اريد ان اشترى سيارة ماتريكس

[seri0us]

الف الف شكر ليك على المعلومات الجميله دى طيب رايك اشترى ماتريكس و لا عربيه جديده زى اللوجان او الفرنا؟

بص حضرتك ... ما ينفعش نقارن بين ماتريكس و اللوجان او الفيرنا

و حاجة تانية لازم تحدد انت ايه اللي عاوز تشبع رغبتك منه من العربية ؟؟؟ بمعنى انت عاوز

ماكنة جري ولا صالون واسع ولا يهمك مثلا التكييف او ... او .... ؟؟؟ فاهم قصدي ؟؟؟

فالماتريكس سكة لوحده مالهاش دعوة بالفيرنا مثلا ...

[magid1010]

بص حضرتك ... ما ينفعش نقارن بين ماتريكس و اللوجان او الفيرنا

و حاجة تانية لازم تحدد انت ايه اللي عاوز تشبع رغبتك منه من العربية ؟؟؟ بمعنى انت عاوز

ماكنة جري ولا صالون واسع ولا يهمك مثلا التكييف او ... او .... ؟؟؟ فاهم قصدي ؟؟؟

فالماتريكس سكة لوحده مالهاش دعوة بالفيرنا مثلا ...

الف شكر ليك

[wisambasha]

ربنا يبارك لك في اللي معاك بس فعلا هي تزعل !!!!

ما احنا زيك بالظبط جبنا 2006 موديل سنتها من غبور و انا و اخويا الكبير كنا بنتريق على والدتي

لما جبتها لانها مش عجبانا من غير ما نعرف ان في خليجي و مليان الفروقات الرهيبة دي ...

لحد ما واحد ابن حلال صاحب معرض قاللي بص ع الخليجي و انت هتعرف يعني ايه ماتريكس !!!

و قد كان .... بصراحة انا كل كلامي عن مقارنة عملية في سواقة الاتنين ....

لك ان تتخيل من الفروقات اللي لقيتها ايه كمان ؟؟؟؟؟

لما تبطل العربية و تقفلها تلاقي المروحة لسه شغالة بتبرد في الماكنة زي الالماني بالظبط !!!!!

مش زي الياباني عموما او الكوري ان المروحة مع الكونتاك وبس ... لالالالا دي بتفصل لما

الماكنة تبرد و كله يبقى تمام !!!!!!!!!! استغربت جدا جدا و اديني بقالي شهر بس جايبها و بكتشف

كل يوم حاجة .... بس قدر الله و ماشاء فعل في اختيارك و ربنا يرضيك بيها باذن الله و تاخد خيرها كله

بس انا عاوز اعرف ايه الفروقات بالضبط اللي في الماكينة (مش هي برضة 1600 سي سي دوبل كامة) يعني اقصد ازاي الموتور مختلف عن الماتريكس بتاعة غبور

[seri0us]

[QUOTE=wisambasha;3874372016]بس انا عاوز اعرف ايه الفروقات بالضبط اللي في الماكينة (مش هي برضة 1600 سي سي دوبل كامة) يعني اقصد ازاي الموتور مختلف عن الماتريكس بتاعة غبور[/QUO

كتير من مالكي الماتريكس الخليجي بيقولوا ان الموتور معالج ضد الحرارة

و في تصميمه الشكلي مختلف فعلا عن غبور .. و هحاول اصورلك بتاع عربيتي الخليجي

و موتور عربية والدتي " غبور " و الاتنين طبعا 2006

و على فكرة عربيتي الخليجي بتاخد 3 لتر زيت بالفلتر !!!! و قعدت اسبوع كامل

اشوف قياس الزيت الاقيه مظبوط ع الشعرة !!!!

فجبت زيت امارات مصر بتاع ال10000كلم و هغيره مع الفلتر و غالبا هيبقى مرة في السنة

و المهندس اللي في محطة امارات مصر قاللي الزيت ده جاي من الامارات و متقفل العبوة

بتاعته هناك و معمول للموتور الخليجي و اجواء الخليج ...

[wisambasha]

[QUOTE=seri0us;3874372613]

بس انا عاوز اعرف ايه الفروقات بالضبط اللي في الماكينة (مش هي برضة 1600 سي سي دوبل كامة) يعني اقصد ازاي الموتور مختلف عن الماتريكس بتاعة غبور[/QUO

كتير من مالكي الماتريكس الخليجي بيقولوا ان الموتور معالج ضد الحرارة

و في تصميمه الشكلي مختلف فعلا عن غبور .. و هحاول اصورلك بتاع عربيتي الخليجي

و موتور عربية والدتي " غبور " و الاتنين طبعا 2006

و على فكرة عربيتي الخليجي بتاخد 3 لتر زيت بالفلتر !!!! و قعدت اسبوع كامل

اشوف قياس الزيت الاقيه مظبوط ع الشعرة !!!!

فجبت زيت امارات مصر بتاع ال10000كلم و هغيره مع الفلتر و غالبا هيبقى مرة في السنة

و المهندس اللي في محطة امارات مصر قاللي الزيت ده جاي من الامارات و متقفل العبوة

بتاعته هناك و معمول للموتور الخليجي و اجواء الخليج ...

امارات مصر فعلا زيت ممتاز انا جربته كتير في العربية الكيا اللي كانت معايا و كنت بغيره علي 12 الف كيلو وفعلا بييجي من الامارات بس اخر مرة جبته من البنزينه اللي عند كارفور كان مكتوب علي العبوة انه صناعة مصرية (مش عارف هم بقوا بيصنعوه هنا ولا ايه)
انا دلوقتي هغير لليكوي مولي الالماني الناس بتشكر فيه جدا

في انتظار صور الموتور

[sameh.rafat]

انا اشتريت من شهر و 5 ايام سيارة ماتريكس خليجي 2006 كاملة اتوماتيك من على موقع كونتاكت كارز
و كان طالب في الاعلان 80 الف و لما عرفته اني مش تاجر و هنفذ فعلا قاللي من نفسه 75 الف ج
و العربية فيها رخصة 2014 و اول يد من الزيرو و فابريقه بالكامل بره و جوه لونها نبتي محمر مش المصري الغامق ...

نصيحة شخصية وعن تجربة لاننا معانا ماتريكس مانيوال 2006 من غبور و الخليجي اللي انا اشترتها...

ما تتمتع به الماتريكس الخليجي عن مواصفات غبور :

* مرايات مرشوشة بلون السيارة

* مخدع لكرسي السائق

* كرسي السائق هيدروليكي مزود ببكرتين لتغير وضعيته

*ظهر كرسي السائق مزود بذراع في الجنب لتغيير وضعية الظهر

* فتحة سقف كهربائية

* مساحة خلفية

* سبويلر فوق الزجاج الخلفي

* فتحات صغيرة بالتابلوه خلف دراع الاشارة لشفط دخان السجاير

*الكنبة الخلفية مزود بمخدع في النص وبه 2 حامل كوباية

* موتور العربية معالج ضد الحرارة

* موتور الخليجي غير كليا عن موتور غبور ... مختلف تماااااااااااااااااااااما

* عفشة الخليجي تقيلة وثابتة اوي اوي و تبان معاك في مطبات الهوا مش زي اللي
مع امي بترقص احلا رقص هههههههههههههه

* في ماكنة الخليجي زرار اعادة ضبط المصنع لو اخدت مطب جامد فالسيارة بتفصل
اتوماتيكي و تنزل حضرتك تدوس ع الزرار من جوه الكابوت و تدور عربيتك بعدها !!!

* عزل عالي جدا في صوت الماكنة و الكلاكس عن كابينة او صالون السيارة ... و طبعا
اللي مع امي كنت بحس ان الكلاكس جنبي ع الكرسي

* الاريال في الخليجي صغير و شيك جدا جدا و هو بتاع الراديو مش زي اللي غبور لازقه و بتفكه و تعينه ...

*ريموت الخليجي و انذارها اصلي مش زي اللي غبور عامله في مصنع اسمه غريب و كل اللي معاهم ماتريكس غبور
حتى امي لازم يكون الريموت باظ

* لما تقفل العربية بالريموت استحالة انت نفسك تدورها بالمفتاح لانها هتكون فاصلة كهربا الا لما تفتح العربية بالريموت و طبعا لما هتكون قافلها بالريمون و فتحت الباب بالمفتاخ الانذار هيشتغل و مش هتعرف تدور العربية

* تكييف الخليجي جبااااااااااااار جدا و مختلف بشكل تام عن قوة بتاع غبور و اللي شايف ان تكييف غبور عاجبه فده علشان ما ركبش المواصفات الخليجي

* اباجورة امامية غير اللي في نص العربية بها زرارين جانبيين ممكن تنور كل جنب لوحده و دي مكانها في بداية السقف او بداية فتحة السقف

*حاجة اكتشفتها امبارح !!!! اني طلعت ع ال d و ما نزلتش فرامل اليد كويس لقيت جرس ان الباب مفتوح اشتغل هههههههههههههه اتخضيت لان لمبة الباب مش منورة في التابلوه و لقيت لمبة الفرامل اليد بتنور فنزلتها كويس لقيت الجرس فصل !!!!!!!!!!!

* لما تفتح العربية بالريموت طريقة رائعة في اضاءة نور الصالون قبل ما تركب و اول ما تقعد تلاقي لمبة دائرية خضرا منورة حواليت الكونتاك علشان في الضلمة تعرف مكان المفتاح

* لما تنزل من العربية وانت سايب النور شغال و تشيل المفتاح من الكونتاك كل ده مافيش مشكلة بيفضل نور التابلوه الصغير منور ... لكن مجرد ما تفتح بابك تلاقي العربية طفت كل انوارها اتوماتيك !!!!

* في وضع للكونتاك يفصل كهربا العربية الا الكاسيت و فتح وقفل الشبابيك الكهربا لو نزلت تجيب حاجة وسبت ناس في العربية !!!!

و اديني لسه بكتشف فيها حاجت مبهرة و عرفت اني في حياتي مش هشتري اي عربية الا مواصفات خليجي

و اخويا لسه جايه من السعودية امبارح و معاه شيفورليه هناك بيقولي عربيتك اقدر اقول عليها انها امريكي !!!!!

يااااااااااااااارب اكون ساعدتك و افدتك و اتاكد لتاني مره ان كلامي هو اللي مفيد و اللي ماركبش ماتريكس خليجي ما تاخدش حكمه على الماتريكس بتاعت غبور حكم حقيقي و صح !!!!!!

الخليجي كانهم بيعاملوا بني ادميييييييييييييييين غيرنااااااااااا كمصريييييييييين هههههههههههه

لكن الحقيقة في الفرق ان سوق المنافسة في الخليج عالي و كل اللي قلته انا من كماليات في العربية ده العادي عندهم !!!!!!

سؤال مهم قطع الغيار ونظام الفرامل اكيد مختلف صح
هتجيب قطع غيار منين وهل في وسع زياده وياريت صور للحاجات الي من جوه العربيه الي فيها الاختلاف وخاصه الحته الي بتقول انها بتشفط الدخان

[solly1979]

ياااا انا اشتريت لولدتى ماتريكس غبور ٢٠١١ وبصراحه وانا بسوقها من مدينة نصر لأكتوبر كرهت نفسى
وقلت ديه اخر عربيه افكر أنى اشتريها لو ببلاش
بس بعد قرائتى الموضوع هشوف الخليجى انشاء الله

[samyyousef]

ياااا انا اشتريت لولدتى ماتريكس غبور ٢٠١١ وبصراحه وانا بسوقها من مدينة نصر لأكتوبر كرهت نفسى
وقلت ديه اخر عربيه افكر أنى اشتريها لو ببلاش
بس بعد قرائتى الموضوع هشوف الخليجى إن شاء الله

و ماذا كانت ملاحظاتك عليها