اخيرا ركبت السينيور

[sabregas2010]

بعد حيرة كبيرة بين الماركات اللى فى السوق وما بين السينسور العادى والواير ليس اخيرا ربنا هدانى وركبت العادى ولونه فضى بلون العربية وبصراحة يا شباب تحفة فى العربية ومهم فى الركنات بجد
عقبالكوا يا رجالة هيونداى

[koshary]

الف مبرروك ياباشا بس مقولتلناش السينسور ماركتو ايه وسعرو كام ؟؟

[S O P H O S]

الف مبرووك يا باشا ....

[exact]

محدش فالمنتدى بيتم جميله ويكتب موضوع على بعضه (الا من رحم الله) على انه عادة اللي بيكتب الموضوع متأكد جدا انه هيتسأل منين وبكام

[amr_8800]

مبروك يا باشا
بس كنا عايزين شويه تفاصيل زي
النوع
والسعر
وجبته من فين
ركبته فين
انطباعك بعد ما ركبتو
وياريت صور للكرتونه وليه وهو راكب
معلش انا اسف طلباتي كتيره بس عايز اركبه ومحتاج معلومات اكتر
وااف الف مبروك

[hatem11112000]

مبروك يا باشا
بس كنا عايزين شويه تفاصيل زي
النوع
والسعر
وجبته من فين
ركبته فين
انطباعك بعد ما ركبتو
وياريت صور للكرتونه وليه وهو راكب
والف الف مبروك

+1111111111111111

[Sehsss]

مبروك

[sabregas2010]

انا اسف جدا ان الموضوع مش كامل عموما
- سعر السينسور 175 بالتركيب بس طبعا اديت اللى ركب 10 جنيه
- اشتريته من عند ابراهيم بتاع البادجات اللى فى شارع دمشق (عنده محل خاص بالسماعات والكاسيتات ... الخ)
وطبعا هو اللى ركبه
- طبعا الجهاز صينى وفى منه الوان حسب لون العربية وده احسن من انه يتجاب اسود وترشه مكتوب على العلبة rothen اكيد طبعا ماركة مش معروفة
- بخصوص الصور انا بجد مش بعرف انزل صور على المنتدى ونزلت صورة عربيتى بالعافية عن طريق واحد معرفة
- انطباعى عن السينسور انه تحفة بجد وضرورى وجوده فى العربية والشاشة بتاعه الجهاز بتظهر المسافة والجهة يعنى فى رقم بيظهر قدامك على الشاشة بيقل كل ما تقرب من الجسم اللى وراك والصوت بيزيد وفى اشارات تحدد الجسم وراك علطول ولا ناحية اليمين او الشمال يعنى هتريح بالك وانت بتركن على الاخر
- معلومة مهمة لما تركب الشاشة بتاعه الجهاز بلاش على التابلوة عشان ممكن تسيح من الشمس وده كلام الراجل اللى ركبه وركبلى الشاشة فوق مرايا الصالون وطلع مكانها تحفة بجد وسهل استخدام الشاشة مع المرايا
- ولو قصرت فى المعلومات جاهز لاى استفسارات تانية
- والله يبارك فيكوا جميعا

[Kareem Fawzy]

شكراً يا كبير على المعلومات
بس 175 جنيه كتير قوى على سنسور عادى :))
بس مبرووك عليك

[sabregas2010]

الله يبارك فيك يا كريم بس بجد ده ارخص سعر لقيته بعد ما لفيت كتير

[mody_halawa]

عاوز اركب واحد ضرووووووووووورى .. محدش يعرف حد فى اسكندرية ؟؟
واية الفرق بين العادى والواير ليس

[drmagieed]

متابع

[sabregas2010]

انا معرفش حد اسكندرية بس اكيد هتلاقى فى شارع بورسعيد
اما الفرق بين العادى والواير ليس ان العادى بسلك متوصل بين الشاشة والحساسات الخلفية وده بيعدى من الباكت الشمال فى العربية اما الواير ليس مفيش سلك بين الشاشة والحساسات يعنى مش هتفك اى حاجة فى العربية

[sabregas2010]

والواير ليس لونه اسود بس يعنى مفيش منه الوان بلون العربية ممكن تسيبه اسود او ترشه حسب ما انت عايز اما العادى فى منه الوان بلون العربية

[el_nahal2004]

اخييييييييييراااا
ده انت ياراجل كان بقالك سنتين عايز تركبه

عمتا مبروك يامعلم احمد