محتاج رايكم

[ahmedverna]

السلام عليكم
اصدقائى الاعزاء ارجو المساعده و النصح الاسبوع اللى فات كنت بعمل الصيانه الدوريه لعربيتى الفيرنا و الفنى قالى ان فى وصله من الرداتير و المواتور بتجيب مايه وحاجات عايزه تتغير مع العلم ان مؤشر الحراره مش برتفع وهى كالاتى
كوع خارجى / كوع داخلى / ترموستات حراره/ غطاء رداتير / مياه خضراء وان الموضوع ده هيكلفنى تقريبا حوالى 1000 جنيه مابين اسعار قطع الغيار و المصنعيه لانه هيفك الموتور ويغير الحاجات دى و يرجع يركبه تانى انا بصراحه حاسس ان الموضوع مبالغ فيه جدا انا نزلت التوفيقيه ولاقيت قطع الغيار دى فى حدود 300 جنيه بس مش عارف اذا كانت اصليه ولا مضروبه . كنت عايز اعرف رايكم هل اعملها فى فى المركز المعتمد اللى بتعامل معاه لانى قلقان من موضوع فك الماتور ده ولا حد يقدر يساعدنى و يرشحلى صنايعى كويس و مكان اشترى منه قطع الغيار الاصليه

[mohammedabdallh]

الصبح وانت واقف سخن العربيه وبعد ما تسخن دوس بنزين جامد كذا مره
واطلع بالعربيه وشوف فيه ميه على الارض ولا لا
والمياه بتنقص منك ولا لا
عداد الحراه بيرفع معاك عز الظهر ولا لا
بيرفع معاك وانت مشغل التكييف ولا لا
ممكن يكون عاوز يعمل شغل عليك
من فتره لقيت الراجع عندى بيسرب ميه جبت افيز معدن وربطه والموضوع خلص

[mazeen]

1000 جم كتير جداً طبعاً حضرتك انزل التوفيقيه عند ابراهيم البنا واشترى الحاجات المطلوبه واى ميكانيكى كويس يركبهم مافيهمش مشكله

[Ashraf_Ibrahim]

السعر كبير جدا يا صديقي
ممكن تعدي على المهندس هاني يبصلك على العربية واكيد لو فيها حاجة هيقلك !

[MIGOS]

إشتغااااااااااااااااااااااااااااله محترمه
طبعا فشتك

[koshary]

إشتغاااله ازاى يعنى يفك الموتور ؟؟

[MIGOS]

ضع السياره على جهاز كبس دورة المياه ومنها ستعرف من أين يأتي التسريب ومفيش حاجه في دورة المياه هتخلي الموتور يتفك

[mahmoud_afifi]

إشتغااااااااااااااااااااااااااااله محترمه
طبعا فشتك

+1

معظم المراكز المعتمده بتبالغ و اوقات بيخترعوا حاجات عشان يستفيدوا. الصيانات الدوريه بس مابتجبلهمش مكسب.

[ahmedverna]

اشكركم على اهتمامكم و تواصلكم على موضوعى لانى حاسس فعلا انهم عايزين يعملوا شغل عليا ..
استاذن الاستاذ / اشرف فى رقم المهندس هانى

[Ashraf_Ibrahim]

دا رقم المهندس هاني


موبيل : 01060900088


ودا لينك الموضوع الاعلاني بتاعه

http://www.nilemotors.net/Nile/287642-speed-service-center-enghany.html