أيهما أفضل الأوتوماتيك أم المانيوال

[Ahmed73]

أنا ناوى أروح السوق بكرة الجميع ينصحنى بالمانيوال وأنا عندى رغبة فى الأوتوماتيك أفيدونى أشترى إيه اختياراتى ما بين النترا واكسنت واكسيل
وبارك الله فيكم

[thegreatnileman]

لو انت بتمشى فى اماكن زحمة وخنقه ومش بتحب تسابق وتشد بعربيتك يبقى الاوتوماتيك طبعا

ولو انت عاوز تجرى وتقرص على العربيه يبقى المانيوال لان استجابة المانيوال ليك افضل من الاوتوماتيك

الاوتوماتيك هو اللى بيسوق مش انت


بس تخيل نفسك برضه راكب عربيتك الساعه 2 ظهرا فى شهر اغسطس والتكييف شغال ومزنوق فى اشارة مرور زحمه ويادوب بتشيل رجلك من على الفرامل العربيه تمشى وتدوس على الفرامل تقف والزجاج طبعا مقفول منتاش سامع حاجه من اللى بره


متهيالى وصلك راى

طبعا الاوتوماتيك احنا مش جايبين العربيات علشان نسابق بيها احنا جايبنها علشان تريحنا


بس طالما بتشترى مستعمل يفضل يكون معاك حد خبير فى الاوتو ماتيك علشان تاخد ان شاء الله حاجه محترمه وربنا يكرمك وابقى صور لنا العروسه علشان نشوفها ونبارك

[al_manara]

الاوتوماتيك
اجمل واريح في بلدنا لانها زحمة