سؤال لخبراء الفيرنا

[mada6680]

انا يا جماعة لسة شارى عربيتى وزى نصيحة الاخوة الاعضاء انى مشغلش التكيف الا بعد1000 كيلو
بس جه يوم الترخيص والفحص وشغلته بصراحة مكنتش مستحمل الحر بس وبعد كدة مشغلتوش هل كدة خطر على العربية او بمعنى ادق انا كدة بوظت الدنيا
كمان انا بمشى على الاول والتانى كتير بحكم الزحمة وطبعا معا الجو الحر
ايه رايكو؟

[amrelsaqqa]

ما حصلش حاجة ان شاء الله
اهم حاجة ما تقرصش على العربية يعنى ما تمشيش على rpm عالى

[elpasha1]

مفيش اى حاجة خاص وعادى جدا
وربنا يديلك خيرها ويكفيك شرها

[mrgamal]

لو عايز تخلص من 1000 كم دول بسرعة لانهم بيبقوا ارخم 1000كم فى العربية وتريح نفسك وعربيتك
اطلع اى طريق سفر وخلى السرعة 100 يوم اجازة من الاخر اسكندرية الساحل المهم تخلص من الف كيلو دول بسرعه

[Kareem Fawzy]

محصلش اى حاجة
هو ينصح متشغلوش اول 1000 كيلو
بس مفيش اى مشاكل
اومال فى الدول العربية بيعملوا اية
دول بيشغلوا التكييف وهما بيجربوا العربية علشان يعرفوا يدخلوها اصلاً
اطمن

[alaamousa]

ان شاء الله مافيش حاجة بس ياريتبعد الالف كيلو عشان كل حاجة تطبع وتلين وتبقى متجمعة مع بعضيها ان شاء الله ربنا يديلك خيرها ويكفيلك شرها

[islamlight]

ان شاء الله مافيش مشكلة.

[mada6680]

ربنا يخليكوا يا جماعة طمنتونى