مساعدة من ملاك الفيرنا الكرام

[rrssrr]

ان شاء الله هاستلم غدا فيرنا كاملة مانيوال
سمعت كتير عن سوء الكاوتش
هل تنصخوني اني اغير الكاوتش بمجرد الاستلام ولا الموضوع لا يستحق
و لو فية اي اضافات اكون ممنون لكم
شكرااااا

[loshabih]

اولا مبروك عليك وربنا يباركلك فيها...لو بتجري كتير وعايز العربيه انعم فلمطبات وفرامل احسن وثبات اكتر غيره بس ميستهلش اوي
نصحتي لو تقدر تجيب جنط 14 هات هتفرق كتيير عن اللي راكب

[m7mda7md]

الف مبروك يا باشا و ربنا يباركلك فيها
من المفترض ان الكاوتش ال جاي مع الكامله نوع تركي اسمه لاسا و ده مش بسوء الكاوتش النسر...لو مش عاوز تغيره دلوقتي براحتك بس هو عمره مش طويل اوي ...يعني من الاخر لو مش فارق معاك تمن كاوتش و جنوط 14 هاتهم....لو هتستني شويه و تشتريهم,,ماشي بردو...لو مش في نيتك تجنط غير الكاوتش بس

[alaamousa]

مباااارك عليك الاول وربنا يباركلك فيها بص يا باشا الكاوتش بتاعها امشي عليه ده لسة زيرو واول ما تحس انه بدأ يعملها غيره علطول وانت ورزقك يعملها امتى بقى ان شاء الله يكمل معاك انا اخويا غيره على 40000 تقريبا يعني مش شرط بس اذا كنت هتجنط بامر الله اتوكل على الله

[mmolazem]

من المفترض ان الكاوتش ال جاي مع الكامله نوع تركي اسمه لاسا و ده مش بسوء الكاوتش النسر...

+1
لو نسر ، نصيحة تغيرة فى أقرب فرصة لو لقيت رعشة عند السرعات الأعلى من 80 كم/س لأن الترصيص ما بينفعش معاه خالص ( عن تجربة شخصية ).

[Ashraf_Ibrahim]

في الواقع اللاسا أفضل من النسر بكتير
انا استلمت العربية بكاوتش نسر
ومشيت بيه 48600 كم تحديدا
وجبت بيه سرعات تصل ل 200
وكان زي الفل الحقيقة بس كنت بعمله روتيشن باستمرار كل 10000 كم
اللاسا هيكون أفضل كمان معاك
لو قدرت تغيره طبعا يكون أفضل
بس ممكن تمشي بيه مثلا 40000 كم وبعدها تغيره وتجنط هيكون أفضل

[hanyemad123]

باذن الله لما تستلم حتلاقى الكاوتش يوكوهاما مش لاسا ولا نسر

و دى بقى احسن منهم كلهم و ان شاء الله مش حتحتاج تغيره الا لما تستهلكه تماما

[rrssrr]

الف شكر يا شباب ان شاء الله لو غير النسر هاخلية و اجنط بعد كدة

شكرااااااااااااا