العربية بتتراج جامد عند 120

[SiM0]

أهلا بالاعضاء الكرام
العربية فرنا 2009 بتتراج جامد جدا عند 120 لكن لحد 100 بتبقى تمام فوق ال 100 الدركسيون بيتراج 120 العربية كلها بتتراج جامد جدا مع العلم إني الكاوتش ماشي 54 ألف متغيرش لسة فأنا كنت عايز اغيره وعايز أعرف محتاج اغير معاه الجنوت ولا إيه سبب الرجا ده

[mahmoud_afifi]

أهلا بالاعضاء الكرام
العربية فرنا 2009 بتتراج جامد جدا عند 120 لكن لحد 100 بتبقى تمام فوق ال 100 الدركسيون بيتراج 120 العربية كلها بتتراج جامد جدا مع العلم إني الكاوتش ماشي 54 ألف متغيرش لسة فأنا كنت عايز اغيره وعايز أعرف محتاج اغير معاه الجنوت ولا إيه سبب الرجا ده

اعتقد محتاجه ترصيص. وممكن سبب اخر رغم سهولته بس شيك على الصواميل وربط عليها كويس.

[Kareem Fawzy]

فعلاً زى ما محمود عفيفى قال لحضرتك
بدام على ال120 يبقى ترصيص
واحتمال يبقى مسامير العجل

[AhMeD MeTwAlY]

رصص وربط صواميل العجل
ولو مش جابيت معاك نتيجه رصص موتسيكل عشان تعرف ايه في العافشه

[Mohab.Nabil]

اعتقد محتاجه ترصيص. وممكن سبب اخر رغم سهولته بس شيك على الصواميل وربط عليها كويس.

+1

فعلا اغلب الظن ترصيص

و رصص عند حد متجرب و مضمون عشان انا رصصت و المشكلة متحلتش و كنت هدخل فى مواضيع كتيرة رحت رصصت فى مكان مضمون العربية ظبطت و جبت بيها 170 عادى و مفيش رجة

[S O P H O S]

الرجالة قالوا كل شئ..

[alaamousa]

بص يا باشا هو غالبا ان شاء الله ترصيص ولما تيجي ترصص ترصص لزق مش تركيب وبالنسبة للعجل خليه يجيبلك اللي قدام وراه واللي وراه قدام واذا كنت قادر تغير الكاوتش يبقى افضل لانه كده كتر خيره اما بالنسبة للجنوط الجنوط بتاعتها افضل بكتيير لانها الاصلي بتاعت بلدها يارب اكون افادتك

[mando2002m]

الرجة دى ترصيص جرب ترصص كدة

[Sh_sunsea]

صدفة لطيفة - معايا فيرنا 2009 برضه وعندي نفس المشكلة

رجعت الاثنين الي في الامام للخلف - وجبت اتنين جداد في الامام - ومن ساعتها مش عارف اخلص من الموضوع بتاع الرجة ده كان بيحصل من 80 - رصصت عند واحد معرفة بدل ترصيص بريدجستون الي جبت منه الكاوتش - اتظبطت لحد 100 - بس بعد كده بتترج برضه

هل ممكن يكونوا الي ورا نفسهم عايزين ترصيص - مع انهم لما كانوا في الامام كانوا ماشيين كويس ومافيش رجة ..؟؟؟

[MohammedAladel]

رصص وربط صواميل العجل
ولو مش جابيت معاك نتيجه رصص موتسيكل عشان تعرف ايه في العافشه

يعنى ايه ترصيص موتسيكل ؟

[MIGOS]

متااابع بإهتمام وبرجاء اللي يوصل لحل يكتبه

[Land_Cruiser]

اعمل ترصيص يا فندم للعجل و خلى الفنى يبص على الكاوتش و يطمن ان النقشه سليمه و ان العجل مفيهوش بلالين و كمان يبص على الجنوط و يتأكد ان مفيهاش عوجه و اذا كان فيهم يستعدلها و اذا كان الكاوتش فيه بلالين حاول تغيره فورا

[SiM0]

متشكر جدا على مساعدتكم لكن أنا بالفعل لما رصاصة بقيت لحد 120 و جابوا اللي ورا أدام ولما كانوا بيعملها بالموتوسيكل كانوا بيقوللي الجنت معوج وكده وأنا كنت حاسس إنهم بيشتغلوني وأنا هشيك على تربيط الكاوتشت وشكرا لإهتمامكم

[AhMeD MeTwAlY]

متشكر جدا على مساعدتكم لكن أنا بالفعل لما رصاصة بقيت لحد 120 و جابوا اللي ورا أدام ولما كانوا بيعملها بالموتوسيكل كانوا بيقوللي الجنت معوج وكده وأنا كنت حاسس إنهم بيشتغلوني وأنا هشيك على تربيط الكاوتشت وشكرا لإهتمامكم

ممكن يكون فعلا الجنط معووج حضرتك بيدخل الفرن وبيطلع تاني كانه جديد

[nenoo4]

انا عندى نفس المشكلة ورصصت ثلاث مرات ومفيش فايدة يا ريت أ/ مهاب يقولنا رصص فين