حاجه هاتجنني بجد

[shooda2020]

الموضوع حاصل بقاله مثلا شهر
لما باجي اطلع بالعربيه و بالذات لما اكون كاسر الدركسيون حاجه بسيطه
اسمع وانا طالع وبالاخص لو ماظبطش رجلي بين البنزين و الدبرياج بسمع صوت زاي طقطقه جايه من تحت الطاره مش عارف ايه سببه بس لو ظبطت رجلي كويس اوووي او بالاصح دوست بنزين زياده شويه مش بسمع الصوت
الصوت برضه بيحصل لما بكون راجع بضهري و برضه مش ظابط رجلي لازم اكون ظابطها خالص
حد يعرف يقولي ايه المشكله دي اصل بفكر اروح التوكيل و ممكن هناك يضحكوا عليا للعلم العربيه موديل 2009 و ماعملتش 15 الف كيلو
ولسه كنت عامل صيانه ال 15 الف

[artist]

ممكن تشوف اي مركز قريب منك عادي مش لازم ابو رواش يعني! يبصلك عليها بس كده عادي!

[AhMeD MeTwAlY]

الي اعرفه طقطه مع كسر الدركسيون في اي اتجاه بيكون كبالن

[shooda2020]

يعني الكوبلن باظ كدا؟؟

[shooda2020]

ايه اعراض تلف الكوبلن
؟؟

[AhMeD MeTwAlY]

الكوبلن لما تيجي تكسر الدركسيون بتسمع صوت طقطقه بشرطه انك تكون دايس بنزين ولو شلت رجلك من علي البنزين وانت ماشي وكسرت الدركسيون بتختفي الطقطقه

[truss]

صوت الطقطقة او الكركرة فى الطلعة و اللى ممكن تختفى مع الضغط على البنزين زيادة , احتمال يكون عيب فى اسطوانة الدبرياج .

[shooda2020]

انا فعلا حاسس اسطوانه دبرياج طب ايه سبب انها تبوظ وايه طرق علاجها ؟؟
وانا لسه مش مكمل 15 الف كيلو

[mbx4e]

رجلش الدبرياج وازبط المشوار بتاعه صح ولو انت دبرياج هيدرولك غير الزيت وحط زيت صح مزبوط او ممكن تكتفي بتزويد الزيت فقط
اما اعراض تلف الكبالن فهو صوت طرقعة ( كليك ) مع اللف او الدوران على سرعات متفاوته مع كسر الطاره يمين او شمال على الاخر (راس كوبلن خارجي )
اما لو في رجه او نتشه على السرعه وعلى الطوالي في العدل ومن وضع الفرامل (فدا كوبلن داخلي او الصلايب بتاعته)

[shooda2020]

ارجلش الدبرياج ؟؟ بمعني اوطي مثلا دواسه الدبرياج انا وطتها فعلا من يومين و كانت عاليه و الميكانيكي قالي انت كدا كنت هاتضيع اسطوانه الدبريج بس قالي انا وطتها وكدا تمام
بس حضرتك الزيت ايه علاقته انا لسه مغيره مافيش الف كيلو
تاني حاجه لو ماظبطش رجلي برضه بين الدبرياج و البنزين بسمع صوت مش طقه زاي ماتقول خبطه كدا جايه من الكبوت نفسي افهم ايه دي ؟؟

[S O P H O S]

متابع ...

[mbx4e]

خد هوا كويس من دورة الزيت بتاعت الدبرياج وزود الزيت يبقى مابين العلامتين في النص
زيت البدال ب wd-40 ورجلش البدال او دواسة الدبرياج
ازبط مشوار دواسةالدبرياج مع فصل وتعشيق الدبرياج بخيث ان مشوار بدال الدبرياج يبقى بيفصل ويعشق في النص بالزبط

[ahmedkhairy]

متابع

[بتاع العفشة]

شكلها كده الطقطه اللي بيتكلم عنها كركرة الموتور
العربيه بتكون علي غيار اعلي من اللي محتجاه