اريال الفيرنا

[ezzeldin1234]

اصدقائى الفيرناوية انهارده بعد ما ركنت العربيه بالتحديد من حوالى ساعه ببص لاقيت الاريال منزلش للاخر مش عارف ليه حاولت اضغط عليه لتحت بايدى منزلش برده حاولت افتح واقفل الكاسيت يمكن الاريال يقفل للاخر برده لا المهم حاولت اجيب الاريال يمين وشمال بايديه لحدما اتقطم وبان الوير اللى تحتية اللى بيرفعه وينزله
طب دلوقت العربية لسه فى الضمان يا ترى اروحلهم يغيروه ولا ايه
طب لو مرضيوش يغيروه يا ترى تركيبه فى التوكيل بكام
طب لو هعمله برده التوكيل يا ترى فى انواع منه كويسه فى السوق واركبها فين وبكام
معلش تقلت عليكم اصل الفيرنا دى عربيه عزيزه عليه جدا ولما بيحصلها حاجه كان عيل من عيالى عيان
وشكرا ليكم جميعا

[Ashraf_Ibrahim]

من الواضح ان الاريال كهربا
الاريال الكهربا هتجيب العقل بتاعته من عند اي حد بتاع اكسسوارات ب 15 جنيه تقريبا وتركبه
ولا توكيل ولا كلام فاضي دول حرامية واساسا الضمان مبيغطيش عمليات الكسر من العميل !

[Kareem Fawzy]

تشتريه من برا لان دة سوء استخدام مستهلاك
والضمان مبيغطيهوش

[ezzeldin1234]

من الواضح ان الاريال كهربا
الاريال الكهربا هتجيب العقل بتاعته من عند اي حد بتاع اكسسوارات ب 15 جنيه تقريبا وتركبه
ولا توكيل ولا كلام فاضي دول حرامية واساسا الضمان مبيغطيش عمليات الكسر من العميل !

شكرا با باشا بس من فضلك محتاج توضيح شويه هجيب العقل واركبها ازاى او بمعنى اخر الوير اللى كان جوا العقل القديمة ازاى بيتربط فى الجديده محتاج افهم

[Ashraf_Ibrahim]

في الواقع انا مركبتش اريال كهربا قبل كدة بس اعرف ان العقل بتاعته بتتغير لوحدها وسعرها زي ما قلتلك
انا ركبت الاريال العادي في عربيتي
لو تحب اقابلك ونجرب مفيش مشكلة :d
او روح لكهربائي يركبهولك واديله 10 جنيه

[ezzeldin1234]

في الواقع انا مركبتش اريال كهربا قبل كدة بس اعرف ان العقل بتاعته بتتغير لوحدها وسعرها زي ما قلتلك
انا ركبت الاريال العادي في عربيتي
لو تحب اقابلك ونجرب مفيش مشكلة :d
او روح لكهربائي يركبهولك واديله 10 جنيه

الف شكر يا باشا

[ezzeldin1234]

طب كان لى سؤال اخير من فضلك هل فى منه انواع بتكون اقصر شويه لانه طويل جدا

[tarek_2005]

موضوع تغيير العقل مفيد ولكن يجب البحث عن العيب الاصلي وهو عدم نزول الاريال لاخر المسافة ودا اما ترس فوت او السير (( الشريط الداخلي للعقل )) اتاكل منه سنه او الليمت سويتش بداخل الموتور عايز يتظبط
شوف العيب فين علشان لو ترس الموتور باظ متكلفش نفسك ثمن عقل وميشتغلش وهتجيب واحد جديد ب 150 جم اصلي من برة وتركبه
اما لو اي عيب اخر غير ترس الموتور هات العقل واستبدل القديمة الي عندك

[ezzeldin1234]

موضوع تغيير العقل مفيد ولكن يجب البحث عن العيب الاصلي وهو عدم نزول الاريال لاخر المسافة ودا اما ترس فوت او السير (( الشريط الداخلي للعقل )) اتاكل منه سنه او الليمت سويتش بداخل الموتور عايز يتظبط
شوف العيب فين علشان لو ترس الموتور باظ متكلفش نفسك ثمن عقل وميشتغلش وهتجيب واحد جديد ب 150 جم اصلي من برة وتركبه
اما لو اي عيب اخر غير ترس الموتور هات العقل واستبدل القديمة الي عندك

شكرا لاهتمامك بس اعتقد ان الموتور سليم والوير الداخلى سليم لان العربيه لسه جديده

[koshary]

كان عامل عندى كدا اول ما اشتريت العربيه بعدين سيبتو بعديها بشوية بقا يطلع ومش بينزل اشتريت واحد جديد ب 135 جنية ومحدش عرف يصلحو

[ezzeldin1234]

للامانه العلمية حبيت اوضح تجربتى عشان كله يستفيد
امبار دورت فى محلات كتير عن عوقل الاريال ملقتش غير فى محل واحد اسمه المنير فى اخر فيصل ادام مكرونه الانسجام رحتله فالى لسه خلصان عنده
فقالى انه بيتباع عن محل اسمه عصمت فى التوفيقية رحت جبته من هناك كان الحوار كالاتى
انا - السلام عليكم
البائع - وعليكم السلام
انا - عندك هوقل الاريال الكهرباء بتاع الفيرنا
البائع - انهى نوع فى ممسوح وفى مشرشر
انا - واعرفه ازاى
البائع - تعالى ورينى
وخدنه للعربيه فقالى ان الوير اللى فى العوقل من جوه بيبقى مسح او مشرشر وهو عندى مسح
انا - طب بكام المسح
البائع - ب 45 ج الكورى الاصلى
انا - طب لو سمحت هاتلى واحد
جابلى واحد لاقيته فعلا خامته كويسه ومكتوب عليه made in KOREA
المهم خدته ورحت لكهربائى فى الزمالك جنب الششغل عندى قلت ارميله العربيه وارجع شغلى على ما يخلص اكون خلصت شغلى عملى فيها دكتور وقالى لا الاريال بتاعى مش بيتيغيره عوقل ده بيتيغر له الموتور كله طبعا حسين انه بيتفزلك وهيودينى فى داهيه يعنى العقل ب 45 ج والموتور الصينى ب 140 عايزنى اجيبه وارمى الموتور الكورى الاصلى بتاعها وهو سليم وجديد
المهم
فكرت
سيبته ومشيت
وانا مروح قلت اعدى على المنير اللى فى فيصل اللى وجهنى اصلا لمحل عصمت
قلتله كمل جميلك ودلنى على وحد كهربائى شاطر بيفهم فى تركيبه
وصفلى كهربائى فى الشارع اللى وراه بالظبط اسمه الاسطه وجدى
رحتله لاقيته فاهم فيه كويس جدا وغيرهولى فى عشر دقايق وبالمناسبه لما طلع الموتور بتاع الاريال طبعا لاقاه جديد لانج لان العربيه لسه موديل 2011 وغير العوقل واشتغلت وبقت تمام
حبيت بس اطرح عليكم تجربتى للى عايز يستفيد منها وخصوصا اللى ساكنين فى فيصل والهرم عشان هيبقوا جنب الكهربائى وجنب محل قطع الغيار اللى هو المنير

واخيرا احب اؤكدلكم ان فى فتايين كتير زى الافندى اللى قالى الموتور هيترمى خلاص فخلى بالكم

[Ashraf_Ibrahim]

مبروك يا باشا
بس هو غلي اوي كدة !
انا فاكر انه كان ب 15 جنيه باين وصل 45 !
دي بقت هيصة الحقيقة :d

[mazeen]

هو أصلاً عصمت ده حاجته غاليه بصس المهم انك حييت الاريال

[boudi80]

شكرا ياباشا علي المعلومات دي انا النهارده برضه حصلي نفس المشكله و اريال الفيرنا مبينزلش للاخر بصرحه محاولتش اعمل حاجه اكتر من اني ضغطت عليه وطفيت وولعت الكاسيت كذا مره من غير فايده لسه زي ما هو ، مش عارف اعمل ايه عشان اتاكد من المشكله بالظبط وبعدين مش ممكن يكون السبب ان العقل معلقه او محشوره مثلا

[boudi80]

انا لسه حالا مجرب حاجه و الحمد الله جابت نتيجه ، مسحت الاريال من بره بحته قماشه مبلوله كحول و بعدين اديته دهنه (فازلين ) يعني قلت اي lubricant كان متوافر ، و الاريال نزل كله حلاوه