اية رايكو ايه فيهم الصح والافضل

[samirsaid1]

هو الصح ان المساعدين الامامى تبقى انعم ولا الخلفى عشان الثبات

اللى اسمع عنة ان كل مانشف الخلفى الثبات بيبقى افضل بس هل لو حطيت الامامى

ناشف كمان هل هايبقى احسن

فتنصحونى بايه

الأربع مساعدين مونرو غاز على زيت

ولا الامامى زيت والخلفى زيت على غاز

ولا ابه رأيكو

وشكرا

[verna2008auto]

طقم مساعدين منروة ( هواء وزيت ) 4
2 امامي + 2 خلفي .. وما تخلطش ...
اوك

[exact]

خليها تنشف كلها والمطبات هتتولى امر تنعيمها لوحدها بعد كده

[samirsaid1]

خليها تنشف كلها والمطبات هتتولى امر تنعيمها لوحدها بعد كده

شكرا لحضرتك على ردك انا بحب اجرى عموما
لكن لما بيكون فية مطبات بمشى زى السلحفاء

بس انا فعلا بحب اعمل احسن حاجة كفاءة

[S O P H O S]

خليها تنشف كلها والمطبات هتتولى امر تنعيمها لوحدها بعد كده

+11111111111111
تمام

[sabregas2010]

[QUOTE=verna2008auto;3874342446]طقم مساعدين منروة ( هواء وزيت ) 4
2 امامي + 2 خلفي .. وما تخلطش
كلام سليم 100 * 100

[samirsaid1]

ياجماعة انا غلبت ومش لاقى مساعدين مونرو ريفلكس للنيو اكسنت

قولولى اعمل ايه

[verna2008auto]

ياجماعة انا غلبت ومش لاقى مساعدين مونرو ريفلكس للنيو اكسنت

قولولى اعمل ايه

إضرب طقم ( ماندو ) هيونداي كوري زي اللي خارجين من عندك 4 هواء وزيت ..
الدونيا ربيع.. ممكن يعملو معاك 1600

[samirsaid1]

إضرب طقم ( ماندو ) هيونداي كوري زي اللي خارجين من عندك 4 هواء وزيت ..
الدونيا ربيع.. ممكن يعملو معاك 1600

طيب الماندو دة نوع كويس ولا ايه

[verna2008auto]

طيب الماندو دة نوع كويس ولا ايه

دة الماركة ( اللي غبور ) بينزلها مع عربياتنا
وبعدين كويس جدا ( يعني ) طبعا فية احسن منه كتيررر ولكن ده مناسب لينا ( سعر وعمر )
وللطرق المصرية .. واعطالة قليلة

[samirsaid1]

دة الماركة ( اللي غبور ) بينزلها مع عربياتنا
وبعدين كويس جدا ( يعني ) طبعا فية احسن منه كتيررر ولكن ده مناسب لينا ( سعر وعمر )
وللطرق المصرية .. واعطالة قليلة

شكرا على اهتمامك وهانزل ان شاء الله يوم السبت التوفيقية

وهاحدد النوع

[samirsaid1]

اولا اشكركم جميعا على ردودكم وعلى مساعدتكم

الحمد لله انا اشتريت جوز مساعدين مونرو أمامى من غبور

بس كانو اخر جوز عندهم

بس للاسف مافيش عندهم خلفى لان مونرو مانزلتش للنيو اكسنت مساعدين خلفى

ونفسى اشترى بقى المساعدين الخلفى ناشفين عشان الثبات

بس مش عارف اية اللى ممكن يتوافق معاها لانى مش عاوز اجيب زى اللى راكبين فيها اللى هما الماندو فلو حد من الاخوة عندة فكرة ان فية نوع يناسبها حتى لو خاصين لعربيات تانية


وشكرا

[mada_76]

مبروك يا باشا على المساعدين المونرو .
انا معايا جيتز وعايز اجيب برضه مونرو بس كنت عايز اعرف ياترى هالاقي للجيتز ولا ايه ؟
وممكن اعرف جبت الجوز الامامي بكام من غبور ؟

[samirsaid1]

مبروك يا باشا على المساعدين المونرو .
انا معايا جيتز وعايز اجيب برضه مونرو بس كنت عايز اعرف ياترى هالاقي للجيتز ولا ايه ؟
وممكن اعرف جبت الجوز الامامي بكام من غبور ؟

كان سعرهم 800 جنية وعملى خصم بقى 776 جنية معرفش دة غالى ولا اية

بس مش لاقى الخلفى المونرو وبدور على بديل مش لاقى

دة تليفون توكيل هيونداى

فرع عماد الدين 25748025/26/27 و 01066604647

فرع الجيزة بشارع مراد 35735538

لان هما الفرعين دول فى محلات هيونداى الموجود عندهم المونرو

ممكن تكلمهم

[samirsaid1]

انا أخر مازهقت اشتريت المساعدين الماندو الخلفى

بصراحة انا اول ماشوفتوا بصراحة مساعد تقريبا زبالة

المساعد بيطلع وينزل بكل سهولة يعنى تحس انهم خفاف جدا معرفش الاحساس دة عشان انا مركب مونرو أمامى ولا هما فعلا مش حلوين

واللحام الموجود فية من تحت عند القاعدة بتاعتة يمكن الصينى انظف منة

وبصراحة مقتنعتش بية وتانى يوم رجعتة للمحل تانى وثمنة كان 720 جنية

تفتكرو لوحبيت اشتريهم من على النت وادفع بالفيزا ويوصلو بالبريد

تفتكرو دة هايبقى فية فرق سعر كبير وهل هياخدوا وقت لحد ما يوصلو ليا