الاكصدام

[john55]

عربيتي اكسنت 2012 نبيتي الاكصدام الامامي فيه خرابيش بسيطه عامله لون اسود بلطول هل لها علاج بلبولش ولا لازم ارشها ولو عملتها في التوكيل هتكلفني كتير وشكرا

[MOK3336]

فيه قلم ب 100 جنيه ممكن تعملها بيه
لكن مش مستهاله توكيل

[Sehsss]

فيه قلم ب 100 جنيه ممكن تعملها بيه
لكن مش مستهاله توكيل

بلاش القلم ده علشان نصب، وفي موضوع اتعمل عنه في المنتدى واللي اشتراه قال ده نصب ونتيجته سيئة، وأصلا القلم ده كان بيتباع في التوفيقية من فترة بـ30 جنيها (هو هو الأمريكي)، الأفضل تضرب (50 جرام) من لون العربية وبقطنة تتعمل

[mahmoud_afifi]

عربيتي اكسنت 2012 نبيتي الاكصدام الامامي فيه خرابيش بسيطه عامله لون اسود بلطول هل لها علاج بلبولش ولا لازم ارشها ولو عملتها في التوكيل هتكلفني كتير وشكرا

اللون الاسود ده لون الفايبر بتاع الاكصدام يعني الاقلام والحاجات دي مش هتظبط معاه.
سيبها تاخد العين وبعدين بعد فتره لو العربيه متأمن عليها ابقى رشها واستفيد من التأمين.

[aboo_aead]

ترش من جديد مفيش غير كده

[john55]

ترش من جديد مفيش غير كده

الرش مكان الخدش فقط ولا لازم الاكصدام كله

[john55]

اللون الاسود ده لون الفايبر بتاع الاكصدام يعني الاقلام والحاجات دي مش هتظبط معاه.
سيبها تاخد العين وبعدين بعد فتره لو العربيه متأمن عليها ابقى رشها واستفيد من التأمين.

لو هرشها يبقي مكان الخربوش فقط ولا لازم ارش كل الاكصدام

[Amrgamal1]

اي كار كير نضيف يظبطلك الحوار دا .. كار كير يكون فيه برنامج ازاله الخدوش

[mahmoud_afifi]

لو هرشها يبقي مكان الخربوش فقط ولا لازم ارش كل الاكصدام

الي اعرفه ان الاكصدام كله بيترش

[mahmoud_afifi]

اي كار كير نضيف يظبطلك الحوار دا .. كار كير يكون فيه برنامج ازاله الخدوش

الخدوش لحد عمق معين ممكن زي مانت بتقول انما لو واصل للصاج او في الحاله دي اللون طالع و واصل للفايبر يبقى مش هينفع معاه.

[Ashraf_Ibrahim]

رأيي سيبها شويتين تلاتة وبعدين ابقا اعملها او سيبها خالص مش هتأثر في حاجة يا عزيزي
دي جودة وختم ان عربيتك بتمشي في الشوارع المصرية :d

[dede_dodo88]

رأيي سيبها شويتين تلاتة وبعدين ابقا اعملها او سيبها خالص مش هتأثر في حاجة يا عزيزي
دي جودة وختم ان عربيتك بتمشي في الشوارع المصرية :d

هههه بالظبط كده..علامة الجودة..
أنا عندي كل الخرابيش و هي العربية مركونة أصلاً.. كل ما أجي أنزل الاقي خربوش في حتة شكل..

[Kareem Fawzy]

نصيحة ليك سيبها
الحاجات دى بتشيل العين وعن تجربة

[tarek_2005]

في قلم بيتباع ب 10جم بلون السيارة وفيه منه جميع الدرجات من شركة هوندا انا كنت جايب منه 5 وكل خربوش كنت اعمله بيه وبعد ما يجف اديها بولش وبعدين زهقت من كتر الخرابيش ههههههههههه

[S O P H O S]

بلاش القلم ده