تكييف الفيرنا في الحر المميت اليومين دول

[zakiali]

ياريت حد يقولي من ملاك الفيرنا التكييف بتاعة عامل معاه ايه اليومين دول في الحر الرهيب ده خصوصا وقت الظهر .. انا بحس انه بأه مروحة مش تكييف انما بليل بيبقي متلج .. يريت حد ينصحني أروح لمين يكشفلي علي التكييف ازا كان فيه حاجة أو عاوز يتشحن فريون ويريت يكون في منطقة الهرم أو فيصل أو اي مكان تاني محترم ..

شاكر ليكم جدا ..

[AhMeD MeTwAlY]

ازاي علي ما اعتقد ان تكييف الفيرنا المفروض تلاجه لانها 1600 سي سي وبودي صغير والمفروض تنزل بـ 1300

[zakiali]

ازاي علي ما اعتقد ان تكييف الفيرنا المفروض تلاجه لانها 1600 سي سي وبودي صغير والمفروض تنزل بـ 1300

هو كان تلاجة فعلا لدرجة اني كنت بسقع منه في الصيف وبقلله انما دلوقتي مش عارف ايه اللي جراله

[AhMeD MeTwAlY]

بص علي ديرة الكهربه والشحن بتاعه
كانت حصلت مع واحد صحبي في عربيه النترا 2008 هما نفس الموتور وكانا بنعمل صيانة 50 الف كيلو من شهر وبعد لما طلعنا من التوكيل ومشغلين التكييف حسينا انه ضعيف روحنا لواحد كهربائي محترم عندنا في الشرقيه قال ان دي عايزه ديرة كهربه لان الديره تقريبا ضعف او حاجه زي كدا

[medododo]

قبل اي حاجة أضرب خرطوم مياه بضغط عالي علي سربنتينة التكيف الامامية وبعدين شوف الاداء هيعمل ايه

[zakiali]

قبل اي حاجة أضرب خرطوم مياه بضغط عالي علي سربنتينة التكيف الامامية وبعدين شوف الاداء هيعمل ايه

هجرب القصة دي وأرد عليك ... يريت تنفع ..

[exact]

التراب عالسربنتينه الخارجية والردياتير هو اللي بيعمل كده

ما تنساش ان الجو كان مليان شتا السنه دي قغالبا هتلاقيها مليانه تراب وطين

[Karim_Monir]

بس ما تضربش مية بقوة المسدس
دي تسد الريش على طول
الصح يقفل ضغط الهوا ويفضل خرطوم مية عادي من غير ضغط
وبعدين يحطلك فوووم كتير يحل التراب اللي لزق بالسخونية
وتسبة بتاع 5 دقايق
وبعدين مية يغسل وبرضه من غير ضغط
ولما تخلص وتنشف حط wd-40 هلى مكينة المروحة لان الفوم والمية كلو الشحم من عيها ولازم حاجة تلينها عشان عمرها ما يقصرش

[El Prince]

الفيرنا تكييفها تلاجة بمعنى الكلمة
و طبعاً كلام م/ كريم مظبوط - و علشان كده انا بغسل الموتور بالهوا بانتظام مع غسيل العربية و بعدين السربنتينة و الريدياتير بالميه ..

أنا مركب فلتر علشان أحد شوية من قوتة - و برده اتنفس هوا نضيف
اليومين دول ع الساعة 4 ظ بتكون حرارة الجو تقريباً 38 أو 40 فى الشمس و العربيىة سخنة
بهويها 5 دقايق و بعدين بظبط مروحة التكييف ع 3 و بعد شوية بنزلة على 2 و بكون مقلل شوية درجة التسقيع يعنى مش على الآخر
النتيجة - جو لوز اللوز جوا العربية - يعنى مش محتاج اقعد جوا تلاجة - يعنى لو درجة حرارة العربية من جوا حوالى 24 يبقى قشطه ( على الأقل بالنسبالى ) .

[corsair]

الحمد لله انا عندي التكييف مبقدرش اعليه عن السرعه التانية في عز الحر اهم حاجه وانا معايا نفس موديل عربيتك 2008 حاول تشغله مرتين علي الاقل كل شهر حتي في الشتا علشان الفريون ميقلش معاك

[islamlight]

نفس المشكلة كانت فى عربيتى.
بس مالحقتش اعالجها. خادها الغراب وطار

[moh_vet]

بس ما تضربش مية بقوة المسدس
دي تسد الريش على طول
الصح يقفل ضغط الهوا ويفضل خرطوم مية عادي من غير ضغط
وبعدين يحطلك فوووم كتير يحل التراب اللي لزق بالسخونية
وتسبة بتاع 5 دقايق
وبعدين مية يغسل وبرضه من غير ضغط
ولما تخلص وتنشف حط wd-40 هلى مكينة المروحة لان الفوم والمية كلو الشحم من عيها ولازم حاجة تلينها عشان عمرها ما يقصرش

معلش محتاج توضيح اكير هو عادي كدة المية تترش جوة الكبوت

[mshmshm3]

معلش محتاج توضيح اكير هو عادي كدة المية تترش جوة الكبوت

+11111111111111

[Karim_Monir]

معلش محتاج توضيح اكير هو عادي كدة المية تترش جوة الكبوت

لاء بالراحة عليا انا ما قولتش كدة وان كان ممكن
الاول تنفخ الكبوت هواء شديد كويس قوي لغاية ما تشوف ان مابقاش في تراب بيطير قدام
وتنفخ عند المروحة والسربنتينة وناحية البوجيهات
ومن بعيد على السربنتينة الله يكرمك عشان ضغط الهواء بيسد الريش ويعوجها
خلصت خلاص الكلام ده
خللي عامل المحطة يغلفلك الموبينة بكيس ويعزلة كويس
تجيب خرطوم مية وتغسل الرداتير والسربنتينة وبدون ضغط بقولها تاني
ميه عاديه بدون ضغط
هاتخد اول وش تراب وتنزل
يجيب الفوم ويغرق الرداتير والسربنتينة بيهم وتسيبهم دقيقتني عان الجو حر ومش عايزين الصابون يلزق
وبنفس الخرطوم بقي من غير ضغط تغسلهم لغاية ما تبقي المية نازلة نضيفة
عايز تغسل حوض الموتور معاك بالمرة ممكن عشان التراب بس حوض الموتور مابغسلوش غير مرة واحدة في السنة بس او مرتين لو عديت في طريق تراب وعواصف اكتر من كدة غلط
مش عايز تغسلة كفاية نفخ التراب
اوعي تغسله بجاز والكلام ده عشان الجاز بيحل الشحم اللي على الاجزاء الميكانيكة زي المراوح وغيرها وبينشف السيور ويقلل عمرها الافتراضي
خلصت الكلام ده اديها نفخة هواء ونشفها كويس بالهواء
ورشة اسبراي wd-40 علي الاجزاء الميكانيكة
وابقي ادعيلي
وماتخليش العامل يعمل الكلام ده اعملة بايدك عشان ضمان الاهتمام معظمهم بيطلسئو
وفي البنزينة هايحالو يخلص عشان الوقت
شوف اي مغسلة صغير برة بنزينة هايسيبوك تعمل اللي انت عايزة

[zakiali]

بعد تجربة غسيل دورة التبريد كاملة وتغيير مياة التبريد وتنظيف السربنتينة برده التكييف أداؤه كان ضعيف جدا جدا لدرجة المروحة ... رحت لمهندس صيانة تكييفات عربيات في بين الثرايات شاطر جدا .. قاس نسبة الفريون وقالي ده الفريون ناقص وعاوز يتشحن عشان يرجع تبريدة زي الأول .. فضي الفريون القديم وبعد كده كبس دورة الفريون هوا وسابة شوية عشان يعرف ازا كان فيه تسريب ولا لأ .. وبعد نص ساعة قاس تاني قالي كده دورة الفريون مفهاش تسريب .. وبعدين راح جاب الفريون نفس رقم موديل الفريون بتاع الفيرنا وشحنة عند الضغط المزبوط .. وبعدين وداني مغسله لغسيل السربنتينة الداخلية .. وبعدين شغلنا التكييف لقيته ما شاء الله جايب تلج ... تلج بمعني الكلمة ماشاء الله .. احسن من تكييف البيت الحمد لله والكباس بأه يفصل كل شوية بسرعة مش زي الأول بيفضل ينحر في نفسه .. في الظهر بعمله علي 2 والترموستات قبل الأخر بشوية كتار .. ببقي عاوز اتغطي من البرد و3 دي بيخليك تتجمد في عز الظهر مش بعمله علي 3 الا أول ما أركب العربية بس وبنزله بعد كده علي 2 .. انما الترموستات بفضل حاطة قبل الأخر بشوية كتار عشان اريح الكباس .. دي كانت تجربتي مع تكييف العربية الفيرنا .