عندى مشكلة فى التكيف .... ارجو المساعدة

[koshary]

دلوقتى عندى مشكلة فى التكيف اول ماجيبت العربيه كان شغال كويس جداا قعد 3 شهور تلاجه

مبشغلهوش اكتر من 2 بعدين مبقاش يسقع رحت لواحد بتاع تكيفات غيرلى الكويل واخد 900 جنية وبعدين

بقا يسقع حلو وبعد شهرين باظ تانى وروحتلو قالى عاوز شحن واديتو 160 جنية شحن وبعدين امبارح نزلت

خارج بالعربية قولت اتمشى شوية بقالى كتير مخرجتش بشغلو لقيتو مش بيسقع والهوا بقا طالع قليل جدا

انا مكنتش شغلتو من 10 ايام ولا حاجة مش عارف المشكلة فين وتنصحونى اروح لمين اصلح التكيف عندو

بس عاوز واحد يراعى ربنا ويعملهولى صح ....

[egyseadragon]

شكل التكييف عندك فيه تسريب .....ضروري تكشف عليه قبل الشحن....ما تشحنش وخلاص عشان الشحنة حتروح على الفاضي....الموضوع سهل اي حد بتاع تكييفات ممكن يعملو بس لازم تشوف التسريب بنفسك...ما تثقش فيهم اوي

[Kareem Fawzy]

كدة تسرييب يلا جلال
مهما شحنت فيه مفيش اسبوع وهيفضى تانى
روح لاى حد مش محتاجة صنايعى شاطر
بس تشوف التسريب بعينك
وكمان تشيك على المواسير كلها
وبعد كدة اشحن يا معلم

[koshary]

شكل التكييف عندك فيه تسريب .....ضروري تكشف عليه قبل الشحن....ما تشحنش وخلاص عشان الشحنة حتروح على الفاضي....الموضوع سهل اي حد بتاع تكييفات ممكن يعملو بس لازم تشوف التسريب بنفسك...ما تثقش فيهم اوي

ماهو المشكلة انى خايف يدحك عليا فى حاجة انا مش فاهم فيها زى الاول دفعت فى الكويل 900 جنية وهو اصلا ب 350 مش عارف دفعت 900 جنية على ايه

كدة تسرييب يلا جلال
مهما شحنت فيه مفيش اسبوع وهيفضى تانى
روح لاى حد مش محتاجة صنايعى شاطر
بس تشوف التسريب بعينك
وكمان تشيك على المواسير كلها
وبعد كدة اشحن يا معلم

فى صنايعى سمسم منسق هوندا قالى حلو اوى فى الحرفين بفكر اخلص امتحانات واروحلو يشوف الدنيا فيها ايه بس عاوز اعرف معرفش اكشف على التسريب ده بنفسى يعنى اعرف منين ان الحته دى فيها تسريب

[ahmed_fouad]

في واحد في شارع النيل الأبيض متفرع من أحمد عرابي المهندسين (عند منطقة اسمها الصحفيين) انا عملت التكييف عنده. كشف الأول عليه وكبسه هوا قبل ما يشحن وطلعت السربنتينة مخرومة. رجت لحمتها الأول ورجعتله شحن والتكييف ماشي معايا كويس.
للأسف معنديش فكرة ايه نوع الفريوم اللي اتحط (معرفش ان فيه منه أنواع) ومش فاكر حط اد ايه (متهيألي 4 ك). هو عموما بيبقى عنده جهاز كمبيوتر بيختار نوع العربية وهي بتحدد الكمية المطلوبة.
متهيألي الشحن كلفني 170 واللحام 80 او 70 مش فاكر بالظبط.
الملحوظة الوحيدة ان الراجل ده على طول زحمة جدا فعشان كده قلت ده اكيد كويس

م/أحمد فؤاد

---------------
كلنا خلف د. مرسي حتى لا تعود مصر للحزب الواطي

[verna2008auto]

خولوص الكلام ....


روح لمركز اسمة ( سكارو ) في الحرفيين ...

ده الاحداثي بتاعة علي نوكيا جي بي اس
30.09.02.33 N
31.24.07.48 E

عنوانة معروف جدا ...

انتا عندك تسريب .....
نوع الفريون اللي ها يحطة R134a صديق البيئة .. بضمان (( سنة ))
التكلفة 180 جنية للشحنة الكاملة
عن تجربة .. ده احسن مركز للموضوع ده

با قولك اية

[khaled_ali]

كدة اكيد فية تسريب راجع دورة التكيف عندك زاكتشف مكان التسريب

[koshary]

شكرا يارجالة على اماكن المراكز وانا هطلع على المركز اللى فى الحرفيين ده تقريبا اللى سمسم كان قايلى علية هشوفو هيقلى ايه وهروح بردو للراجل اللى فى احمد عرابى يبصلى على العربيه ويقولى عاوزة ايه هروح لكام واحد علشان مش عاوز يدحك عليا لانى دفعت فلوس كتير وانا مش حمل مصاريف تانى ....

بس سؤال بقا معرفش انا اكتشف التسريب ده بنفسى يعنى قولولى اعمل ايه ...؟؟؟؟؟؟؟

[mahmoud_afifi]

زي الرجاله ما قالتلك يا كشري باشا.
بس انا عندي سؤال اضيفه, ايه سبب وجود التسريب ؟

[Kareem Fawzy]

هو لما بيكبسه يا كشرى بتشوف حاجة بتبقلل كدة
زى لما بتكشف على العجلة وهى مخرومة

[artist]

اصلا التكييف في الجو اللذيذ ده مش بيسقع اوي :ٍ

[koshary]

اصلا التكييف في الجو اللذيذ ده مش بيسقع اوي :ٍ

ازاى ده فى عز الصيف ودرجة الحرارة 40 وفى عز النهار مكنتش بشغلو اكتر من 2 علشان كان تلاجة وكمان لما كنت فى مرسى مطروح بردو اعلى حاجة كنت بشغلها 2 وانت عارف جو مرسى مطروح

[koshary]

هو لما بيكبسه يا كشرى بتشوف حاجة بتبقلل كدة
زى لما بتكشف على العجلة وهى مخرومة

اها انا هخليه يكبسو هوا الاول علشان الفريون ميطيرش زى ما ادحك عليا اول مره شحن وقالى خلاص ومكشفش ان كان فيه تسريب ولا لا

[ibnmoaz]

شوف يا سيدي الفاضل واضح من السيناريو اللي حضرتك حكيتو ان التسريب في منطقه مستخبيه لان مفيش اي حد بتاع تكيف هترحلو ومش هيكشف علي الدوره بتاعت الخراطيم بالمياه والصابون . التسريب كده من اللواكير اللي بتتربط في الكويل ودي بتبقي تحت التابلوه مش باينه عشان انت قلت انك مغير الكويل. تروح عند اي حد بتاع تكيف من الشباب اللي قالولك عليه وتقولو علي موضوع اللاكور ده وموضوع الكويل اليي انت غيرته ولازم يفكه ويركبه ويتاكد منه قدامك ومتسمعش كلامه لو قالك غير كده (لان فك الكويل وتركيبه غلبه بصراحه) بس لابد من كده, معلومه اخري لسيادتك لو فك الكويل ماتخلهوش يعمل اي حاجه في الكويل نفسه من جوه مجرد يفك اللاكور ويربطه تاني كويس وبس .في جوه الكويل جزء كده مش فاكر اسمه بصراحه بيوزع الفريون داخل الكويل او التلاجه زي ما بيسموه دا بيبقي مزبوط زبطه المصنع علي حسب حجم الكويل نفسه. وبالتوفيق ولو سيادتك قريب من الهرم قولي ادلك علي واحد محترم في المريوطيه

[verna2008auto]

شوف يا سيدي الفاضل واضح من السيناريو اللي حضرتك حكيتو ان التسريب في منطقه مستخبيه لان مفيش اي حد بتاع تكيف هترحلو ومش هيكشف علي الدوره بتاعت الخراطيم بالمياه والصابون . التسريب كده من اللواكير اللي بتتربط في الكويل ودي بتبقي تحت التابلوه مش باينه عشان انت قلت انك مغير الكويل. تروح عند اي حد بتاع تكيف من الشباب اللي قالولك عليه وتقولو علي موضوع اللاكور ده وموضوع الكويل اليي انت غيرته ولازم يفكه ويركبه ويتاكد منه قدامك ومتسمعش كلامه لو قالك غير كده (لان فك الكويل وتركيبه غلبه بصراحه) بس لابد من كده, معلومه اخري لسيادتك لو فك الكويل ماتخلهوش يعمل اي حاجه في الكويل نفسه من جوه مجرد يفك اللاكور ويربطه تاني كويس وبس .في جوه الكويل جزء كده مش فاكر اسمه بصراحه بيوزع الفريون داخل الكويل او التلاجه زي ما بيسموه دا بيبقي مزبوط زبطه المصنع علي حسب حجم الكويل نفسه. وبالتوفيق ولو سيادتك قريب من الهرم قولي ادلك علي واحد محترم في المريوطيه

خولوص الكلام ...

كلام تمام التمام .. دعني احييك