استفسار بسيط من الاكسنتاويه

[t_man2020]

طبعا دي اول مشاركه ف القسم لاني لسه جايب العربيه من 6 شهور
المهم عندي اكسنت 2001 خليجي وتكييف شغال وسنتر وانزار وازاز كهربا
ووحدة رفع وطقم سماعات بيونير والمكنه 1300 واللون شمباين وبالنسبه للرش العربيه
كبوت وسقف شنطه مش رشه بس فيه قول تلات اربع بقع كده صغيرين رشين
منهم بقعه صغيره ف الكبوت وطبعا الدواخل فبريكه وحوض العربيه اصلي بسم الله ماشاء الله ..........
الاكسنت دي تعمل كاااااااااااااااام طبعا العربيه كوري وكل حاجه بغيرهالها بتكون بتاعة بلاده من القربه للتيل والحمد لله العربيه مش عايزه حاجه ودمها زي العسل عايز اعرف سعرهااااااااااا
ومشكورين كل الاكسنتاويه اللي منورين الدنيا اه والعداد عامل 120الف بس

وعندي استفسار بسيط بخصوص الجيتز لو معايا حدود 50 الف اجيب جيتز موديل كام بس تكون بنت ناس........

وبعتذر لو طولت عليكو

[Ali Attia]

تقريبا تعمل من 35 ل 37 ألف ده النهائي عشان 1300 لكن انت ممكن تطلب 38 او 39 مثلا عشان الفصال,, والله أعلم وربنا يباركلك فيها ويوفقك للي فيه خير ولو احتجت معلومات أكتر عن العربية , عليك وعلي جروب الأكسنت علي الفيس بوك:

https://www.facebook.com/groups/hyundai.accent/

وبالنسبة للجيتز للأسف مش هقدر أفيدك

[t_man2020]

مش شايف ان حتي السعر ده تحت خالص خالص لان العربيه مش بتصرف خالص لاني مواليها من الابره للصاروخ وشكرا ع الرد ومستني ردود كل الاكسنتاويه الموجودين برده وشكرا لمرورك