استفسار ضرورى بخصوص فيرنا زيرو 2012

[mina_888]

لو سمحتم انا لسه مستلم فيرنا 2012 زيرو امبارح
و عاوز اعرف الضمان بيكون عباره عن ايه و شكله ايه و كل الحاجه اللى بستلمها مع العربيه بتكون ايه ؟؟
كمان عاوز اعرف افضل طريقه لتليين العربيه مع العلم انى لسه جديد فى السواقه فا مش بمشى بيها كتير ولا بسرعه كبيره فا عاوز نصايحكم ضرورى....... و شكرا

[farfora20082008]

اولا مبروك عليك ربنا يديك خيرها ويكفيك شرها
اول 1000 متعديش سرعه 100 ومتشغلشي التكيف

[HAITHAM1985]

إمشى بيها كتير ........... وخد بالك فعلا متشغلش التكييف .......... لغاية ما الأجزاء الميكانيكية تتطبع على بعض


خد بالك منها ......... وربنا يحميك


بس ممكن تقولنا جبتها على كام علشان نقر ونحسد شوية من زمان مبحسدش ........ بهزر طبعا


تحيـــــــــاتى

[mina_888]

انا جايبها قرض تبع البنك الاهلى سوستيه بس هى سعرها كاش 70750
ممكن بس تفيدونى فى الضمان بيكون موجود عباره عن ايه و مختوم ولا لا ؟؟

[SiM0]

معرفش الضمان .. بس حاجة كمان تبع التلين متحملش عليها جامد وحاول تخلي ال rpm اقل من 3... و متثبتش على سرعة معينة كتير يعني مثلا ماتفضلش مصابة على 100 لو مسافر في التلين غير سرعتك و المفروض متسبش العربية أكتر من 3 دقائق دايرة من غير ماتتحرك

[angry_devil]

الضمان موجود في العربية عبارة عن كتيب صغير كده موجود في الشنطة الصغيرة اللي قدام كرسي اللي جنب كرسي السائق
معايا برده 2012 وبالنسبة للتلين متعديش 100 في اول 1000 كيلو