جبت فيرنا يا رجالة

[mada6680]

بعد بحث طويل جبت فيرنا زيرو عايز نصايح عند الاستلام وايه الحاجات الى اخلى بالى منها بس الكاسيت بتعها تعبان اوى كان نفسى اركب دي فى دى بس للاسف الطبلوه مفيهوش غير كامة واحدة بس

[monamize4]

الف مبروك يا غالى و الفيرنا هى احسن حل لمواجهة مشكلة البنزين....الصراحة هى احسن عربية ف المدينة

[Dr'AhmZZong]

الف مبروك يا غالى و الفيرنا هى احسن حل لمواجهة مشكلة البنزين....الصراحة هى احسن عربية ف المدينة

بالعكس مش موفرة قوي برده

[m7mda7md]

ألف مبروك يا باشا....بالنسبه للدي في دي لو حضرتك غاوي ،في تعديل بيتعمل في الكونسول و بيتركب الدبل دن و اكيد مش هتعمله في الحاجه الجديده...ممكن تجيب كونسوله استيراد و تظبط الآداء.....اقولك رأيي.....بلاها دي في دي و خلي العربيه فابريكه....ربنا يديك خيرها و يكفيك شرها

[Sehsss]

مبروووووووك

[koshary]

الف مبروك ياكبير

[mahmoud_afifi]

الف مبروك يا باشا وربنا يباركلك فيها.
بالنسبه للDVD مين قال ان ماينفعش تركب ؟؟
في DVD للsingle din والشاشه فيها بتكون داخل الجهاز ولما تشغلها بتطلع لبره وشكلها حلو مش وحش على الاقل مش هتلفت الانظار للعربيه.

[zangry]

الف مبروك يا باشا وربنا يباركلك فيها.
بالنسبه للDVD مين قال ان ماينفعش تركب ؟؟
في DVD للsingle din والشاشه فيها بتكون داخل الجهاز ولما تشغلها بتطلع لبره وشكلها حلو مش وحش على الاقل مش هتلفت الانظار للعربيه.

[MOK3336]

مبروووووك يا معلم و ربنا يكفيك شرها

[mada6680]

ربنا يبارك فيكو يا رجالة بس هيا وحشة اوى كدة فى السفر انا راجل بمشى هادى واستخدامى راقى ويهمنى الامان على الطريق

[S O P H O S]

الف مبروك يا باشا

[Inteltech]

ألف مبروك على العربية ربنا يديك خيرها ويكفيك شرها
انا مجربها في الشغل كثير جدا وانطباعي عنها التالي
من ناحية الجري العربية دي جراية اوي وبسرعة ممكن تقفل عدادها بالكامل وثباتها مش وحش احسن كثير من ثبات الدايهتسو تريوس برضو عندي بالشغل
عمرها ما كانت موفرة في البنزين العربية دي بتشرب البنزين شرب مقارنة بالياباني وعيبها ان تنكها صغير كمان يعني لو مسافر مسافات بعيدة هتتوقف اكثر من مرة علشان تحط بنزين ودي حصلت معايا وانا رايح بيها الصعيد وراجع الاسكندرية
العربية كمان متعبة مش مريحة في السفر البعيد ومعرفش ان كان ده هيتفق معايا حد فيه او لا بس بحس ان في مشكلة في الكراسي فيها مش مريحة ابدا في القعدة لمسافات طويلة
تكييفها جميل جدا وثلاجة بمعنى الكلمة
واطية على الارض وبتتحايل على المطبات علشان متحكش فيها
فراملها متوسطة ولها طريقة خاصة غير عن اي عربية لو عايز تسيطر عليها ازاي يعني تفرمل صح بمعنى ان رجلك تدوس على الفرامل والعربية واخدة الغيار وترمي لها غيارات عكسية مش تفرمل ورجلك على الدبرياش وده خطأ شائع منتشر
الحاجة الاخيرة كل ده انطباعي الشخصي عن العربية اللي عندي بالشغل انا عن نفسي هشتري عربية كمان شهرين ان شاء الله بس مش هتكون فيرنا اكيد للاسباب اللي قلتها فوق ولانها كمان مفيهاش اي عنصر امان من اي نوع.
تحياتي

[monamize4]

بالعكس مش موفرة قوي برده

يا باشا دى مع واحد صاحبى و بيشكر جدا ف بنزينها ,,,,, و اعرف واحد بيسافر بيها من اسيوط المدينة لمراكز حواليها حوالى مسافة ساعة الا و بيطلع من اسيوط و اللمبة منورة

[mada6680]

وفعلا يا جماعة فى السفر الطويل مش مريحة؟

[Dr'AhmZZong]

يا باشا دى مع واحد صاحبى و بيشكر جدا ف بنزينها ,,,,, و اعرف واحد بيسافر بيها من اسيوط المدينة لمراكز حواليها حوالى مسافة ساعة الا و بيطلع من اسيوط و اللمبة منورة

أصل أنا كانت معايا العربية و عارف باقولك إيه