مشورة للهيونداوية

[kimotop]

السلام عليكم

بفكر بجدية ان شاء الله اجيب عربية هيونداي الانترا موديل من 2006 الى 2008 لان سعرها و موديلها مناسب في ناس بتنصح بالنيو اكسنت لان الاسعار متقاربة لكن انا ميال للالنترا الصراحة

الاستشارة بقى
زي ما انتو عارفين ان سعر العربية دي مستعمل ممكن يجيب حاجة زيرو زي لوجان او ساجا اوتوماتيك او لانوس او فيرنا او اي 10 او اسبارك او حتى صيني زي بريليانس ... الخ

فايه رأيكم اتوكل على الله واجيب الالنترا دي ولا اجيب زيرو احسن ؟

الحاجة التانية الاهم قرأت تعليقاتكوا على التوكيل وطبعا الرأي العام انه سئ وانا مش هيهمني التوكيل كتير لان العربية الي هجبها ممكن تكون طلعت برة التوكيل و السؤال الاقي فين ميكانيكي محترم او مركز صيانة يظبط العربية و قطع الغيار ؟

ولكم جزيل الشكر

[HOSSAM99]

و عليكم السلام و رحمة الله و بركاته
إلانترا طبعا أوتو و تكون 2008 و كيلو متر تحت الـ90 ألف و فابريكه بالكامل و تكشف عليها كويس
و الصيانه في كل مكان (مراكز معتمده و مراكز غير معتمده و ميكانيكيه و العربيه سهله جدا مش مشتاهله مخترع لصيانتها )
دور علي الحاله و لو تهبت و معرفتش يبقي لوجان أوتو زيرو
لكن هاتلاقي بعون الله

[kimotop]

و عليكم السلام و رحمة الله و بركاته
إلانترا طبعا أوتو و تكون 2008 و كيلو متر تحت الـ90 ألف و فابريكه بالكامل و تكشف عليها كويس
و الصيانه في كل مكان (مراكز معتمده و مراكز غير معتمده و ميكانيكيه و العربيه سهله جدا مش مشتاهله مخترع لصيانتها )
دور علي الحاله و لو تهبت و معرفتش يبقي لوجان أوتو زيرو
لكن هاتلاقي بعون الله

شكرا يا باشا على الاهتمام وطالما المراكز و الميكانيكية منتشرين يبقى كدا تمام اوي

في اي ملاحظات ابص عليها او مشاكل معروفة للالنترا وانا بتفرج و لا اخدها ارفعها على طول ؟

[HOSSAM99]

بعد ما تطمن لشكل العربيه بنظره عامة تطلع علي التوكيل و تطلب من المهندس تجربة العربيه و يرفعها و يديك تقرير عفشه و موتور و كهربا و تدخلها الهياكل يكشفو عليها كويس جدا يبقي تتوكل علي الله

الكشف من غير الهياكل 200 جنيه و ضريبه أما الهياكل معرفش بكام
و الأفضل يكون معاك حد من ملاك العربيه يجربها ويسوقها قبل المركز

[kimotop]

بعد ما تطمن لشكل العربيه بنظره عامة تطلع علي التوكيل و تطلب من المهندس تجربة العربيه و يرفعها و يديك تقرير عفشه و موتور و كهربا و تدخلها الهياكل يكشفو عليها كويس جدا يبقي تتوكل علي الله

الكشف من غير الهياكل 200 جنيه و ضريبه أما الهياكل معرفش بكام
و الأفضل يكون معاك حد من ملاك العربيه يجربها ويسوقها قبل المركز

الف شكر و الله المستعان

[samozaen91]

بص المستعمل لو كويس يبقى تمام بدل ما تجيب حاجه جديده و ادينا بنسمع ان الجديد كل يوم تقفيله مش قد كده
و نصيحه حاول تدور على الهيونداى الخليجى افضل من المصرى بكتييييير من ناحيه كل حاجه
و اعمل زى الناس قالوا التوكيل تترفع فيها و تخش على السكان عشان لو حساس او الكومبيوتر فيه حاجه برضه يبان

[Kareem.ElAraby]

و عليكم السلام
موديل 2006 غير موديل 2008 فبالتالي ده ليه سعر و ده ليه سعر
أهم حاجه تكون فابريكه دواخل و العداد قليل (قليل يه نسبيه بس انا بأفضل من 40 الي 60 ألف كيلو )
اهم حاجه تجيب الفئه اللي فيها abs أكيد هيبقي أفضل
موضوع الجديد بأمانه ما أفتيش فيه
موضوع الصيانه حضرتك فيه المهندس هاني صاحب مركز خدمه speed و ده مهندس شاطر و أسعاره حلوه و كان شغال في التوكيل و مش بيتأخر عن حد محتاج خدمه

[MohammedAladel]

زى ما قال العضو المحترم ان موديل 2006 هو الشكل القديم وبالنسبة لى أفضل شكل شفته لإلنترا ولكن 2008 هو الشكل اللى اتشهرت بيه الالنترا قوى و2007 كمان هو هو المهم حالة العربية مش العداد ماشية كام أنا اشتريت عربية موتورها ماشى 100 ألف وحالته كويسة جدا تشوف جسم العربية حتة حتة والعتب وتشوفها من تحت وتركبها وتسوقها وتجرى بيها جامد وتشوف أخبارها ايه وتسمع صوت الموتور وهى واقفة وتشوف لون العادم على آر بى إم عالى أو تروح تكشف فى التوكيل وتريح دماغك

[HOSSAM99]

و عليكم السلام
موديل 2006 غير موديل 2008 فبالتالي ده ليه سعر و ده ليه سعر
أهم حاجه تكون فابريكه دواخل و العداد قليل (قليل يه نسبيه بس انا بأفضل من 40 الي 60 ألف كيلو )
اهم حاجه تجيب الفئه اللي فيها abs أكيد هيبقي أفضل
موضوع الجديد بأمانه ما أفتيش فيه
موضوع الصيانه حضرتك فيه المهندس هاني صاحب مركز خدمه speed و ده مهندس شاطر و أسعاره حلوه و كان شغال في التوكيل و مش بيتأخر عن حد محتاج خدمه

زى ما قال العضو المحترم ان موديل 2006 هو الشكل القديم وبالنسبة لى أفضل شكل شفته لإلنترا ولكن 2008 هو الشكل اللى اتشهرت بيه الالنترا قوى و2007 كمان هو هو المهم حالة العربية مش العداد ماشية كام أنا اشتريت عربية موتورها ماشى 100 ألف وحالته كويسة جدا تشوف جسم العربية حتة حتة والعتب وتشوفها من تحت وتركبها وتسوقها وتجرى بيها جامد وتشوف أخبارها ايه وتسمع صوت الموتور وهى واقفة وتشوف لون العادم على آر بى إم عالى أو تروح تكشف فى التوكيل وتريح دماغك

الإلنترا الـhd فيها موديلات أواخر2006 لكن نادر شويتين

[m7mda7md]

خلي بالك صحيح ان النترا 2007 تقريبا كان فيها مشاكل في علبه الدركسيون

[HAITHAM1985]

إختيار موفق .......... الإلنترا 2008 ــــ أوتوماتيك ــــ هى أفضل الخيارات

[S O P H O S]

و عليكم السلام
موديل 2006 غير موديل 2008 فبالتالي ده ليه سعر و ده ليه سعر
أهم حاجه تكون فابريكه دواخل و العداد قليل (قليل يه نسبيه بس انا بأفضل من 40 الي 60 ألف كيلو )
اهم حاجه تجيب الفئه اللي فيها abs أكيد هيبقي أفضل
موضوع الجديد بأمانه ما أفتيش فيه
موضوع الصيانه حضرتك فيه المهندس هاني صاحب مركز خدمه speed و ده مهندس شاطر و أسعاره حلوه و كان شغال في التوكيل و مش بيتأخر عن حد محتاج خدمه

+111111111

[Kareem.ElAraby]

طب ما تكلم المهندس هاني اسأله ولو انني عارف رأيه لمسبق ان شكل 2006 هو بيفضله و علي حد قوله مرسيدس الهيونداي بس الليله انك تعتر في واحده حالتها كويسه !

[kimotop]

الف شكر يا جماعة و مازال البحث مسمرا

وربنا يعدي اليومين دول على خير في البلد علشان الواحد يشتري وهو مطمن