عربية محيرانى بس إنتم الحكم!!!!

[elayat]

بسم الله الرحمن الرحيم
والله يا جماعة أنا مش لاقى ناس أحلى منكم
إنتم طبعاً عارفين الحادثة إللى لسه طاله منها أنا ووالى بالهيونداى إكسيل
بس طبعاً دى فترة وعدت
ودلوقتى معروض عليا عربية هيونداى أكسنت1500 بس حالتها مش تمام ومحتاجة شوية حجات مش عارف سعرها بس ممكن تساعدونى فيها
الحجات هيا
**طقم عدادات
**وكاوتش بالجنط بتاعه (واحد بس)
**والموتور لقيت حوالين البوجيهات زيت (مش عارف ليه كده )الراجل صاحب العربية قاللى عاوزة تتغير البوجيهات بس أنا بقول عمره
وفى حاجه الموتور صوته عالى جداً قاللى علشان بيحط بنزين80 وهبقى أجيب لكم كام صورة للموتور وللعربيه ككل
**ومحتاجه سروجى فرش داخلى
**سنتر لوك وكوالين جديده وجهاز إنذار
**وطبعاً هرشها كلها وكام سمكرة بسيطة جداً
**الكبالن وتظبيط العفشة
وأنا بحب لما أحيب عربية أغير السيور والزيوت والفلاتر والذى منه
والعربية مخبوطة من قدام يعنى فى وشها بس متصلحه ومتسمكرة والراجل مشتريها بالخبطة دى يعنى مش منه.....
ده إللى إفتكرته ومش فاكر الباقى
يا جماعة أنا عاوز أعرف أسعار الحجات دى كام بالظبط وهتكلفنى كام تقريباً علشان تبقى عربيه زى باقى العربيات
هوه طالب فى العربيه32000 بس ممكن تنزل شوية
وطبعاً صلاة الإستخارة هى الفيصل
والله المستعان
وشكراً ليكم يا أجمل مكان بقضى فيه وقتى ويا أجمل صحاب........

[elayat]

هو أنا كتبت الموضوع فى مكان غلط ولا إيه
فينكم يا رجالة نايل موتورز
شكلى بقى وحش أوى
أكتر من 30مشاهدة ولا رد واحد
طاب حتى إرموا السلام

[amr_elrashidy]

و الله لو انت معاك تصرف الصرف ده كله انا رايى تجيب حاجه واقفة على حيلها احسن حتعمل من 40-43 و حتكون حالتها كويسة اوى و بعدين العربيات دى كتيرة اوى ان شاء الله حتلاقى حالة منها بسرعة........موضوع الزيت ده يارتي تكبس بنزين جامد اوى و شوف لو طلعت دخنة بيضا او زرقا يبقى الموتور محتاج عمرة او نص عالاقل و خلى بالك ممكن يكون حاططلها زيت الريسورس اللى بيقلل الدخنة يستحسن تروح تكبس موتور فى بنزينة

[THEMAYOR]

انا رايى انك متستعجليش لا نى عربية بالشكل ده هتتعبك جدا و اعتقد انك معندكش و قت و لا فلوس كافيه تصرف بيها على عربية تعبانة طول العمر و عمرها ما هتجيب تمنها لان التقسيط و العربيات الزيرو الضغيرة واكله الجو كله
فكر لو حبيت تبيع الى هيشترى هيفضل يركب عربية فيها الكم ده من الاصلاحات و لا هيدور على حاجة تريحه
و لعلمك ده نصيحة اخ لسه مرجع عربية مستعملة مقعدتش معايا غير 4 ايام و خسرت فيها 3500 جنية علشان خسارة قريبة احسن من خسارة كبيرة بعيدة و ماكنش عندى الوقت للذهاب باستمرار للميكانيكى
و على راى المثل الانجليزى الشهير " اذا اردت شراء سيارة مستعملة اذا انت غنى بمل فيه الكفاية للصرف عليها"
اسف جدا لللاطالة عليك يس علشان لسه ملسوع من اسبوع فى موضوع مماثل فققررت انصحك و فكر فى القسط او العربيات الصغيرة " التو - سبارك "

[elayat]

شكراً يا رجالة على ردكم
إنتو أجمل أصدقاء بجد
بس أنا كان نفسى أعرف أسعار الحجات إللى فوق دى كام تقريب
بس إنتو كلامكم صح 100%
والله المستعان

[NineY]

Ana ra2yey balash a7san le2enaha fe3lan hatet3ebak gamed,ana kan 3andy accent model 2001 wo lesa baye3ha 3ala 45 bas makanetsh mashya keter wo el eshtaraha mesh haye3mel feha ay 7aga le kam sana odam lo2ta ya3ne:D,law kont a3raf enak 3ayez teshtery 3arabya makanetsh teghla 3alek walahy
shoflak 7aga tekon nedefa keda wo matesta3gelsh le2en el 7agat deh mahma tesala7 feha tebos tela2y 7agat tany tel3etlak wo makontesh wakhed balak menha men el awel
wo rabena ma3ak insha2allah tela2y 7aga kewayesa wo tenasbak wo matet3ebaksh

[Ghamrawy]

شرا العبد ولا تربيته
من رائي سوف حاجة جاهزة و بلاش دوشة نافوخ

[mohamed ibiza]

السعر قليل اوي العربية دي تعملها 43 الف مش 32 الف و كمان تنزل شوية قليل و موضوع زيت علي البوجيهات ممكن تكون عايزة شنبر طالما بتعرق زيت علي البوجيهات انا رأيي سيبك منها و دور علي حالة انضف

[elayat]

Ana ra2yey balash a7san le2enaha fe3lan hatet3ebak gamed,ana kan 3andy accent model 2001 wo lesa baye3ha 3ala 45 bas makanetsh mashya keter wo el eshtaraha mesh haye3mel feha ay 7aga le kam sana odam lo2ta ya3ne:D,law kont a3raf enak 3ayez teshtery 3arabya makanetsh teghla 3alek walahy
shoflak 7aga tekon nedefa keda wo matesta3gelsh le2en el 7agat deh mahma tesala7 feha tebos tela2y 7agat tany tel3etlak wo makontesh wakhed balak menha men el awel
wo rabena ma3ak insha2allah tela2y 7aga kewayesa wo tenasbak wo matet3ebaksh

ألف شكر ياباشا على ذوقك وعلى كلامك الحلو
وأنا كمان لو كنت أعرف إنك بتبيع عربيتك مكنتش هاتفلت منى
شكرا ياباشا على ردك

[elayat]

شرا العبد ولا تربيته
من رائي سوف حاجة جاهزة و بلاش دوشة نافوخ

كلامك مظبوط مفيش كلام بس أنا أغرانى السعر

[elayat]

السعر قليل اوي العربية دي تعملها 43 الف مش 32 الف و كمان تنزل شوية قليل و موضوع زيت علي البوجيهات ممكن تكون عايزة شنبر طالما بتعرق زيت علي البوجيهات انا رأيي سيبك منها و دور علي حالة انضف

محمد إبيزا رد عليا أنا مش مسدأ عينيا


والله أنا العربيه دى شغلانى جداً
يعنى ممكن تخلص على 30000 وهاتصرف عليها3أو4 ألاف جنيه وتبقى عربيه
يعنى قول بالميت35000
أنا إشتريت الإكسيل زمان ب35000
انا محتار جداً