصوصًا لو هتشغل التكييف كتير في وسط البلد هتحس ان العربية متكتفة شوية بخلاف المحرك 1500 سي سي بيكون افضل شويه، عموماً اهم حاجة تخليك تقرر الشراء هي حالة العربية لو حالتها كويسة يبقى تتوكل على الله وتشتري الحالة الأفضل

[ahmedzizo131]

بسم الله الرحمن الرحيم
نصيحة منى لو ناوى على اكسيل تعالى على نفسك شوية فى الفلوس و اشترى 1500 كاملة منيول
و لو تقدر تذود الفلوس شويتين اشترى لانوس وان
و ذى مقال الاخ الفاضل من بعد موديل 1994 كلة مصرى

[amrelsha3er]

يعنى ياجماعه العربيه حالتها حلوه بصراحه بس هو موتورها 1300
ده يخلينى مجبهاش عشان 1300؟!! للدرجه دى فرق السحب وقوه الموتور1500 عنه؟!!:s
طيب هى سوقها كم اقل من 30؟!!ولا 30؟! ولا اكتر من 30؟!!!

[ahmedzizo131]

يعنى ياجماعه العربيه حالتها حلوه بصراحه بس هو موتورها 1300
ده يخلينى مجبهاش عشان 1300؟!! للدرجه دى فرق السحب وقوه الموتور1500 عنه؟!!:s
طيب هى سوقها كم اقل من 30؟!!ولا 30؟! ولا اكتر من 30؟!!!

بسم الله الرحمن الرحيم
المشكلة ان الموتور 1300 بيكون 4 غيار فقط ذى حالاتى
و سعرها لو كويسة من 27000 الى 30000

[amrelsha3er]

ألف شكر احمد باشا كتر خيرك يعنى مفيش 130 و140 سرعه على طريق سفر انسى الموضوع ده!!لانى على طول على طريق قاهره غردقه::ss:s:s:s?!!!1

[amrelsha3er]

سؤال فنى لو هبيع الموتور اللى فيها واسقطلها 1600 يعمل فى حدود كم؟!! وموتور انهى عربيه ينزل فيها؟!

[alaamousa]

بص يا باشا على رأي استاذنا طبعا احمد زيزو لان الراجل ده اكسلاوي قديم
الاكسيل 1500 فرق شاسع عن 1300 لانها فول اوبشن وال1300 فاضية خالص
ولكن انت ممكن تجيب 1300 وتعدل ولكن هتدفع كتيير بص ان شاء الله اذا كنت مش عايز تكييف 1300 كويسة واذا كان مش فارق معاك 4 ازاز كهربا اشتريها وركب 2 واذا كنت مش جراي اتوكل على الله في 1300

[tarekiooo]

1500 س س افضل علشان التكييف ولو مش فارق معاك التكييف توكل على اللة

[amrelsha3er]

بص يا باشا على رأي استاذنا طبعا احمد زيزو لان الراجل ده اكسلاوي قديم
الاكسيل 1500 فرق شاسع عن 1300 لانها فول اوبشن وال1300 فاضية خالص
ولكن انت ممكن تجيب 1300 وتعدل ولكن هتدفع كتيير بص ان شاء الله اذا كنت مش عايز تكييف 1300 كويسة واذا كان مش فارق معاك 4 ازاز كهربا اشتريها وركب 2 واذا كنت مش جراي اتوكل على الله في 1300

الف شكر ياباشا كتر خيرك ومشكور على ردك هى العربيه عامله 97الف كيلو وحالتها حلوه بس انا بصراحه بجرى وبسافر وكده والتكييف مهم برضو انت شايف الجو ده عامل ازاى:s:s:s:s والله الواحد محتار لان العربيه فعلا فابريكه جوا وبرا وحالتها نضيفه

[amrelsha3er]

بسم الله الرحمن الرحيم
المشكلة ان الموتور 1300 بيكون 4 غيار فقط ذى حالاتى
و سعرها لو كويسة من 27000 الى 30000

الف شكر احمد باشا كتر خيرك على مشاركتك ورايك:)
الواحد متردد بصراحه فالقرار ياما هحط القرشين فى مقدم واجيب زيرو وقسط وخلاص :s
هى تدبيسه وهيطلع عينى اقساط بس اعمل ايه مفيش حاجه كامله
العربيه فابريكه جوا وبرا استخدام حريمى عدادها 79الف ك فقط عشان كده موضوع شاددنى انما موضوع 1300 تعبنى برضو :s:s

[amrelsha3er]

97الف كيلو اسف غلطه مطبعيه

[koshary]

ياكبير خليك فى ال 1500 وياسلام لو تلاقى حاجة خليجى مثلا موديل 97 او 98 زى عربيتى تبقى زى الفل والاكسيل عربية جميله جدا ولو موتورها 1500 وحالتو حلوه والله تجرى و 170 و 180 مادام بتعمل صيانتك باستمرار ومعاك ميكانيكى محترم و تركبلها طقم جنوط محترم استيراد يبقا معاك ثبات حلو نصيحة خليك فى ال 1500 وشوف حاجة خليجى لانها بتفرق جامد كمان لما العربيه بتسخن بتلاقى صهد الموتور كلو داخل عليك فى الكابينة فى الخليجى لما تفك التابلوة فى عازل والتابلوة متقفل كويس بصراحة لما فكيت طابلوه عربيتى لقيت عوازل وحاجات كتير كدا كان متقفل احسن من المصرى بكتير وال 1500 تكيف وازاز كهربا وموتور اقوى ويجرى معاك و 5 غيار وفتح الشنطه والتانك من جوة هتلاقى شكل التابلوة اشيك لان التكيف بكر والعداد شكلو احسن لان فيه ار بى ام فرق عن ال 1300 بكتيييير .....

[amrelsha3er]

كشرى باشا تسلم على الرد الموجز المفيد ده
ربنا يديك خير عربيتك دايما ويكفيك شرها ويوقعنى فى واحده خليجى نضيييييييييفه اهم حاجه عشان متعبش مع الميكانيكيه
شكر باشا على ردك ووقتك:)

[koshary]

كشرى باشا تسلم على الرد الموجز المفيد ده
ربنا يديك خير عربيتك دايما ويكفيك شرها ويوقعنى فى واحده خليجى نضيييييييييفه اهم حاجه عشان متعبش مع الميكانيكيه
شكر باشا على ردك ووقتك:)

ياباشا احنا كلنا هنا اصدقاء وبنساعد بعض بس نصيحة منى متتسرعش فى الشراؤ وشوف عربية حالتها حلوة