اخيرا تعديل فرامل الفيرنا امامى وخلفى (سكاكين)الى فرامل رياضية

[h_haitham]

السادة الاعضاء بعض طوال انتظار ودراسة تجارب عديدة لاكثر من 6 شهور حول تعديل فرامل الفيرنا الامامى والخلفى وتحويلهم الى فرامل رياضية (سكاكين) تم التوصل الى عدة طرق للتحويل وتم تجربتهم جميعا واليكم الشرح المفصل لجميع التجارب :
1. تعديل الفرامل الامامية:
الطريقه الأولى : ودى أهمهم بالنسبه لينا - لأن العربيه الى مأخوذ منها القطع متوفره عندنا ( Elantra 2001 الى 2005 )او هيونداى كوبية موديل 99 الى 2003 وكل حاجه هتركب بدون أى تعديلات

الأشياء المطلوبه :
Left and right 2001-2006 XD Elantra spindles
Left and right 2001-2006 XD Elantra calipers with mounting bracket and hardware
A set of front brake pads for a 2001-2006 XD Elantra
A pair of 2001-2006 XD Elantra rotors

ال Splindles هما ال Knuckle هلى موجودين فى الصوره ( مش عارف اسمهم بالعربى )
كمان هنحتاج Hub الألينترا ( أو الصره ) علشان الطنابير تركب عليها بدون مشاكل و طبعا ال Dust cover
يعنى لو بصيت فى الصوره الى فى أول صفحه هنحتاج من أول ال Knuckle لغاية ال Split Pin


وده الكاليبر بتاع الألينترا

ودى بقى مقارته بين طنبورة الفيرنا الأصليه وطنابير الألينترا من حيث الحجم



ملحوظه هامه جدا :
- أى تعديل من السابق ذكرهم هيحتاج انك تغير لجنوط أكبر أو مقاس كاوتش أكبر بالنسبه للتعديل جنوط 15 هتبقى كفايه (جنوط ابعاد يبانى)

- لما تجيب طقم جنوط اتأكد أنه يركب على مقاس ال Hub الجديد 4*114(جنوط ابعاد يبانى) مش القديم بتاع الفيرنا 4*100
- وأخيرا يستحسن انك تغير زيت الفرامل بنوع نضيف Dot 4

دة بالنسبة للفرامل الامامية عبارة عن فك وتركيب والتكلفة الجنبين من 400 الى 500 جنية على حسب الحالة

الفرامل الخلفية :

يوجد طريقتين للتعديل الطريق الاولى:
لاصحاب السرعات العالية والملفات الضيقة وتحسين اداء التحكم والثبات
والطريقة دى هى الى انا عملتها
شراء عفشة كاملة رياضية من هيونداى كوبية من 2000 الى 2003 وهى متوفرة عند سوسو فى المريوطية هرم وهى عبارة عن :
1.ضوشمة كاملة خلفى سكاكين 4 خرم (شمعدان+ سرة عجل+مسترفرامل+طنابير+تيل+وير باكم+وير فرامل يد) والتكلفة للجنبين من 400 الى 500 جنية على حسب الحالة




2.شراء 2 مساعد كوبية ببارة التثبيت والتكلفة االمساعدين من 300 الى 400 جنية على حسب الحالة






3.شراء 2 شداد جنب ضوشمة كوبية او الانترا والتكلفة الشدادين من 100 الى 150جنية على حسب الحالة




4.ميزان تثبيت والتكلفة من 50 الى 100 جنية على حسب الحالة


هذة هى الاجزاء المراد شرائها وجميعها متوفرة من الانتراء من 2001 الى 2005 او كوبية من 2000 الى 2003

التركيب :
1 . قم برفع العربية من منتصف السيارة الخلفى


2.قم بفك المساعد والضوشمة والميزان وشداد جنب الضوشمة من الفيرنا
3.تم بتبديل بطاحة المساعد الخاص بالفيرنا وقم بتركبها فى مساعد الانترا او الكوبية للحفاظ على ابعاد المسامير.
4 . ركب ميزان الانترا او الكوبية.
5.ركب المساعد فى الفيرنا بعض تغير البطاحة.
6.ركب شداد جنب الضوشمة.
7.ركب الضوشمة
8.ركب خرطوم الباكم
9.ركب وير فرامل اليد الخاص بـ الانترا او الكوبية


بذلك نكون قد انتهينا من تركيب العفشة الخلفية كاملة
ملحوظة : لا تم بتغير شداد وسط الضوشمة حتى لا تخلف زوايا العربية.


الشكل النهائى:


الطريقة الثانية للفرامل الخلفية:
هى طريقة اقل تكلفة بكثير من الاولى ولكن نسبة الامان والثبات ليست جيدة عن تجربة او لم تلاخظ اى فرق من ناحية الثبات فى السرعات العالية
1. خلفى سكاكين 4 خرم ( سرة عجل+مسترفرامل+طنابير+تيل+وير باكم+وير فرامل يد) والتكلفة للجنبين من 400 الى 500 جنية على حسب الحالة



2. قم بفك اجزاء الفرامل القديمة








3.اهم جزاء هنا هو اضافة فلنشة للكابلر ويتم عملة عند الخراط فى السبتية بسمل 10 ملى يعنى 1 سم على الاقل



4.قم يتركيب الفلنشة فى الضوشمة



5. ركب اجزاء الفرامل من الانترا او الكوبية









وهكذا نكون قد انتهينا من تركيب الفرامل الخلفية

اليكم بعض مخطاطات التى ساعدتنى على التعديل
1. خلفى فيرنا


2. امامى فيرنا


3.خلفى كوبية او الانترا


امامى كوبية او الانترا


ملحوظة : هذا العمل من مجهودى الشخصى رجاء عدم نسب الموضوع لاى شخص اخر
فى حالة وجود اى استفسال برجاء الاتصال :
م/هيثم فكرى
01003104800

[ahmedeihab]

موضوع يستحق الاحترام و التقدير

تسلم ايدك

^_^

[BLACKVERNA]

موضوع مميز

[elsherif_2000]

ايه الجمال دة

[amrelsaqqa]

انت فين من زمان
بارك الله فيييييك تسلم بجد :)

[mahmoud_afifi]

مجهود كبير ونفس الشغل العالي بتاع المواقع الاجنبيه ;))
بس سؤال.. هو انت مركب تيل فرامل Green stuff ؟؟

[eng_maged]

شرح ممتاز وموضوع يستحق الاحترام جدا
نتمنى يا باشمهندس نقل تجاربك كلها لانها فعلا بتفيد ناس كتير

[haitham2011]

مجهود يستحق التقدير

[الطنطاوي]

ما شاء الله
تسلم الايادي

[h_haitham]

شكرا للجميع لقد قررت عرض هذة المشاركة حتى تعم الفائدة لنا جميعا و شكر وتقدير لجميع الردود التى من شئنها وسام على صدرى

[koshary]

تسلم ايدك بجد كلام هااااايل

[HAITHAM1985]

خلصت فيك كل الكلام ........ أنت برنس

[h_haitham]

يوجد طريقة اخرى لتركيب الفرامل بدون تغير جنوط الفيرنا:
1.عدم تغير صرة العربية بذلك تصبح ابعاد الجنوط كما هى .
2.عند الخراط يقوم بخرم الطنابير على مسامير صرة الفيرنا .
3.ركب جنط الفيرنا كما هو .

فى حالة عدم رغبتك من خرم الطنابير :
يستلزم هنا استبدال الطنابير باخرى نفس الابعاد الخاصة بالفيرنا مثل طنابير متسوبيشى ميراج او هوندا او طنابير سكاكين خلفية فيات
ملحوظة : برجاء مراعاة قطر الطنبورة الاصلية (الانترا او الكوبية)

[h_haitham]

مجهود كبير ونفس الشغل العالي بتاع المواقع الاجنبيه ;))
بس سؤال.. هو انت مركب تيل فرامل Green stuff ؟؟

شكرا على الرد المشجع

ايوم انا مركب تيل فرامل Green stuff بس انا اشترية من الخارج (الصين) اصلى درجة اولى

[amrelsaqqa]

يوجد طريقة اخرى لتركيب الفرامل بدون تغير جنوط الفيرنا:
1.عدم تغير صرة العربية بذلك تصبح ابعاد الجنوط كما هى .
2.عند الخراط يقوم بخرم الطنابير على مسامير صرة الفيرنا .
3.ركب جنط الفيرنا كما هو .

فى حالة عدم رغبتك من خرم الطنابير :
يستلزم هنا استبدال الطنابير باخرى نفس الابعاد الخاصة بالفيرنا مثل طنابير متسوبيشى ميراج او هوندا او طنابير سكاكين خلفية فيات
ملحوظة : برجاء مراعاة قطر الطنبورة الاصلية (الانترا او الكوبية)

لا بجد استاااذ وفنان تسلم ايدك
انا لسة كنت داخل اسأل السؤال ده لقيتك جاوبته لوحدك

شكرا ياباشا :)